କାଳ ହେଲା କି ସୁନ୍ଦରତା ? କୁମ୍ଭମେଳାରେ ମାଳି ବିକି ଦି ପଇସା ରୋଜଗାର କରିବାକୁ ଆସିଥିବା ଶ୍ୟାମଳ ସୁନ୍ଦରୀ ମୋନାଲିସା କାହିଁକି ଛାଡ଼ି ଚାଲିଗଲେ କୁମ୍ଭମେଳା। ଏହାକୁ ନେଇ ଅନେକଙ୍କ ମଧ୍ୟରେ ଅନେକ ପ୍ରଶ୍ନ। ତେବେ କିଏସେ ମୋନାଲିସା ? କାହିଁକି ମେଳା ଛାଡ଼ି ଚାଲିଗଲେ ମୋନାଲିସା ? ଏହାକୁ ନେଇ ଅନେକ ପ୍ରଶ୍ନ।ଉ

ତ୍ତର ପ୍ରଦେଶ ମହା କୁମ୍ଭମେଳାରେ ସାଧୁଙ୍କୁ ନେଇ ଏବେ ବିଭିନ୍ନ ଗଣମାଧ୍ୟମରେ ଯେତିକି ଚର୍ଚ୍ଚା ହେଉନି, ବେଶୀ ଚର୍ଚ୍ଚା ହେଉଛି ସୁନ୍ଦରୀମାନଙ୍କୁ ନେଇ। ଏମିତି ଅନେକ ସୁନ୍ଦରୀ ସାଧୁ ଆସିଛନ୍ତି ସେମାନଙ୍କ ଉପରେ ବିଭିନ୍ନ ଗଣମାଧ୍ୟମର ବିଶେଷ କ୍ୟାମେରା ଲାଗି ରହିଛି। କିନ୍ତୁ ଜଣେ ସାମାନ୍ୟ ମାଳି ବିକାଳୀ ଯୁବତୀ ଏବେ ସମଗ୍ର ସାମାଜିକ ଗଣମାଧ୍ୟମରେ ଚର୍ଚ୍ଚାର କେନ୍ଦ୍ରବିନ୍ଦୁ ପାଲଟିଛନ୍ତି। ସେ ହେଉଛନ୍ତି ମୋନାଲିସା। କୁମ୍ଭମେଳାକୁ ମାଳି ବିକିବା ପାଇଁ ମଧ୍ୟପ୍ରଦେଶରୁ ଆସିଥିବା ସୁନ୍ଦରୀ ମୋନାଲିସାଙ୍କ ସୁନ୍ଦରତା ପାଇଁ ଲୋକଙ୍କ ଭିଡ ଜମିଥିଲା। ଯେତିକି ବେପାର ହେଉ ନ ଥିଲା ତା ଠାରୁ ଅଧିକ ଲୋକ ମୋନାଲିସାର ଚେହେରାରେ ମୁଗ୍ଧ ହୋଇ ଘଣ୍ଟା ଘଣ୍ଟା ଚାହିଁ ରହୁଥିଲେ। ଏତେ ଭିଡ଼ ଦେଖି ମୋନାଲିସାଙ୍କ ଚାରିପଟେ ଘେରିଗଲେ ହଜାର ହଜାର ଶ୍ରଦ୍ଧାଳୁ। ଦିନସାରା ସେଲ୍ଫି ଦେବାରେ ମୋନାଲିସାଙ୍କ ସମୟ ଗଲା। ପାହନ୍ତାରୁ ବିଳମ୍ୱିତ ରାତି ଯାଏଁ ଭିଡ ଦେଖି ମୋନାଲିସା ବ୍ୟସ୍ତ ହୋଇ ପଡିଲେ।

ପରିସ୍ଥିତି ଏଭଳି ହେଲା ସେ ମୁହଁରେ ମାସ୍କ ପିନ୍ଧିବାକୁ ପଡ଼ିଲା। ତାଙ୍କର ବିଶେଷ ଆକର୍ଷଣ ଥିବା ନୀଳ ନୟନକୁ ଲୁଚାଇବା ପାଇଁ ଚଷମା ପିନ୍ଧିବାକୁ ପଡ଼ିଲା। କେବଳ ସେତିକି ନୁହେଁ ତମ୍ବୁରେ ଲୁଚିବାକୁ ଲାଗିଲେ ସୁନ୍ଦରୀ ମୋନାଲିସା।

ନୀଳ ନୟନା ମୋନାଲିସା ଶେଷରେ ମେଳା ଛାଡ଼ିବାକୁ ନିଷ୍ପତ୍ତି ନେଲେ। ବିଭିନ୍ନ ସାମାଜିକ ଗଣମାଧ୍ୟମରେ ତାଙ୍କ ନାମରେ ଶତାଧିକ ଆକାଉଣ୍ଟ ଖୋଲି ବିଭିନ୍ନ ପୋଷ୍ଟ କରାଗଲା। ଲକ୍ଷ ଲକ୍ଷ ସେୟାର, ଲାଇକ ଓ କମେଣ୍ଟ ମଧ୍ୟ ଆସିଲା। ରାତାରାତି ସେଲୁବ୍ରିଟି ପାଲଟିଗଲେ ମୋନାଲିସା। ଏହା ଭିତରେ ତାଙ୍କୁ ସିନେମାରେ ଅଭିନୟ ପାଇଁ ବହୁ ପ୍ରଯୋଜକ ଏଵଂ ନିର୍ଦ୍ଦେଶକ ଅଫର୍ ଦେଲେ। ହେଲେ ମୋନାଲିସା ସେସବୁ ଅଫର୍ ଛାଡ଼ି ମେଳାରୁ ବିଦାୟ ନେଇଛନ୍ତି।