ଚତୁର ଶତ୍ରୁ ପ୍ରଥମେ ଶାରିରୀକ ଆକ୍ରମଣ ଅପେକ୍ଷା ମାନସିକ ଆକ୍ରମଣ କରିଥାନ୍ତି। ତେଣୁ ଶତ୍ରୁକୁ ପ୍ରତିହତ କରିବା ପୂର୍ବରୁ ପ୍ରଥମେ ନିଜକୁ ମାନସିକ ସ୍ତରରେ ଶକ୍ତିଶାଳୀ କରିବା ଉଚିତ୍।
ଜଣେ ବ୍ୟକ୍ତିଙ୍କୁ ମୃତ୍ୟୁ ଦଣ୍ଡାଦେଶ ଦିଆଯିବା ପରେ କିଛି ମନୋବିଜ୍ଞାନୀ ତାଙ୍କ ଉପରେ ଏକ ଗବେଷଣା କରିବାକୁ ଚାହିଁଲେ। ଦୋଷୀ ସାବ୍ୟସ୍ତ ଯୁବକଙ୍କ ପାଖରେ ପହଞ୍ଚି ତାଙ୍କୁ ମୃତ୍ୟୁର ବିକଳ୍ପ ବ୍ୟବସ୍ଥା ବିଷୟରେ କହିଲେ। ଫାଶୀ ଦିଆଯିବାର ୨୦ ସେକେଣ୍ଡ ପରେ ଜଣଙ୍କର ମୃତ୍ୟୁ ହୋଇଥାଏ। କିନ୍ତୁ ବିଷାକ୍ତ ସାପ କାମୁଡ଼ିବାର ଦୁଇରୁ ତିନି ସେକେଣ୍ଡରେ ମୃତ୍ୟୁ ହୋଇଯାଇ ପରେ। ତେଣୁ ସେ ଚାହିଁଲେ ଫାଶୀ ବଦଳରେ ସାପ କମୁଡ଼ା ଦ୍ଵାରା ମୃତ୍ୟୁ ଦଣ୍ଡ ଦିଆଯାଇ ପାରେ। ମନୋବିଜ୍ଞାନୀଙ୍କ କଥାରେ ଯୁବକ ରାଜି ହେଲେ।
ମୃତ୍ୟୁ ଦଣ୍ଡ ଦିଆଯିବା ପୂର୍ବରୁ ଗୋଟିଏ କୋଠରୀରେ ଏକ ବିଷାକ୍ତ ସାପ ସହ ମନୋବିଜ୍ଞାନୀମାନେ ରହିଲେ। ତାଙ୍କ ଆଖିରେ ଏକ ପଟି ବାନ୍ଧି ଦିଆଗଲା। ତା ପରେ ସାପକୁ ହଟାଇ ଦିଆଯାଇ ଛୁଞ୍ଚିରେ ହାତକୁ ପୋଡ଼ି ଦିଆଗଲା। ଛୁଞ୍ଚି ଫୋଡ଼ିବାର ମାତ୍ର କ୍ଷଣକ ମଧ୍ୟରେ ଯୁବକଙ୍କ ମୃତ୍ୟୁ ଘଟିଲା।
ମନୋବିଜ୍ଞାନମାନେ ନିଶ୍ଚିତ ହେଲେ ଯେ, ସାପ ଠାରୁ ବିଷାକ୍ତ ଏ ଭୟର ମାନସିକତା। ଯେଉଁଥିପାଇଁ ସାପ ନ କାମୁଡ଼ିଲେ ମଧ୍ୟ ଭୟରେ ଯୁବକଙ୍କର ମୃତ୍ୟୁ ହୋଇଯାଇଥିଲା। ତେଣୁ ମାନସିକ ସ୍ତରରେ ଯଦି ଦୁର୍ବଳ ହୋଇଯିବା ତେବେ ଶତ୍ରୁମାନେ ସହଜରେ ଆକ୍ରମଣ କରି ପାରିବେ।

ପଖାଳ ସ୍ବାସ୍ଥ୍ୟ ପାଇଁ ହିତକର ନା ଅହିତକର

ଅନେକ ସମୟରେ ଆମେ ଠିକ୍ ଥିଲେ ମଧ୍ୟ ଆମ ଭିତରେ ବୁଝାମଣା ଅଭାବ ପାଇଁ ମନମାଳିନ ଦେଖା ଦେଇଥାଏ। ଛୋଟ ଛୋଟ ବୁଝାମଣା ରହିଲେ ଆମ ଭିତରେ ସମ୍ପର୍କ ଭଲ ରହିପାରିବ।

ଗୁରୁଜୀ ପାଠ ପଢ଼ାଇବା ବେଳେ ପିଲାଟିକୁ ପଚାରିଲେ, ପପୁ ମୁଁ ତୁମକୁ ପାଞ୍ଚଟି ଚକୋଲେଟ୍ ଦେଲି। ତୁମେ ତୁମ ଭଉଣୀକୁ ଦୁଇଟି ଚକୋଲେଟ୍ ଦେଇଦେଲ। ତାହେଲେ ପାଖରେ ତୁମର କେତୋଟି ଚକୋଲେଟ୍ ରହିଲା ?
ପପୁ କିଛି ସମୟ ଭାବି ହିସାବ କରି କହିଲା ଚାରୋଟି ଚକୋଲେଟ୍। ପୁଣିଥରେ ଗୁରୁଜୀ ବୁଝେଇବାକୁ ଯାଇ ପିଲାଟିକୁ ପୁଣି ସମାନ ପ୍ରଶ୍ନ ପଚାରିଲେ। ପପୁ ବି ସମାନ ଉତ୍ତର ଦେଲା। କହିଲା ଆପଣ ମୋତେ ପାଞ୍ଚଟି ଚକୋଲେଟ୍ ଦେଲେ। ମୁଁ ଭଉଣୀକୁ ଦୁଇଟି ଚକୋଲେଟ୍ ଦେଲି। ମୋ ପାଖରେ ଚାରୋଟି ଚକୋଲେଟ୍ ରହିଲା।
ଉତ୍ତର ଶୁଣି ଗୁରୁଜୀ ରାଗିଗଲେ। କହିଲେ କେମିତି ଚାରୋଟି ହେଲା ବୁଝେଇ କୁହ। ପିଲାଟି କହିଲା ସାର୍ ଆପଣ ମୋତେ ପାଞ୍ଚଟି ଚକୋଲେଟ୍ ଦେଲେ। ହେଲେ ମୋ ପାଖରେ ଗୋଟିଏ ଚକୋଲେଟ୍ ଆଗରୁ ଅଛି। ତେଣୁ ମୁଁ ମୋ ଭଉଣୀକୁ ଦୁଇଟି ଚକୋଲେଟ୍ ଦେବା ପରେ ପାଖରେ ଚାରୋଟି ଚକୋଲେଟ୍ ରହିଲା।
ଶେଷରେ ଜଣାପଡିଲା ଯେ, ଗୁରୁଜୀ ଯାହା କହୁଛନ୍ତି ଠିକ୍, ପିଲାଟି ଯାହା କହୁଛି ଠିକ୍। କିନ୍ତୁ ଉଭୟଙ୍କ ମଧ୍ୟରେ ବୁଝାମଣା ଅଭାବ ରହିଥିଲା। ତେଣୁ ସମ୍ପର୍କରେ ବୁଝାମଣା ହେଉଛି ବଡ଼ କଥା।

ସ୍ବପ୍ନ ଦେଖିବାର ବି ଗୋଟେ ସୀମା ଅଛି