ବୁଧବାର ବିଳମ୍ବିତ ରାତିରେ ୧୬ ନମ୍ୱର୍ ଜାତୀୟ ରାଜପଥର ବରମୁଣ୍ଡା ଫ୍ଲାଏଓଭର ଉପରେ ସିରିଜ ଦୁର୍ଘଟଣା ଘଟି ଜଣଙ୍କର ମୃତ୍ୟୁ ହୋଇଥିବା ବେଳେ ଦୁଇଜଣ ଗୁରୁତର ଆହତ ହୋଇଛନ୍ତି। ମୃତକଙ୍କ ପରିଚୟ ମିଳି ପାରି ନ ଥିବା ବେଳେ ଗୁରୁତର ଆହତଙ୍କ ମଧ୍ୟରେ ଖଣ୍ଡଗିରି ଥାନାର ହୋମଗାର୍ଡ ଡ୍ରାଇଭର ମନୋଜ ମେହେର, ଚିତ୍ତରଞ୍ଜନ ପଟ୍ଟନାୟକ ରହିଛନ୍ତି।

ଖବର ନେବାରୁ ଜଣା ପଡ଼ିଛି ଯେ ବୁଧବାର ରାତି ପ୍ରାୟ ଗୋଟାଏ ବେଳେ ଏକ କୁକୁଡ଼ା ବୋଝେଇ ପିକ ଅପ୍ ଭ୍ୟାନ ଭୁବନେଶ୍ୱରରୁ ଖୋର୍ଦ୍ଧା ଅଭିମୁଖେ ଯାଉଥିବା ବେଳେ ବରମୁଣ୍ଡା ନିକଟରେ ଓଲଟି ପଡିଥିଲା। ଏଥିରେ ଡ଼୍ରାଇଭରଙ୍କ ମୃତ୍ୟୁ ହୋଇଥିଲା।

ଦୁର୍ଘଟଣା ଖବର ପାଇ ଖଣ୍ଡଗିରି ଥାନା ପୁଲିସ ଘଟଣାସ୍ଥଳରେ ପହଞ୍ଚିଥିଲା। ଉଭୟ ପଟୁ ଦୁଇଟି ପୁଲିସ ଭ୍ୟାନ ରଖି ଉଦ୍ଧାର କାର୍ଯ୍ୟରେ ଲାଗିଥିବା ବେଳେ ଅନ୍ୟ ଏକ ଟ୍ରଲର ଦ୍ରୁତ ଗତିରେ ଆସି ପୁଲିସ ଭ୍ୟାନ ଦୁଇଟିକୁ ପିଟି ଦେଇଥିଲା। ଫଳରେ ପୁଲିସ ଭ୍ୟାନ ଦୁଇଟି ମଧ୍ୟ ଚୁରମାର ହୋଇଯାଇଥିଲା। ଗାଡ଼ିରେ ବସିଥିବା ପୁଲିସ ହୋମଗାର୍ଡ ଚିତ୍ତରଞ୍ଜନ ଓ ମନୋଜ ଗୁରୁତର ଆହତ ହୋଇଥିଲେ।

ପରେ ପୁଲିସ ଆହତଙ୍କୁ ଚିକିତ୍ସା ନିମନ୍ତେ ଡ଼ାକ୍ତରଖାନା ପଠାଇଥିବା ବେଳେ ମୃତଦେହକୁ ଜବତ କରିଛି। ଦୁର୍ଘଟଣା ଘଟାଇଥିବା ଟ୍ରଲରକୁ ପୁଲିସ ଜବତ କରିଛି।

୯ ସାଇବର ଠକଙ୍କ ଦେଢ଼ କୋଟିର ଆକାଉଣ୍ଟ ଫ୍ରୀଜ୍

ଗତ ଶୁକ୍ରବାର ପାତ୍ରପଡ଼ାରେ ମୋ ବସ୍ ଦୁର୍ଘଟଣାରେ ଝିଅର ମୃତ୍ୟୁ ହୋଇଥିବା ବେବେ ଗୁରୁତର ହୋଇ ରାଜକୁମାରୀ ପ୍ରଧାନଙ୍କର ସୋମବାର ମୃତ୍ୟୁ ଘଟିଛି। ଏମ୍ସରେ ଚିକିତ୍ସାଧୀନ ଅବସ୍ଥାରେ ତାଙ୍କର ମୃତ୍ୟୁ ଘଟିଥିବା ଜଣାପଡ଼ିଛି। ଏଠାରେ ସୂଚାଇ ଦିଆଯାଇ ପାରେ ଯେ ଝିଅ ନନ୍ଦିନୀ ପ୍ରଧାନ ଦୁର୍ଘଟଣାସ୍ଥଳରେ ପ୍ରାଣ ହରାଇଥିଲେ। ପ୍ରତିବାଦରେ ଆଜି ପରିବାର ଲୋକେ ଏମ୍ସ ଆଗରେ ଧାରଣାରେ ବସିଛନ୍ତି।
ଖବର ନେବାରୁ ଜଣାପଡ଼ିଛି ଯେ, ଗତ ଶୁକ୍ରବାର ସନ୍ଧ୍ୟାରେ କଳିଙ୍ଗ ବିହାରରେ ରହୁଥିବା ନନ୍ଦିନୀ ପ୍ରଧାନ ଭାଇଙ୍କ ସହ ମାଆଙ୍କୁ ଛାଡ଼ିବା ପାଇଁ ବସଷ୍ଟାଣ୍ଡକୁ ଆସିଥିଲେ। କିନ୍ତୁ ମୋ ବସ୍ ଧକ୍କା ଦେବାରୁ ନନ୍ଦିନୀଙ୍କ ମୃତ୍ୟୁ ଘଟିଥିଲା। ଘଟଣାସ୍ଥରେରେ ତାଙ୍କ ମାଆ ଓ ଭାଇ ବିଦ୍ୟାସାଗରଙ୍କ ସମେତ ଅନ୍ୟ ତିନି ଜଣ ଆହତ ହୋଇଥିଲେ।
ଦୁର୍ଘଟଣା ପରେ ଘଟଣାସ୍ଥଳରେ ଉତ୍ତେଜନା ଦେଖା ଦେଇଥିଲା।
ମୋ ବସ୍ ଚାଳକ ଘଟଣାସ୍ଥଳରୁ ଫେରାର ହେବାକୁ ବାହାରିବା ଦେଖି ଲୋକେ ଗୋଡ଼ାଇଥିଲେ। ବସ୍ ଚାଳକ ପ୍ରଶାନ୍ତ ଛୋଟରାୟ ଜୀବନ ବିକଳରେ ଗାଡ଼ିର ବେଗ ବଢ଼ାଇ ଖୋର୍ଦ୍ଧା ଦିଗରେ ପଳାଇଥିଲା। ପାଖାପାଖି ୨୦ ବାଇକରେ ଲୋକେ ତାକୁ ଗୋଡ଼ାଇ ଥିଲେ। ତଳଖେତା ଛକରୁ ବସ୍ଟି ମୋଡ଼ ବଦଳାଇ ତମାଣ୍ଡୋ ଦିଗରେ ଆସିଥିଲା ଏବଂ ତମାଣ୍ଡୋ ଥାନା ନିକଟରେ ଅଟକି ଥିଲା। ପିଛା କରୁଥିବା ଲୋକେ ତାକୁ ଥାନା ଆଗରେ ମଧ୍ୟ ମାଡ ମାରିଥିଲେ। ପୁଲିସ ବହୁ କଷ୍ଟରେ ବସ୍ ଚାଳକ ପ୍ରଶାନ୍ତକୁ ଉଦ୍ଧାର କରିଥିଲା।