ଆମେରିକାର ଭର୍ଜିନିଆରେ ଡିପାର୍ଟମେଣ୍ଟ ଷ୍ଟୋର ବାହାରେ ମଦ ପାଇଁ ସାରା ରାତି ଅପେକ୍ଷା କରିଥିଲେ। ସକାଳେ ଷ୍ଟୋରକୁ ବାପା ଝିଅ ଆସିବା କ୍ଷଣି ଗୁଳି କରି ହତ୍ୟା କରିଛନ୍ତି ଆମେରିକାରେ ବସବାସ କରୁଥିବା ଜଣେ ଆଫ୍ରିକୀୟ ଯୁବକ। ମୃତକ ଦୁଇଜଣ ଭାରତର ବୋଲି ଜଣା ପଡ଼ିଛି।
ମୃତ ବାପା ହେଲେ ଗୁଜରାଟର ୫୬ ବର୍ଷୀୟ ପ୍ରଦୀପ ଭାଇ ପଟେଲ ଓ ତାଙ୍କ ୨୬ ବର୍ଷୀୟା ଝିଅ। ଗୁଜରାଟରେ ଥିବା ମୃତକଙ୍କ ପରିବାର ଲୋକେ କହିଛନ୍ତି ଯେ ମଦ କିଣିବା ପାଇଁ ଦୋକାନ ନିକଟରେ ରାତିସାରା ଅପେକ୍ଷା କରି ହତାଶ ହୋଇଥିବା ଜଣେ ବ୍ୟକ୍ତି ଏଭଳି କାଣ୍ଡ ଭିଆଇଛନ୍ତି।
ଶୁକ୍ରବାର, ସକାଳ ୫:୩୦ (ସ୍ଥାନୀୟ ସମୟ)ରେ ଯେତେବେଳେ ସେମାନେ ସେମାନଙ୍କ ଦୋକାନ ଖୋଲିଥିଲେ, ଜଣେ ଆଫ୍ରିକୀୟ-ଆମେରିକୀୟ ବ୍ୟକ୍ତି ଗୁଳି ଚଳାଇବାରୁ ବର୍ଷୀୟ ପ୍ରଦୀପଭାଇ ପଟେଲଙ୍କ ଘଟଣାସ୍ଥଳରେ ମୃତ୍ୟୁ ଘଟିଥିଲା। ତାଙ୍କ ଝିଅ ଉର୍ମିକୁ ଭେଣ୍ଟିଲେଟରରେ ରଖାଯାଇଥିବା ପରେ ତାଙ୍କୁ ମୃତ ଘୋଷଣା କରାଯାଇଥିଲା ବୋଲି ଗୁଜରାଟରେ ତାଙ୍କ ପରିବାର ଲୋକେ ସାମ୍ବାଦିକମାନଙ୍କୁ କହିଛନ୍ତି।
