ମାଲକାନଗିରି ସମେତ ଆନ୍ଧ୍ର ପ୍ରଦେଶ, ଛତିଶଗଡ ଓ ତେଲେଙ୍ଗାନାରେ ନକ୍ସଲ ଦମନ ପାଇଁ ବିଏସଏଫ, ସିଆରପିଏଫ, ଆଇଟିବିପି, ଡିଆରଜି, ଏସଟିଏଫ, ଗ୍ରେହାଉଣ୍ଡ, ଏସଓଜି, ଡିଭିଏଫ ଭଳି ବହୁ ବାଟାଲିୟନକୁ ମୁତୟନ କରାଯାଇଛି।
ଦୁର୍ଗମ ଅଞ୍ଚଳରେ ମାଓ କ୍ୟାମ୍ପଗୁଡିକରେ କିଛି ବୁଲା କୁକୁର ଆଶ୍ରୟ ନେଇଥାନ୍ତି। ସେଠାରେ ହିଁ ଖାଇବା ପିଇବା ସହ ଯବାନ ସର୍ଚ୍ଚ ଅପରେସନରେ ବାହାରିଲେ ସେମାନଙ୍କ ସହ ଜଂଗଲକୁ ଯିବା ଏବଂ ସେମାନେ ଫେରିଲେ ସେମାନଙ୍କ ସହ ଫେରିଥାନ୍ତି।
ଛତିଶଗଡର ବିଜାପୁର ଜିଲ୍ଲାର ଦୁର୍ଗମ ନକ୍ସଲ ପ୍ରବଣ ଅଂଚଳ ମୁତଭେଣ୍ଡି ଠାରେ ଏକ ନୂତନ କ୍ୟାମ୍ପ ଗତ ୨୦୨୧ ମସିହାରେ ସ୍ଥାପିତ ହୋଇଥିଲା। ଏହି କ୍ୟାମ୍ପ ଆସିବା ପରେ ଏଠାରେ ମଧ୍ୟ କିଛି ବୁଲା କୁକୁର କ୍ୟାମ୍ପରେ ରହିବା ଏବଂ ଖାଇବା ସହ ଯବାନଙ୍କ ସହ ସାଙ୍ଗ ହୋଇଯାଇଥିଲେ। ସେଠାରେ ସେଭଳି ଏକ ବୁଲା କୁକୁର ଥିଲା ଯାହାର ନାଁ ଦିଆଯାଇଥିଲା କିଆ।
ଗତ ଡିସେମ୍ବର ମାସର ୨୪ ତାରିଖରେ ସ୍ଥାନୀୟ ଜଂଗଲରେ ସର୍ଚ୍ଚ ଅପରେସନ ଯବାନ ବାହାରିଥିବା ବେଳେ ଅନ୍ୟ କୁକୁରଙ୍କ ସହ କିଆ ମଧ୍ୟ ସାଙ୍ଗରେ ଥିଲା। ଜଂଗଲରେ ସର୍ଚ୍ଚ ଅପରେସନ କରୁଥିବା ବେଳେ କିଆ ଯବାନଙ୍କ ଆଗରେ ଚାଲିଥିଲା। ତେବେ ଜଂଗଲର ମଧ୍ୟ ଭାଗରେ ହଠାତ୍ ଏକ ବିସ୍ଫୋରଣ ଶୁଭିଲା, ଯାହା ପ୍ରଚଣ୍ଡ ଶଦ୍ଦରେ ଜଂଗଲ କମ୍ପି ଉଠିଥିଲା।
ନକ୍ସଲଙ୍କ ଦ୍ବାରା ଖଞ୍ଜା ଯାଇଥିବା ଲ୍ୟାଣ୍ଡମାଇନ ବିସ୍ଫୋରଣରେ କିଆ ମୃତ୍ୟୁବରଣ କରିଥିଲା। ଏକ ବଡ ଧରଣର ଅଘଟଣରୁ ଯବାନମାନେ ବର୍ତ୍ତି ଯାଇଥିଲେ। କିଆ ସହିଦ ହୋଇଥିଲେ ମଧ୍ୟ ବହୁ ଯବାନଙ୍କ ଜୀବନ ବଞ୍ଚାଇଥିବାରୁ କ୍ୟାମ୍ପ ନିକଟରେ କିଆର ଏକ ସ୍ମାରଜୀ ତିଆରି କରି ଯବାନ ପ୍ରତିଦିନ ସେଠାରେ ସାଲୁଟ ମାରିଥନ୍ତି। ଯବାନ ଆଜି ବି କିଆକୁ ଭୁଲିପାରିନାହାନ୍ତି।
ଆଜି ବି କିଆକୁ ଝୁରୁଛନ୍ତି ଯବାନ। ମନେପଡିଲେ ଯବାନଙ୍କ ଆଖି ଛଳ ଛଳ ହୋଇଯାଏ। କିଆର ବଳିଦାନକୁ ଯବାନ ସବୁଦିନ ପାଇଁ ମନେ ରଖିବେ ବୋଲି କହନ୍ତି। କିଆର ସ୍ମାରକି ତିଆରି କରି ତାର ବଳିଦାନକୁ ସବୁବେଳେ ମନେ ପକାଇବା ପାଇଁ ଏକ ପ୍ରୟାସ କରାଯାଉଛି।
ଓଡ଼ିଶାରେ ୩୭୩୮ ବାଂଲା ଅନୁପ୍ରବେଶକାରୀ
