ଦେଶରେ ମେଦ ବହୁଳତା କ୍ରମେ ବୃଦ୍ଧି ପାଇବାରେ ଲାଗିଛି। ଏବେ ପ୍ରତି ୮ ଜଣରେ ଜଣେ ମେଦ ବହୁଳତା ଶିକାର ହୋଇଛନ୍ତି। ସେହିଭଳି ଶିଶୁଙ୍କ କ୍ଷେତ୍ରରେ ଏହା ୪ ଗୁଣା ବୃଦ୍ଧି ପାଇଛି। ଏପରିକ୍ଷେତ୍ରରେ ୧୦ ପ୍ରତିଶତ କମ୍ ତେଲ ଖାଇବା ପାଇଁ ପରାମର୍ଶ ଦେଇଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି।
୧୧୯ ତମ ମନ୍ କୀ ବାତ କାର୍ଯ୍ୟକ୍ରମରେ ସମ୍ବୋଧନ କରି ମେଦ ବହୁଳତାରୁ ଦୂରେଇ ରହିବା ପାଇଁ ପରାମର୍ଶ ଦେଉଛି।
ସେ ଏହି କ୍ରମରେ ନାରୀଶକ୍ତିକୁ ଗୁରୁତ୍ଵ ଦେବା ସହ ତାହା ଦେଶ ପାଇଁ ଏକ ବଡ଼ ସମ୍ପଦ ବୋଲି କହିଛନ୍ତି। ସେହିଭଳି ଶହେ ତମ ରାକେଟ ଉତକ୍ଷେପଣରେ ଇସ୍ରୋର ସଫଳତାକୁ ଦୋହରାଇ ବୈଜ୍ଞାନିକମାନଙ୍କୁ ପ୍ରଶଂସା କରିଛନ୍ତି। ଗତ ୧୦ ବର୍ଷରେ ଭାରତ ୪ ଶହରୁ ଅଧିକ ସ୍ୟାଟେଲାଇଟ ଲାଞ୍ଚ କରିଛି। ଏଆଇ କ୍ଷେତ୍ରରେ ଭାରତ ଯଥେଷ୍ଟ ଆଗରେ ରହିଥିବା ବେଳେ ବୈଷୟିକ ଜ୍ଞାନ କୌଶଳରେ ଭାରତ ପଛଘୁଞ୍ଚା ଦେଉନାହିଁ ବୋଲି କହିଛନ୍ତି ପ୍ରଧାନମନ୍ତ୍ରୀ। ବୋର୍ଡ ପରୀକ୍ଷା ଦେଉଥିବା ଛାତ୍ରଛାତ୍ରୀଙ୍କୁ ଶୁଭେଚ୍ଛା ଜଣାଇବା ସହ ସକାରାତ୍ମକ ଚିନ୍ତା ନେଇ ପରୀକ୍ଷା ଦେବାକୁ ପରାମର୍ଶ ଦେଇଛନ୍ତି ମୋଦି।
