ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଦେଶବାସୀଙ୍କୁ ସମ୍ବୋଧନ କରିବାର ମାତ୍ର କିଛି ସମୟ ମଧ୍ୟରେ ପାକିସ୍ତାନ ସୀମାରେ ପୁଣି ଦେଖାଗଲା ଡ୍ରୋନ୍। ସାମ୍ବାରେ ପାକିସ୍ତାନ ପଟୁ ଡ୍ରୋନ୍ ଉଡ଼ିଥିବା ସୂଚନା ମିଳିଛି।
ଡ୍ରୋନ ଉଡ଼ିବା ନେଇ ଏଏନଆଇରେ ସୂଚନା। ତେବେ ସବୁ ଡ୍ରୋନକୁ ନଷ୍ଟ କଲା ଭାରତୀୟ ଏୟାର ଡିଫେନ୍ସ। ପ୍ରଥମ ପର୍ଯ୍ୟାୟ ଡ୍ରୋନ ପରେ ଆଉ ଆସି ନ ଥିବା ସୂଚନା।
ତେବେ କିଛି ସମୟ ତଳେ ସାମ୍ବାରେ ବିସ୍ଫୋରଣର ଶବ୍ଦ ଶୁଭିଥିବାର ଖବର ଆସିଥିଲା। ଡ୍ରୋନ୍ ଦେଖାଯିବା ପରେ ସାମ୍ବାକୁ ବ୍ଲାକ ଆଉଟ୍ କରାଗଲା। ଯଦିବା ସାମ୍ବା ସେକ୍ଟରରେ ବହୁତ କମ୍ ସଂଖ୍ୟକ ଡ୍ରୋନ ଆସିଛି ଏବଂ ପରେ ଆଉ ଆସିନି। ତେଣୁ ଭୟଭୀତ ହେବାର କିଛି ନାହିଁ ବୋଲି ସେନା ସୂତ୍ରରୁ କୁହାଯାଇଛି।
ସେପଟେ ସଂଧ୍ୟା ୫ଟାରେ ୫ଟାରେ ଭାରତ-ପାକିସ୍ତାନ ଭିତରେ ଡିଜିଏମଓ ସ୍ତରୀୟ ବୈଠକ ହୋଇଥିଲା। ଏଥିରେ ସୀମାରେ ଗୋଟିଏ ବି ଗୁଳି ଫୁଟିବନି କି ଗୋଟିଏ ବି ଗୁଳିର ଶବ୍ଦ ବି ଶୁଭାଯିବନି ବୋଲି ଭାରତ-ପାକିସ୍ତାନ ଡିଜିଏମଓ ସ୍ତରୀୟ ବୈଠକରେ ବଡ଼ ନିଷ୍ପତ୍ତି ହୋଇଛି। ଆକ୍ରମଣାତ୍ମକ କିମ୍ବା ଶତ୍ରୁତାପୂର୍ଣ୍ଣ ଆକ୍ସନ ନନେବା ସହ ସୀମାରୁ ଦୁଇ ଦେଶ ସୈନ୍ୟ ସଂଖ୍ୟା ହ୍ରାସ କରିବାକୁ ମଧ୍ୟ ବୈଠକରେ ସହମତି ହୋଇଛି। ତେବେ ଅସ୍ତ୍ରବିରତି ପରେ ସାମ୍ବାରେ ଡ୍ରୋନ୍ ଦେଖା ଦେବା ପାକିସ୍ତାନର ଦୋମୁହାଁ ନୀତିକୁ ଦର୍ଶାଉଛି।
ଏଠାରେ ସୂଚାଇ ଦିଆଯାଇପାରେ ଯେ, ସୋମବାର ରାତିରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଦେଶବାସୀଙ୍କୁ ସମ୍ବୋଧନ କରି ପାକିସ୍ତାନର ଆତଙ୍କବାଦୀ ସପକ୍ଷବାଦ ମନବୃତ୍ତିକୁ ନିନ୍ଦା କରିଛନ୍ତି। ଏମିତି କି ପାକିସ୍ତାନ ଆତଙ୍କବାଦୀଙ୍କୁ ସହଯୋଗ କରୁଥିବାରୁ ଭାରତୀୟ ସେନା ଆକ୍ରମଣ କରିଥିଲେ ବୋଲି କହିଥିଲେ। ବିଭିନ୍ନ ସମୟରେ ପରମାଣ ଶକ୍ତିକୁ ନେଇ ବ୍ଲାକ୍ ମେଲିଂ କରିଛି। ଆଗାମୀ ଦିନରେ ଏଭଳି କଲେ କଡ଼ା ଜବାବ୍ ଦିଆଯିବ ବୋଲି ପ୍ରଧାନମନ୍ତ୍ରୀ କହିଛନ୍ତି।
