Loading ...

TT Ads
ଟ୍ରେଂଡିଂ ନ୍ୟୁଜ

ସଜ ଖବର

ଭାରତ-ପୋଲାଣ୍ଡ ସମ୍ପର୍କରେ ନୂଆ ଅଧ୍ୟାୟ, ପ୍ରତିରକ୍ଷା ଓ ମହାକାଶ କ୍ଷେତ୍ରରେ ସହଯୋଗ ବୃଦ୍ଧି ଉପରେ ଗୁରୁତ୍ୱ ନୂଆଦିଲ୍ଲୀ, ଅକ୍ଟୋବର ୨୩: ଭାରତ ଓ ପୋଲାଣ୍ଡ ମଧ୍ୟରେ ରଣନୈତିକ ଏବଂ ଆର୍ଥିକ ସହଯୋଗକୁ ଆହୁରି ମଜବୁତ କରିବା ଉପରେ ଗୁରୁତ୍ୱ ଦିଆଯାଉଛି। ପ୍ରତିରକ୍ଷା, ମହାକାଶ ପ୍ରଯୁକ୍ତିବିଦ୍ୟା ଏବଂ ପରମାଣୁ ଶକ୍ତି ଭଳି ଗୁରୁତ୍ୱପୂର୍ଣ୍ଣ କ୍ଷେତ୍ରରେ ଦୁଇ ଦେଶ ମଧ୍ୟରେ ସହଯୋଗ ବଢ଼ାଇବା ନେଇ ଆଲୋଚନା ହୋଇଥିବା ରିପୋର୍ଟ ପ୍ରକାଶ ପାଇଛି। ପ୍ରତିରକ୍ଷା କ୍ଷେତ୍ରରେ ସହଯୋଗକୁ ଗୁରୁତ୍ୱ ଭାରତ ଓ ପୋଲାଣ୍ଡ ମଧ୍ୟରେ ପ୍ରତିରକ୍ଷା ଶିଳ୍ପ, ଆଧୁନିକ ପ୍ରଯୁକ୍ତିବିଦ୍ୟା ଏବଂ ଶିଳ୍ପ ସହଭାଗିତା କ୍ଷେତ୍ରରେ ନୂଆ ସୁଯୋଗ ସୃଷ୍ଟି ହୋଇପାରେ। ଏହି ସହଯୋଗ ଦୁଇ ଦେଶର ଶିଳ୍ପ ଓ ପ୍ରଯୁକ୍ତି କ୍ଷମତାକୁ ଆହୁରି ସୁଦୃଢ଼ କରିବାରେ ସହାୟକ ହୋଇପାରେ। ମହାକାଶ ଓ ପରମାଣୁ ଶକ୍ତି କ୍ଷେତ୍ରରେ ନୂଆ ସମ୍ଭାବନା ମହାକାଶ ଗବେଷଣା, ବୈଜ୍ଞାନିକ ଉଦ୍ଭାବନ ଏବଂ ପରମାଣୁ ଶକ୍ତି କ୍ଷେତ୍ରରେ ସହଯୋଗ ଦୁଇ ଦେଶ ପାଇଁ ନୂଆ ସମ୍ଭାବନା ସୃଷ୍ଟି କରିପାରେ। ଏହା ଭବିଷ୍ୟତରେ ପ୍ରଯୁକ୍ତି ବିନିମୟ, ଗବେଷଣା ଓ ଶିଳ୍ପ ବିକାଶକୁ ପ୍ରୋତ୍ସାହିତ କରିପାରେ। ତେବେ ଏହି କ୍ଷେତ୍ରଗୁଡ଼ିକରେ କୌଣସି ନିର୍ଦ୍ଦିଷ୍ଟ ପ୍ରକଳ୍ପ କିମ୍ବା ଚୁକ୍ତିର ବିବରଣୀ ସମ୍ପର୍କିତ ଅଧିକାରିକ ଘୋଷଣାକୁ ଅପେକ୍ଷା କରିବାକୁ ପଡ଼ିବ। ୨୦୩୦ ସୁଦ୍ଧା ବାଣିଜ୍ୟ ବୃଦ୍ଧି ଉପରେ ନଜର ଭାରତ ଓ ପୋଲାଣ୍ଡ ମଧ୍ୟରେ ବାଣିଜ୍ୟିକ ସମ୍ପର୍କକୁ ଆହୁରି ବିସ୍ତାର କରିବା ଦୁଇ ଦେଶର ଆର୍ଥିକ ସହଯୋଗର ଏକ ମୁଖ୍ୟ ଲକ୍ଷ୍ୟ। ଏହା ଦ୍ୱାରା ଶିଳ୍ପ, ଇଞ୍ଜିନିୟରିଂ, ଶକ୍ତି, ପ୍ରଯୁକ୍ତିବିଦ୍ୟା ଓ ରପ୍ତାନି କ୍ଷେତ୍ରରେ ନୂଆ ବ୍ୟବସାୟିକ ସୁଯୋଗ ସୃଷ୍ଟି ହୋଇପାରେ। ବାଣିଜ୍ୟ ବୃଦ୍ଧିର ଲକ୍ଷ୍ୟ ପୂରଣ ହେଲେ ଉଭୟ ଦେଶର ବ୍ୟବସାୟୀ ଓ ଶିଳ୍ପ ସଂସ୍ଥାଗୁଡ଼ିକ ଉପକୃତ ହୋଇପାରିବେ। ଭାରତ ପାଇଁ କାହିଁକି ଗୁରୁତ୍ୱପୂର୍ଣ୍ଣ ଏହି ସହଯୋଗ? ୟୁରୋପୀୟ ଦେଶଗୁଡ଼ିକ ସହିତ ଆର୍ଥିକ ଓ ରଣନୈତିକ ସମ୍ପର୍କକୁ ମଜବୁତ କରିବା ଭାରତର ବୈଦେଶିକ ନୀତିର ଏକ ଗୁରୁତ୍ୱପୂର୍ଣ୍ଣ ଦିଗ। ପୋଲାଣ୍ଡ ସହିତ ସହଯୋଗ ବଢ଼ିଲେ ଭାରତୀୟ କମ୍ପାନୀଗୁଡ଼ିକ ପାଇଁ ନୂଆ ବଜାର, ପୁଞ୍ଜିନିବେଶ ଓ ପ୍ରଯୁକ୍ତିଗତ ସହଭାଗିତାର ସୁଯୋଗ ଖୋଲିପାରେ। ଉପସଂହାର ଭାରତ ଓ ପୋଲାଣ୍ଡ ମଧ୍ୟରେ ପ୍ରତିରକ୍ଷା, ମହାକାଶ ଏବଂ ଶକ୍ତି କ୍ଷେତ୍ରରେ ସହଯୋଗ ବୃଦ୍ଧି ଦୁଇ ଦେଶର ସମ୍ପର୍କକୁ ନୂଆ ଦିଗ ଦେଇପାରେ। ଆଗାମୀ ଦିନରେ ଏହି ଆଲୋଚନା କେତେ ଦୂର ଆଗକୁ ବଢ଼ୁଛି ଏବଂ କେଉଁ ନୂଆ ଚୁକ୍ତି ହେଉଛି, ତାହା ଉପରେ ସମସ୍ତଙ୍କ ନଜର ରହିବ। ସମ୍ପାଦକୀୟ ଟିପ୍ପଣୀ: ପ୍ରକାଶ ପୂର୍ବରୁ ମୂଳ ଖବର ଓ ସରକାରୀ ଘୋଷଣାରୁ ତଥ୍ୟ ଯାଞ୍ଚ କରନ୍ତୁ। [...]
ଏବେ ବିଜେପିର ପରବର୍ତ୍ତୀ ରାଷ୍ଟ୍ରୀୟ ଅଧ୍ୟକ୍ଷଙ୍କୁ ନେଇ ଚର୍ଚ୍ଚା ଆରମ୍ଭ ହେବ। କିଏ ଏହି ପଦବୀରେ ବସିବ ତାକୁ ନେଇ ରାଜନୈତିକ ମହଲରେ ଆଲୋଚନା ଜୋର୍‌ ଧରିଛି। ଏ ନେଇ ଗଣମାଧ୍ୟମ ପକ୍ଷରୁ ଦଳୀୟ ନେତାଙ୍କୁ ପ୍ରଶ୍ନ ପଚାରିବାରୁ ସନ୍ତୋଷଜନକ ଉତ୍ତର ମିଳୁନାହିଁ। ନିକଟରେ ଉପରାଷ୍ଟ୍ରପତି ପ୍ରାର୍ଥୀ ଦକ୍ଷିଣ ଭାରତରୁ କରାଯାଇଥିବାରୁ ବିଜେପିର ଏହି ପଦପାଇଁ ଜଣେ ଜଣେ ଉତ୍ତର ଭାରତରୁ କରାଯାଇପାରେ ବୋଲି କୁହାଯାଉଛି। ଦଳୀୟ ସୂତ୍ରରୁ ମିଳିଥିବା ସୂଚନା ଅନୁଯାୟୀ ଦଳ ଦକ୍ଷିଣ ଭାରତର ତାମିଲନାଡୁର ଜଣେ ବଡ଼ ଓବିସି ନେତା ସିପି ରାଧାକୃଷ୍ଣନଙ୍କୁ ଉପରାଷ୍ଟ୍ରପତି ପଦ ପାଇଁ ପ୍ରାର୍ଥୀ କରିଛି। ସହଯୋଗୀ ଦଳଗୁଡ଼ିକ ମଧ୍ୟ ରାଧାକୃଷ୍ଣନଙ୍କୁ ସମର୍ଥନ କରିଛନ୍ତି। ରାଧାକୃଷ୍ଣନ ବର୍ତ୍ତମାନ ମହାରାଷ୍ଟ୍ରର ରାଜ୍ୟପାଳ ଅଛନ୍ତି। ଏବେ ସମସ୍ତଙ୍କ ନଜର ଦଳର ପରବର୍ତ୍ତୀ ରାଷ୍ଟ୍ରୀୟ ଅଧ୍ୟକ୍ଷ କିଏ ହେବେ ତାହାର ସଙ୍କେତ ସିପି ରାଧାକୃଷ୍ଣନଙ୍କ ପ୍ରାର୍ôଥତ୍ୱ ଚୟନରୁ ଅନୁମାନ କରାଯାଉଛି। ଅନ୍ୟ ଦିଗଟି ବିଚାର କଲେ ରାଷ୍ଟ୍ରପତି ଦ୍ରୌପଦୀ ମୁର୍ମୁ ପୂର୍ବ ଭାରତରୁ ଆସିଛନ୍ତି। ଉପରାଷ୍ଟ୍ରପତି ପ୍ରାର୍ଥୀ ସିପି ରାଧାକୃଷ୍ଣନ ଦକ୍ଷିଣ ଭାରତରୁ ଆସିଛନ୍ତି। ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ପଶ୍ଚିମ ଭାରତରୁ ଆସିଛନ୍ତି। ଏପରି ପରିସ୍ଥିତିରେ, ବିଜେପିର ପରବର୍ତ୍ତୀ ରାଷ୍ଟ୍ରୀୟ ଅଧ୍ୟକ୍ଷ ଉତ୍ତର ଭାରତରୁ ହୋଇପାରନ୍ତି ବୋଲି ଅନୁମାନ କରାଯାଉଛି। ନୂତନ ବିଜେପି ରାଷ୍ଟ୍ରୀୟ ଅଧ୍ୟକ୍ଷ ଚୟନରେ ଆଞ୍ଚଳିକ ଏବଂ ଜାତି ସମୀକରଣକୁ ନେଇ କଳ୍ପନାଜଳ୍ପନା ଚାଲିଛି। ରାଷ୍ଟ୍ରପତି ଦ୍ରୌପଦୀ ମୁର୍ମୁ ଆଦିବାସୀ ସମ୍ପ୍ରଦାୟରୁ ଆସିଛନ୍ତି। ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଜଣେ ଓବିସି ଏବଂ ଉପରାଷ୍ଟ୍ରପତି ପ୍ରାର୍ଥୀ ସିପି ରାଧାକୃଷ୍ଣନ ମଧ୍ୟ ଓବିସି ସମ୍ପ୍ରଦାୟରୁ ଆସିଛନ୍ତି। ଏପରି ସ୍ଥିତିରେ, ନୂତନ ବିଜେପି ସଭାପତି ସାଧାରଣ ବର୍ଗ କିମ୍ବା ଦଳିତ ସମ୍ପ୍ରଦାୟରୁ ହୋଇପାରନ୍ତି ବୋଲି ଆଶା କରାଯାଉଛି। ନୂତନ ରାଷ୍ଟ୍ରୀୟ ଅଧ୍ୟକ୍ଷ ପାଇଁ ଚର୍ଚ୍ଚାରେ ରହିଛନ୍ତି ମନୋହର ଲାଲ ଖଟ୍ଟର, ଭୂପେନ୍ଦ୍ର ଯାଦବ, ବିନୋଦ କୁମାର ସୋନକର, ମନୋଜ ସିହ୍ନା ଏବଂ କେଶବ ପ୍ରସାଦ ମୌର୍ଯ୍ୟ। ଏମାନେ ସମସ୍ତେ ଉତ୍ତର ଭାରତରୁ ଆସିଥିବାରୁ ତାଙ୍କ ଉପରେ ରାଜନୈତିକ ସମୀକ୍ଷକମାନେ ନଜର ରଖିଛନ୍ତି। କିନ୍ତୁ ଯଦି ଜାତି ସମୀକରଣ ଏବଂ ଉତ୍ତର ଭାରତୀୟମାନଙ୍କୁ ଦେଖାଯାଏ, ତେବେ ବିନୋଦ ସୋନକର ଦଳିତ ସମ୍ପ୍ରଦାୟରୁ ଆସିଛନ୍ତି। ମନୋଜ ସିହ୍ନା ଉଚ୍ଚ଼ ସମ୍ପ୍ରଦାୟରୁ ଆସିଛନ୍ତି। ଏହି କାରଣରୁ ଏହି ଦୁଇଟି ନାମ ରାଷ୍ଟ୍ରୀୟ ଅଧ୍ୟକ୍ଷ ଦୌଡ଼ର ଶୀର୍ଷରେ ପହଞ୍ଚି ଥିବା କୁହାଯାଉଛି। ଓଡ଼ିଶା ଅଛନ୍ତି ୧୮ ଲକ୍ଷ ବୁଲାକୁକୁର [...]
ରାଜ୍ୟରେ ବଢ଼ିଚାଲିଛି ବୁଲା କୁକୁରଙ୍କ ସଂଖ୍ୟା। ଦେଶର ବୁଲକୁକୁରଙ୍କ ସଂଖ୍ୟାକୁ ତୁଳନା କଲେ ଓଡ଼ିଶାରେ ରହିଛନ୍ତି ସର୍ବାଧିକ ବୁଲକୁକୁର। ଗଣନା ମୁତାବକ ଏବେ ରାଜ୍ୟରେ ଅଛନ୍ତି ୧୮ ଲକ୍ଷ ବୁଳକୁକୁର। ସୁପ୍ରିମକୋର୍ଟ ଦିଲ୍ଲୀ-ଏନ୍‌ସିଆର ରାସ୍ତାରୁ ବୁଲା କୁକୁରଙ୍କୁ ହଟାଇବା ପାଇଁ ଅଗଷ୍ଟ ୧୧ ତାରିଖରେ ରାୟ ଦେଇଥିଲେ ସୁପ୍ରିମ୍‌କୋର୍ଟଙ୍କ ଦୁଇ ଜଣିଆ ଖଣ୍ଡପୀଠ। ଏହାକୁ ନେଇ ପଶୁପ୍ରେମୀଙ୍କ ପ୍ରବଳ ପ୍ରତିକ୍ରିୟା ପରେ ପୁନଃଶୁଣାଣି କରିଛନ୍ତି ତିନି ଜଣିଆ ବୃହତ ଖଣ୍ଡପୀଠ। ଜଷ୍ଟିସ ବିକ୍ରମ ନାଥ, ସନ୍ଦୀପ ମେହଟ୍ଟା ଓ ଏନ୍‌ଭି ଅଞ୍ଜରିୟାଙ୍କ ଖଣ୍ଡପୀଠ ରାୟ ସଂରକ୍ଷିତ ରଖିଛନ୍ତି। ଶୁଣାଣିବେଳେ ସଲିସିଟର ଜେନେରାଲ ତୁଷାର ମେହଟ୍ଟା ଯୁକ୍ତି ବାଢ଼ିଥିଲେ ଯେ ଅଧିକାଂଶ ଛୋଟ ପିଲାଙ୍କୁ ବୁଲା କୁକୁର ଆକ୍ରମଣ କରୁଛନ୍ତି। ଲୋକେ କୁକୁର କାମୁଡାରେ ଖଣ୍ଡିଆ ଖାବରା ହେବା ସହ ଜଳାତଙ୍କ ରୋଗରେ ପଡୁଛନ୍ତି। ଜଳାତଙ୍କ ରୋଗକୁ କୁକୁର ବନ୍ଧ୍ୟାକରଣ ରୋକି ପାରୁନାହିଁ ବୋଲି ଦର୍ଶାଇଛନ୍ତି। ଅପରପକ୍ଷେ ପଶୁପ୍ରେମୀଙ୍କ ପକ୍ଷ ରଖି ବରିଷ୍ଠ ଆଇନଜୀବୀ କପିଲ ସିବଲ କହିଛନ୍ତି ଯେ ବୁଲା କୁକୁରଙ୍କ ଆତଙ୍କ କମାଇବାକୁ ନିୟମ ଥିଲା, କେହି ପାଳନ କରିନାହାନ୍ତି। ଯେଉଁଥିପାଇଁ ସମସ୍ୟା ସୃଷ୍ଟି ହୋଇଛି। ସେହିଭଳି ରାସ୍ତାରୁ ବୁଲା କୁକୁରଙ୍କୁ ହଟାଇବା ପାଇଁ ଆବଶ୍ୟକ ଆଶ୍ରୟସ୍ଥଳୀ ମଧ୍ୟ ନାହିଁ। ତେବେ ବୁଲା କୁକୁରଙ୍କୁ ନିପାତ ନାଁରେ ମାରିବା ପାଇଁ ଛଡାଯାଇପାରିବ ନାହିଁ ବୋଲି ଯୁକ୍ତି କରିଛନ୍ତି। ଦିଲ୍ଲୀ-ଏନ୍‌ସିଆରକୁ ନେଇ ମାମଲା ସୁପ୍ରିମକୋର୍ଟରେ ପହଞ୍ଚିଥିବା ବେଳେ ଓଡିଶାରେ ବୁଲା କୁକୁରଙ୍କୁ ନେଇ ଚର୍ଚ୍ଚା ଆରମ୍ଭ ହୋଇଛି। ପ୍ରକାଶ ଥାଉ କି ଦେଶରେ ସର୍ବାଧିକ ବୁଲା କୁକୁର ଓଡ଼ିଶାରେ ଅଛନ୍ତି। ୨୦୧୯ରେ କେନ୍ଦ୍ର ସରକାର ବିଂଶତମ ପଶୁଗଣନା କରିଥିବା ବେଳେ ଓଡ଼ିଶାରେ ବୁଲା କୁକୁରଙ୍କ ସଂଖ୍ୟା ୧୭ ଲକ୍ଷ ୬୦ ହଜାର। ଅର୍ଥାତ୍‌ ଆମ ରାଜ୍ୟରେ ପ୍ରତି ହଜାରେ ଲୋକରେ ୪୦ ବୁଲା କୁକୁର ଅଛନ୍ତି। ଏହାରି ଭିତରେ ଆଶ୍ଚର୍ଯ୍ୟ କଲା ଭଳି ତଥ୍ୟ ହେଉଛି, ଗତ ୨ ବର୍ଷରେ ରାଜ୍ୟରେ ୫ ଲକ୍ଷ ଲୋକଙ୍କୁ କାମୁଡିଛନ୍ତି ବୁଲା କୁକୁର। ଚଳିତବର୍ଷ ଜୁନ୍‌ ୩୦ ମଧ୍ୟରେ ୧.୫ ଲକ୍ଷରୁ ଅଧିକ କୁକୁର କାମୁଡା ମାମଲା ଆସିଲାଣି। ମାସକୁ ୨୦ରୁ ୩୦ ହଜାର କୁକୁର କାମୁଡା ମାମଲା ଆସୁଛି। କେବଳ ରାଜଧାନୀ ଭୁବନେଶ୍ୱରରେ ୮୫ ହଜାର ବୁଲା କୁକୁର ଅଛନ୍ତି। ବଲାଙ୍ଗୀରରେ କୁକୁର କାମୁଡାରେ ଦୁଇଟି ମୃତ୍ୟୁ ମାମଲା ଆସିଥିବାବେଳେ ଏହାର ଯାଞ୍ଚ ଚାଲିଛି। ସୁଟିଂସେଟ୍‌ରେ ଅଭିନେତ୍ରୀଙ୍କୁ ହୋଇଥିଲା ଅସଦାଚରଣ [...]
ପୂର୍ବରୁ ଆଇସ୍କ୍ରିମ୍‌ରୁ ଆଙ୍ଗୁଠି ବାହାରିବାର ଖବର ତଥା ଖାଦ୍ୟର ବିଭିନ୍ନ ପ୍ରକାର ଜୀବଙ୍କ ଅଂଶ ବାହାରିଥିବା ଶୁଣିଥିବେ। ହେଲେ ଏବେ ଉତ୍ତର ପ୍ରଦେଶର କାନପୁରର ବିଲହୌର ଅଞ୍ଚଳସ୍ଥ ଏକ ଢାବାରୁ ମଗାଯାଇଥିବା ରୁଟିରେ ମଲା ଝିଟିପିଟି ଦେଖିବାକୁ ମିଳିଛି। ଯାହାକୁ କେନ୍ଦ୍ରକରି ଢାବାରେ ଉତ୍ତେଜନା ପ୍ରକାଶ ପାଇଥିଲା। ଖବର ନେବାରୁ ଜଣାପଡ଼ିଛି ଯେ, ଭବାନୀପୁର ଜିଟି ରୋଡରେ ଅବସ୍ଥିତ ବାଜପେୟୀ ରମୈୟା ଢାବା ଏକ ପ୍ରସିଦ୍ଧ ଢାବା। ଗତ ୮ ତାରିଖରେ ଏହି ଢାବାରେ ଖାଉଥିବା ବେଳେ ଜଣେ ଗ୍ରାହକଙ୍କ ତନ୍ଦୁରି ରୁଟିରେ ଏକ ମଲା ଝିଟିପିଟି ଦେଖିବାକୁ ମିଳିଥିଲା। ଯାହାକୁ କେନ୍ଦ୍ରକରି ଢାବା ମାଲିକଙ୍କ ସହ ଗ୍ରାହକଙ୍କ ପାଟିତୁଣ୍ଡ ହୋଇଥିଲା। ଯାହାର ଭିଡିଓ ଏବେ ସୋସିଆଲ ମିଡିଆରେ ଭାଇରାଲ ହୋଇଥିଲା। ଭାଇରାଲ ଭିଡିଓକୁ ଦେଖିବା ପରେ ଲୋକମାନେ ଅସନ୍ତୋଷ ବ୍ୟକ୍ତ କରିବା ସହିତ ଉକ୍ତ ଢାବା ମାଲିକଙ୍କ ସମେତ ରୁଟି ପ୍ରସ୍ତୁତ କରିଥିବା କର୍ମଚାରୀଙ୍କ ବିରୋଧରେ କାର୍ଯ୍ୟାନୁଷ୍ଠାନ ଦାବି କରିଥିଲେ। ଢାବା ପରିଚାଳକ କର୍ମଚାରୀଙ୍କ ଭୁଲକୁ ସ୍ୱୀକାର କରି ଗ୍ରାହକଙ୍କୁ କ୍ଷମା ମାଗିଛନ୍ତି। ଦ୍ୱିତୀୟଥର ଏଭଳି ଭୁଲ ହେବ ନାହିଁ ବୋଲି ପ୍ରତିଶ୍ରୁତି ମଧ୍ୟ ଦେଇଥିବା ଜଣାପଡ଼ିଛି। ଅପରପକ୍ଷେ ଭାଇରାଲ ଭିଡିଓ ପରେ ଖାଦ୍ୟ ସୁରକ୍ଷା ବିଭାଗର ଅଧିକାରୀମାନେ କାର୍ଯ୍ୟାନୁଷ୍ଠାନ ଗ୍ରହଣ କରି ଢାବାର ଯାଞ୍ଚ କରିଥିଲେ। ଯାଞ୍ଚ ସମୟରେ ଢାବାର ପରିମଳ ବ୍ୟବସ୍ଥା ଅତ୍ୟନ୍ତ ଖରାପ ଥିବା ଜଣାପଡ଼ିଥିଲା। ରୋଷେଇ ଘରେ ମଇଳା ଗଦା ଥିଲା, ପାତ୍ର ଏବଂ ରୋଷେଇ ସ୍ଥାନରେ ପରିଷ୍କାର ପରିଚ୍ଛନ୍ନତା ପ୍ରତି ଧ୍ୟାନ ଦିଆଯାଇ ନ ଥିବା ଜଣାପଡ଼ିଥିଲା। ଏହାସହିତ, କୀଟପତଙ୍ଗ ନିୟନ୍ତ୍ରଣ ପାଇଁ କୌଣସି ବ୍ୟବସ୍ଥା ନ ଥିଲା। ଯେପର୍ଯ୍ୟନ୍ତ ଢାବାର ସଫାସୁତରାରେ ଉନ୍ନତି ଆସି ନାହିଁ ସେ ପର୍ଯ୍ୟନ୍ତ ଢାବାକୁ ସିଲ କରି ଦିଆଯାଇଥିବା ଯାଞ୍ଚ ଅଧିକାରୀଙ୍କ ସୂତ୍ରରୁ ପ୍ରକାଶ। ସୁଟିଂସେଟ୍‌ରେ ଅଭିନେତ୍ରୀଙ୍କୁ ହୋଇଥିଲା ଅସଦାଚରଣ [...]
ଅନେକ ସମୟରେ ନବାଗତ ଅଭିନେତ୍ରୀମାନଙ୍କୁ ସିନେମା ସୁଟିଂ ସେଟ୍‌ରେ ନିର୍ଦ୍ଦେଶକ, ପ୍ରଯୋଜକ ଏବଂ ବିପକ୍ଷ ଅଭିନେତାମାନେ ଅସଦାଚରଣ ଏବଂ ଶୋଷଣ କରିବାର ନଜିର ଏବଂ ଅଭିଯୋଗ କରିଛି। ତେବେ ଏମିତି ଜଣେ ପ୍ରତିଷ୍ଠିତ ଦକ୍ଷିଣ ଭାରତୀୟ ଅଭିନେତ୍ରୀ ଅଛନ୍ତି ଯେ, କି ସେ ସମୟର ଅଭିନେତାଙ୍କ ବିରୁଦ୍ଧରେ ଆଣିଛନ୍ତି ଏଭଳି ଅସଦାଚରଣ ଅଭିଯୋଗ। ଏଭଳି ଅଭିଯୋଗ ଆଣିଥିବା ଅଭିନେତ୍ରୀ ହେଉଛନ୍ତି ତମନ୍ନା ଭାଟିଆ। ତମନ୍ନା ବାହୁବଳୀ ଠାରୁ ଆରମ୍ଭ କରି ଆଜି କି ରାତ ଭଳି ବହୁ ସିନେମାରେ ଚମତ୍କାର ଅଭିନୟ କରିଛନ୍ତି। ତେବେ ନିକଟରେ ଏକ ସାକ୍ଷାତକାରରେ ତମନ୍ନା ସେ କହିଥିଲେ ଯେ, ତାଙ୍କ ପ୍ରାରମ୍ଭିକ ଦିନରେ ଏକ ତିକ୍ତ ଘଟଣାର ସମ୍ମୁଖୀନ ହେବାକୁ ପଡିଥିଲା। ତମନ୍ନା ଭାଟିଆ ଏବେ ଏକ ପ୍ୟାନ୍‌ ଇଣ୍ଡିଆ ଷ୍ଟାର ହୋଇଯାଇଛନ୍ତି। କିନ୍ତୁ ଏହି ଯାତ୍ରାରେ, ଅନେକ ଉତ୍ଥାନ-ପତନ ଆସିଛି ଏବଂ ତାଙ୍କୁ ଅନେକ ସମସ୍ୟାର ସମ୍ମୁଖୀନ ହେବାକୁ ପଡିଛି ବୋଲି ସେ କହିଛନ୍ତସି। ସେ ଖୋଲାଖୋଲି ଭାବରେ ଆହୁରି ମଧ୍ୟ କହିଛନ୍ତି ଯେ, ତାଙ୍କୁ ତାଙ୍କୁ ପ୍ରାରମ୍ଭିକ ଦିନରେ ଅନେକ ସଙ୍କଟର ସମ୍ମୁଖୀନ ହେବାକୁ ପଡିଥିଲା। ମୁମ୍ବାଇର ବାସିନ୍ଦା ତମନ୍ନା ୨୦୦୫ ମସିହାରେ ‘ଚାନ୍ଦ ରୋଶନ ସେହରା’ ଚଳଚ୍ଚିତ୍ର୍ର ମାଧ୍ୟମରେ ବଲିଉଡରେ ଡେବ୍ୟୁ କରିଥିଲେ। ବଲିଉଡରେ ସଫଳତା ନ ପାଇବା ପରେ ସେ ଦକ୍ଷିଣ ଆଡକୁ ମୁହାଁଇଥିଲେ। ୨୦୦୬ ମସିହାରେ ତମନ୍ନା ‘କେଡି’ ଚଳଚ୍ଚିତ୍ର ମାଧ୍ୟମରେ ତାମିଲ ଡେବ୍ୟୁ କରିଥିଲେ ଏବଂ ଏହା ସହିତ ସେ ଦକ୍ଷିଣରେ ନିଜକୁ ପ୍ରତିଷ୍ଠିତ କରିବାର ପ୍ରୟାସରେ ସଫଳ ହୋଇଥିଲେ। ତାମିଲ ସିନେମାରେ, ତମନ୍ନା ଆୟନ, ପୈୟା, ବୀରମ୍‌ ଏବଂ ଧର୍ମଦୁରାଇ ଭଳି ଫିଲ୍ମରେ କାମ କରିଛନ୍ତି। ତମନ୍ନା ଭାଟିଆ ଲଲନଟପ୍‌ ସହିତ ଏକ ସାକ୍ଷାତକାରରେ ତାଙ୍କ ବିଷୟରେ ପ୍ରସାରିତ ଗୁଜବ ଏବଂ ଫିଲ୍ମ ଇଣ୍ଡଷ୍ଟ୍ରିରେ ସେ ସମ୍ମୁଖୀନ ହେଉଥିବା ଚ୍ୟାଲେଞ୍ଜ୍‌ ବିଷୟରେ କହିଥିଲେ। ସେ ଭାରତୀୟ କ୍ରିକେଟ୍‌ ତାରକା ବିରାଟ କୋହଲିଙ୍କୁ ଡେଟ୍‌ କରିଥିବା ରିପୋର୍ଟକୁ ଅସ୍ୱୀକାର କରିଥିଲେ। ସେ ଏହି ରିପୋର୍ଟଗୁଡ଼ିକୁ ସମ୍ପୂର୍ଣ୍ଣ ଗୁଜବ ଏବଂ ଅନାବ୍ୟକ ବୋଲି କହିଥିଲେ। ସେ ପୂର୍ବତନ ପାକିସ୍ତାନୀ କ୍ରିକେଟର ଅବଦୁଲ ରଜାକଙ୍କୁ ଗୁପ୍ତ ଭାବରେ ବିବାହ କରିଥିବା ଗୁଜବକୁ ମଧ୍ୟ ଖଣ୍ଡନ କରିଛନ୍ତି। ଏହି ସମସ୍ତ ଗପସପ ବିଷୟରେ କଥା ହୋଇ ତମନ୍ନା କହିଛନ୍ତି ଯେ, ସେ ବହୁତ କମ ବୟସରେ ଇଣ୍ଡଷ୍ଟ୍ରିରେ ପ୍ରବେଶ କରିଥିଲେ। ଯେଉଁଥିପାଇଁ ଏପରି ପରିସ୍ଥିତିରେ ତାଙ୍କୁ ଅନେକ କିଛି ସମସ୍ୟାର ସମ୍ମୁଖୀନ ହେବାକୁ ପଡିଥିଲା। ଥରେ, ଜଣେ ଶୀର୍ଷ ଦକ୍ଷିଣ ଅଭିନେତା ସୁଟିଂ ସମୟରେ ତାଙ୍କ ସହିତ ଖରାପ ବ୍ୟବହାର କରିଥିଲେ।  ଅଭିନେତା ତାଙ୍କ ସହିତ ବହୁତ ଖରାପ ବ୍ୟବହାର କରିବା ଆରମ୍ଭ କରିଥିଲେ ଏବଂ ତାଙ୍କ କାର୍ଯ୍ୟ ପାଇଁ ତମନ୍ନା ନିଜକୁ ଲଜ୍ଜିତ ଅନୁଭବ କରିଥିଲେ। ତମନ୍ନା ଏହି ସାକ୍ଷାତକାରରେ ସେହି ପ୍ରସିଦ୍ଧ ଦକ୍ଷିଣ ନାୟକଙ୍କ ନାମ ନେଇ ନ ଥିଲେ। ଅଧରାତିରେ କିନ୍ନର ସହ କିଛିକଥା [...]
ଭୋଟର ତାଲିକାରେ ଅନିମୟିତତା ଅଭିଯୋଗ ଆଣିଥିବା ଲୋକସଭାର ବିରୋଧୀ ଦଳନେତା ରାହୁଲ ଗାନ୍ଧୀଙ୍କୁ ବିଭିନ୍ନ ମହଲରେ ସମର୍ଥନ ମିଳିଥିବା ବେଳେ ରାଜନୈତିକ ମହଲରେ ଏହାକୁ ନେଇ ଆଲୋଚନା ସମାଲୋଚନା ଜାରି ରହିଛି। ଅପରପକ୍ଷେ ରାହୁଲଙ୍କ ଏଭଳି ଅଭିଯୋଗକୁ ସମର୍ଥନ କରିଛନ୍ତି ପୂର୍ବତନ ନିର୍ବାଚନ କମିସନର ଓମ୍‌ ପ୍ରକାଶ ରାଓତ୍‌। ବେଙ୍ଗାଲୁରୁରେ ନକଲି ଭୋଟରଙ୍କ ବିଷୟରେ ପୂର୍ବତନ ମୁଖ୍ୟ ନିର୍ବାଚନ କମିସନର ଶ୍ରୀ ରାୱତ କହିଛନ୍ତି, ନିର୍ବାଚନ କମିସନ ରାହୁଲ ଗାନ୍ଧୀଙ୍କ ଆନୁଷ୍ଠାନିକ ଅଭିଯୋଗ ଦାଖଲ କରିବା ପର୍ଯ୍ୟନ୍ତ ଅପେକ୍ଷା କରିବା ଅପେକ୍ଷା ନିଜ ପଟୁ ତଦନ୍ତ ଆରମ୍ଭ କରିବା ଉଚିତ୍‌। ପ୍ରକାଶ ଥେଉ କି ଶ୍ରୀ ରାୱତ ୨୦୧୫ରୁ ୨୦୧୮ ପର୍ଯ୍ୟନ୍ତ ଭାରତର ମୁଖ୍ୟ ନିର୍ବାଚନ କମିସନର ଭାବରେ କାର୍ଯ୍ୟ କରିଥିଲେ। ଏହି ବିବାଦ ନେଇ ଏକ ଇଂରାଜୀ ଖବରକାଗଜ ପ୍ରତିନିଧିଙ୍କୁ ଶ୍ରୀ ରାୱତ କହିଛନ୍ତି, ସେ ଯେତେବେଳେ କମିସନର ଥିଲେ ସେତେବେଳେ ଏକ ନୀତି ଥିଲା ଯେ, ଯଦି କୌଣସି ଦଳର ବରିଷ୍ଠ ଅଧିକାରୀ କୌଣସି ଅଭିଯୋଗ ଆଣୁଥିଲେ ତେବେ ଆମେ ସ୍ୱୟଂଚାଳିତ ଭାବରେ ତାହାର ତଦନ୍ତ କରୁଥିଲେ ଏବଂ ସେ ସଂକ୍ରାନ୍ତ ତଥ୍ୟ ସାଧାରଣରେ ଉପସ୍ଥାପିତ କରୁଥିଲେ। ଯାହା ଦ୍ୱାରା ନିର୍ବାଚନ କମିସନରଙ୍କ ପ୍ରତି ବିଶ୍ୱାସ ବଜାୟ ରହୁଥିଲା। ପ୍ରକାଶ ଥାଉ କି, ରାହୁଲ ଗାନ୍ଧୀ ଗୁରୁବାର ଅଭିଯୋଗ କରିଥିଲେ ଯେ, ଗତ ଲୋକସଭା ନିର୍ବାଚନରେ ବେଙ୍ଗାଲୁରୁ କେନ୍ଦ୍ରୀୟ ସଂସଦୀୟ କ୍ଷେତ୍ରର ମହାଦେବପୁରା ବିଧାନସଭା କ୍ଷେତ୍ରରେ ଏକ ଲକ୍ଷରୁ ଅଧିକ ନକଲି ଭୋଟର ଭୋଟ ଦେଇଛନ୍ତି। ଦୁଇଟି ମତଦାନ କେନ୍ଦ୍ରରେ କେତେକ ଭୋଟର ପଞ୍ଜୀକୃତ ହୋଇଥିଲେ। ସେମାନେ ଉଭୟ ସ୍ଥାନରେ ଭୋଟ କିପରି ଦେଲେ ତାକୁ ନେଇ ପ୍ରଶ୍ନ ଉଠାଇଥିଲେ। ଏହି ପ୍ରସଙ୍ଗକୁ ନେଇ କଂଗ୍ରେସ ଶୁକ୍ରବାର ବେଙ୍ଗାଲୁରୁରେ ପ୍ରତିବାଦ କରିଥିଲା। ଇଣ୍ଟରନେଟ୍‌ ମଧ୍ୟ ଏହି କଥିତ ନକଲି ଭୋଟରଙ୍କ ବିଷୟରେ ଦାବି କରାଯାଇଥିଲା। କର୍ଣ୍ଣାଟକ ମୁଖ୍ୟ ନିର୍ବାଚନ ଅଧିକାରୀ ମଧ୍ୟ କଂଗ୍ରେସକୁ ଏହି ବିବାଦ ଉପରେ ଶୁକ୍ରବାର  ସ୍ମାରକପତ୍ରର ସମର୍ଥନରେ ତଥ୍ୟ ସମ୍ବଳିତ ପ୍ରମାଣ ଦାଖଲ କରିଥିବା କହିଥିଲେ। ଶୁକ୍ରବାର ସକାଳେ କିଛି ଲୋକ କିଛି ସମୟ ପାଇଁ ଭୋଟର ତାଲିକା ଡାଉନଲୋଡ୍‌ କରିବା ପାଇଁ ଲିଙ୍କ୍‌ ପାଇପାରି ନ ଥିବା ଅଭିଯୋଗ କରିଥିଲେ। ଯାହା ଫଳରେ ରାହୁଲଙ୍କ ଦାବି ପରେ ନିର୍ବାଚନ କମିସନ (ଇସି) ଭୋଟର ତାଲିକାରେ ହେରଫେର କରୁଥିବା ଅଭିଯୋଗ ହୋଇଥିଲା। କିନ୍ତୁ ଇସିଙ୍କ ପକ୍ଷରୁ ଏଭଳି ଅଭିଯୋଗକୁ ଅସ୍ୱୀକାର କରାଯାଇଥିଲା। କମିସନ ମଧ୍ୟ ଅନୌପଚାରିକ ଭାବରେ ସାମ୍ବାଦିକମାନଙ୍କ ସହିତ ଭୋଟର ପରିଚୟପତ୍ର ଧରିଥିବା ଏକ ପରିବାରର ସଦସ୍ୟଙ୍କ ଫଟୋଗ୍ରାଫ ସେୟାର କରିଛନ୍ତି। ରାହୁଲଙ୍କ ନକଲି ଭୋଟର ତାଲିକାରେ ପରିବାରକୁ ସାମିଲ କରାଯାଇଥିଲା କାରଣ ତାଙ୍କ ଦଳକୁ ଦିଆଯାଇଥିବା ଭୋଟର ତାଲିକାର କପିରେ ଏହି ସଦସ୍ୟଙ୍କ ଫଟୋ ଦେଖାଯାଇ ନ ଥିଲା। ଅଧରାତିରେ କିନ୍ନର ସହ କିଛିକଥା [...]
ଉତ୍ତରାଖଣ୍ଡର ଉତ୍ତରକାଶୀଧରାଲୀ ଗାଁରେ ବନ୍ୟା ବିତ୍ପାତ ପରେ ମାଠିତଳେ ପୋତି ହୋଇଥିବା ମୃତଦେହକୁ ଚିହ୍ନଟ କରିବା ପାଇଁ ସ୍ନିଫର ଡଗ୍‌  ପ୍ରଜାତିର କୁକୁରଙ୍କୁ କାମରେ ଲଗାଯାଇଛି। ଯେଉଁମାନେ ୫ରୁ ୬ ଫୁଟ ମାଟିତଳେ ପୋତି ହୋଇ ରହିଥିବା ମୃତଦେହକୁ ମଧ୍ୟ ଶୁଙ୍ଘି ଚିହ୍ନଟ କରିପାରିବେ।  ସ୍ନିଫର ଡଗ୍‌ ପାଖାପାଖି ୫୦ କୋଟି ଶୁଙ୍ଘିବା ରିସେପ୍ଟର୍ସ କ୍ଷମତା ରହିଥାଏ ଯେତେବେଳେ କି ମଣିଷମାନଙ୍କରେ ପାଖାପାଖି ୫୦ ଲକ୍ଷ ରହିଥାଏ। କୁକୁରଙ୍କ ଏହି ଗୁଣର ବ୍ୟବହାର କରି ଏମାନଙ୍କୁ ଟ୍ରେନିଂ ଦିଆଯାଇଥାଏ। ଅଲଗା ଅଲଗା ବାସ୍ନାକୁ ଚିହ୍ନିବା ପାଇଁ ଏମାନଙ୍କୁ ପ୍ରଶିକ୍ଷଣ ଦିଆଯାଇଥାଏ। ଯେପରିକି କୋକିନର ଓ ମଣିଷମାନଙ୍କର ବାସ୍ନା। ବାସ୍ନାକୁ ଚିହ୍ନିବା ପରେ ଏମାନେ ଉକ୍ତ ସ୍ଥାନରେ ବସି, ପଞ୍ଝା ମାରି କିମ୍ବା ଭୁକି ଭୁକି ଇସାରା ଦେଇଥା’ନ୍ତି। ସନ୍ଧାନୀ କୁକୁରମାନଙ୍କୁ ସନ୍ଦିଗ୍ଧ ଜାଗାର ଆଖପାଖକୁ ନିଆଯାଏ। ସେମାନେ ଶୁଙ୍ଘି ଶୁଙ୍ଘି ଯଦି କୌଣସି ଜଣା-ଶୁଣା ବାସ୍ନା ବୁଝାପଡେ଼ ସେମାନେ ଖାସ୍‌ ପ୍ରକାରର ସଂକେତ ଦେଇଥାନ୍ତି। ଏହାପରେ ବିଶେଷଜ୍ଞମାନଙ୍କ ଟିମ୍‌ ଆଗାମୀ ପଦକ୍ଷେପ ଉଠାଇଥା’ନ୍ତି । ସନ୍ଧାନୀ କୁକୁରମାନଙ୍କ ଟିମରେ ଜର୍ମାନ ଶେଫର୍ଡ, ଲାବ୍ରାଡୋର, ବେଲଜିୟମ ମେଲିନୋଇସ ଏବଂ କୋକର ସ୍ପନିୟଲ ପ୍ରଜାତିର କୁକୁର ବହୁତ ସକ୍ରିୟ, ଫୁର୍ତ୍ତିଲା ଏବଂ ବୁଦ୍ଧିମାନ ବୋଲି ମନେ କରାଯାଏ। ସାଧାରଣତଃ ଶବ ଖୋଜୁଥିବା କୁକୁରକୁ କ୍ୟାଡେଭର ଡଗ୍‌ କୁହାଯାଏ। ଓଦା ମାଟିରେ ୫ ରୁ ୬ ଫୁଟର ଗଭୀରତା ପର୍ଯ୍ୟନ୍ତ ଏମାନେ ମୃତଦେହକୁ ଶୁଙ୍ଘିବାର କ୍ଷମତା ରଖିଥା’ନ୍ତି। ସେହିପରି ବାଲି କିମ୍ବା ଶୁଖିଲା ମାଟିରେ ୩ ରୁ ୪ ଫୁଟ ଏବଂ ବରଫରେ ୧୦ ଫୁଟ ପର୍ଯ୍ୟନ୍ତ ଶୁଙ୍ଘି ପାରନ୍ତି। ଯଦିଓ, ପାଣି ମାମଲାରେ ଏମାନଙ୍କର ଶୁଙ୍ଘିବାର କ୍ଷମତା ଅଧିକ ନ ଥାଏ। ଅନେକ ଏପରି ମାମଲା ମଧ୍ୟ ସାମ୍ନାକୁ ଆସିଛି ଯେବେ ୬ ଫୁଟରୁ ତଳେ ପୋତି ହୋଇ ରହିଥିବା ଶବକୁ ମଧ୍ୟ ସନ୍ଧାନୀ କୁକୁର ଶୁଙ୍ଘି କରି ଚିହ୍ନି ନେଇଥିଲା। ଏମାନଙ୍କର ଶୁଙ୍ଘିବାର କ୍ଷମତା କାରଣରୁ ଶବଗୁଡ଼ିକୁ ଖୋଜିବା ସହଜ ହୋଇଯାଏ। କୁକୁର ପବନରେ ବ୍ୟାପିଥିବା ବାସ୍ନାର ହାଲୁକା ଅଂଶକୁ ମଧ୍ୟ ଚିହ୍ନି ପାରିଥାଆନ୍ତି। ଅଧରାତିରେ କିନ୍ନର ସହ କିଛିକଥା [...]
ଓଡ଼ିଶା ରାଜନୀତିରେ ବିଭିନ୍ନ ସମୟରେ ଭିନ୍ନ ଏଵଂ ରୋଚକ ଘଟଣା ଘଟିଛି। କଂଗ୍ରେସ ସରକାର ସମୟରେ ଜାନକୀ ବଲ୍ଲଭ ପଟ୍ଟନାୟକ ମୁଖ୍ୟମନ୍ତ୍ରୀ ଥିଲେ ମଧ୍ୟ ବସନ୍ତ ବିଶ୍ଵାଳ ଥିଲେ ସୁପର୍ ସିଏମ୍। ୧୯୮୦ ମସିହାରେ ରାଜ୍ୟ ରାଜନୀତିରେ କଂଗ୍ରେସର ସ୍ଥିତି ବେଶ୍ ସୁଦୃଢ ହୋଇଗଲା । ଓଡ଼ିଶାରେ ଗଠିତ ସରକାରରେ ମୁଖ୍ୟମନ୍ତ୍ରୀ ହେଲେ ଜାନକୀ ବଲ୍ଲଭପଟ୍ଟନାୟକ । କାରଣ ସେତେବେଳକୁ ନନ୍ଦିନୀ ଶତପଥୀ କଂଗ୍ରେସରୁ ବିଦାୟ ନେଇ ସାରିଥାନ୍ତି। ମୁଖ୍ୟମନ୍ତ୍ରୀ ପଦ ପାଇଁ ସେପରି ପ୍ରତିବାଦୀ ଆଉ ବି କେହି ନଥିଲେ। ମନ୍ତ୍ରୀମଣ୍ଡଳ କରେ ଯୋଗ ଦେଇଥିବା ଏକ ନବୀନତମ ପ୍ରତିଭା ବସନ୍ତ କୁମାର ବିଶ୍ଵାଳଙ୍କୁ ପାହ୍ୟା ମିଳିଥିଲେ ସୁଦ୍ଧା ସେ ଓଡ଼ିଶାରେ ଏକ ନିର୍ମାଣ ଯୁଗର ଆରମ୍ଭ କରିଦେଲେ। ରାଷ୍ଟ୍ରମନ୍ତ୍ରୀ ପା ସହସ୍ର ବର୍ଷର ବର୍ଷର ସହର ମର୍କତନଗରୀ କଟକକୁ ସୁରମ୍ୟ ରୂପ ଦେବା ସହ ରାଜଧାନୀ ଭୁବନେଶ୍ଵର ଏପରିକି ଓଡ଼ିଶାର ଗ୍ରାମାଞ୍ଚଳରେ ମଧ୍ଯ ନବନିର୍ମାଣର କାଉଁରୀ ସ୍ପର୍ଶ ଦେଇ ରାଜ୍ୟର ସର୍ବତ୍ର ଲୋକପ୍ରିୟ ହୋଇଗଲେ। ଲୋକେ ତାଙ୍କୁ ‘ସୁପର୍‌ ଚିଫ୍ ମିନିଷ୍ଟର’ ଆଖ୍ୟା ଦେଇଥିଲେ। ସୁପର ଚିଫ ମିନିଷ୍ଟର ଆଖ୍ୟା ଓ ବନ୍ଧିତ ଲୋକପ୍ରିୟତା ତାଙ୍କୁ ମହଙ୍ଗା ପଡ଼ିଲା । ମୁଖ୍ୟମନ୍ତ୍ରୀ ଜାନକୀବଲ୍ଲଭବଲ୍ଲଭ ପଟ୍ଟନାୟକ ପରବର୍ତ୍ତୀ ସମୟରେ ସୁପର ଚିଫମିନିଷ୍ଟରଙ୍କୁ ନିଜ ଚିଫମିନିଷ୍ଟର ସିପ ପାଇଁ ଏକ କଣ୍ଟକିତ କାକ୍‌ଟସ୍ ମନେକରି ତାଙ୍କୁ ମୂଳରୁ ଓପାଡି ଦେବାର ଯୋଜନା କରିଥିଲେ। – ସ୍ୱରଲିପିର ସ୍ୱର, ଭାଗବତ ପ୍ରସାଦ ମହାନ୍ତି   [...]
ରାତି ପ୍ରାୟ ଗୋଟାଏ ବେଳକୁ ଫେରୁଥାଏ। ପାତ୍ରପଡ଼ା ଫ୍ଲାଏ ଓଭର ତଳେ ଜଣେ କିନ୍ନର ଲିଫ୍ଟ ମାଗିଲା। ଭାବିଲି ଏତେ ରାତିରେ ନେବି ନା ନାହିଁ। ସେଦିନ ତା ନିରୀହ ଓ ଅସହାୟ ମୁହଁ ମୋତେ ରହିବା ପାଇଁ ବାଧ୍ୟ କଲା। ଗାଡ଼ି ଆଗରେ ବସିଲା। ଭାବିଲି କିଛି କଥା ହେବା। ପଚାରିଲି ତୁମେ ଏମିତି ରାତିରେ ବୁଳୁଛ କାହିଁକି। – ଆଉ କଣ କରିବୁ ସାର୍ ? – କାହା ଘରେ କାମ କରିପାରିବ ! – ଆମକୁ ଲୋକେ ମାଇଚିଆ ବୋଲି କୁହନ୍ତି। ଆମକୁ କିଏ କି କାମ ଦେବ ! – ଆଛା ତୁମ ଘର ଲୋକେ ? – ଟିକେ ମନ ଶୁଖେଇ କହିଲା, ଘର ଲୋକଙ୍କ ପାଇଁ ମୁଁ ମରିଯାଇଛି। କିଛି ସମୟ ଚୁପ୍ ରହିବା ପରେ ପଚାରିଲି, କାହିଁ ସେମାନେ କଣ ତୁମକୁ ଘରେ ପୁରାଉ ନାହାନ୍ତି। – ନା ସେୟା ନ ହେଲେ ମଧ୍ୟ ଆଉ ଘରେ ରହି ହେବନି। ଏ ବେଶରେ ଆମକୁ କିଏ ଘରେ ରଖିବ ! – ବେଶ ବଦଳେଇ ଦେଉ ନାହିଁ। – ନା ଯାହା ହେଲେବି ଲୋକେ ମାଇଚିଆ ବୋଲି ଡାକିବେ। – ତୁମେ ମାଇଚିଆ ଭଳି ହେଲେ ମାଇଚିଆ ଡାକିବେନି ? ମୁଁ ପାଲଟା ପ୍ରଶ୍ନ କଲି। – ଆମେ କ’ଣ ଜାଣିକି ମାଇଚିଆ ଭଳି ହେଉଛୁ ! ପିଲାବେଳୁ ସେଇ ଗୁଣ ପାଇଁ ମୁଁ ବହୁତ ହଇରାଣ ହେଲିଣି। ସ୍କୁଲରେ ପଢ଼ିବା ବେଳୁ ମୋତେ ମୋ ସାଙ୍ଗ ପିଲା ମାଇଚିଆ ଡାକିଲେ। ବଡ ହେଲା ପରେ ଗାଁ ଲୋକେ ମୋତେ ମାଇଚିଆ ଡାକିଲେ। ଏମିତି ହେଲା ଯେ ଘର ଲୋକେ ମୋତେ ଘରେ ପୂରେଇ ମାଡ ମାରିଲେ। ହେଲେ ମୋ ମାଇଚିଆ ଗୁଣ ଗଲାନି। ମୁଁ କଥା ବଦଳେଇଲି। ପଚାରିଲି, ଏବେ କୋଉଠି ରହୁଛି ? – ଭରତପୁର ବସ୍ତିରେ। ଅନ୍ୟ କିନ୍ନରଙ୍କ ସହ – ଘର କଥା, ଗାଁ କଥା… ମନେ ପଡୁନି ? – ହିଁ ମନେ ପଡ଼େ। ପଡିଲେ କ’ଣ ହେବ…? ତପୋବନ ଛକ ହୋଇଗଲା। ଏଇଠି ଓହ୍ଲେଇ ଦିଅ। ମୁଁ ପଳେଇବି। – ଏଠୁ କେମିତି ଯିବ ? – କିଏ ଦେଖା ହେବ। ନ ହେଲେ ଚାଲିକି ପଳେଇବି। – ମୁଁ ଛାଡ଼ିଦେବି କି ? – ନା ସାର୍। ଆପଣ ଭଲ ଲୋକ ବୋଲି ମୋତେ ଭଲରେ ଆଣିଲେ। ଅନ୍ୟମାନେ ବହୁତ୍ ହଇରାଣ କରନ୍ତି। – ମୁଁ ତୁମକୁ ଏତେ କଥା ପଚାରିଲି କିଛି ଖରାପ ଭାବିଲ କି ? – ନା (ଟିକେ ହସିଦେଇ) ବରଂ ଭଲ ଲାଗିଲା। ମନ ହାଲୁକା ହୋଇଗଲା। ମୁଁ ଆସୁଛି ସାର୍।ଗବେଷଣା ପାଇଁ ବୈଜ୍ଞାନିକଙ୍କୁ ଦଣ୍ଡ କୋହଳ କଲେ ଅଦାଲତ [...]
ପତ୍ନୀଙ୍କୁ ଆତ୍ମହତ୍ୟା ପାଇର୍ ପ୍ରବର୍ତ୍ତାଇଥିବା ଅଭିଯୋଗରେ ଦୋଷୀ ସାବ୍ୟସ୍ତ ହୋଇଥିବା ଜଣେ ବୈଜ୍ଞାନିକଙ୍କୁ ଜେଲ୍‌ ନୁହେଁ, ଗବେଷଣାକ କରିବା ପାଇଁ ନିର୍ଦ୍ଦେଶ ଦେଇଛନତି ଉତ୍ତରାଖଣ୍ଡ ହାଇକୋର୍ଟ। ଅଦାଲତଙ୍କ ପକ୍ଷରୁ ତାଙ୍କୁ ଦୋଷୀ ସାବ୍ୟସ୍ତ କରି ପାଞ୍ଚ ବର୍ଷର ଜେଲ୍‌ଦଣ୍ଡ ଉପରେ ସ୍ଥଗିତାଦେଶ ଜାରି କରାଯାଇଛି। ଭାରତୀୟ ପ୍ରଯୁକ୍ତିବିଦ୍ୟା ସଂସ୍ଥାନ (ଆଇଆଇଟି) ଖଡ଼ଗପୁରରୁ ପିଏଚ୍‌ଡି କରିଥିବା ଆକାଶ ଯାଦବଙ୍କୁ ବିଚାରପତି ରବୀନ୍ଦ୍ର ମୈଥାନିଙ୍କ ଏକକ ଖଣ୍ଡପୀଠ କହିଛନ୍ତି ଯେ ବୃହତ ଜନସ୍ୱାର୍ଥକୁ ଦୃଷ୍ଟିରେ ରଖି ବୈଜ୍ଞାନିକଙ୍କ ଦୋଷୀ ସାବ୍ୟସ୍ତକୁ ସ୍ଥଗିତ ରଖାଯାଇଛି। ଅଦାଲତଙ୍କ କହିବାନୁଯାୟୀ ବୈଜ୍ଞାନିକ ଆକାଶ ଯାଦବ ଟିକାର ଗବେଷଣା ଏବଂ ବିକାଶରେ ସକ୍ରିୟ ଭାବରେ ନିୟୋଜିତ ଅଛନ୍ତି। ତାଙ୍କୁ ଦୋଷୀ ସାବ୍ୟସ୍ତ ହେବା ଯୋଗୁଁ ତାଙ୍କର କାମ ବନ୍ଦ ହୋଇଯାଇଛି। ତାଙ୍କ ଗବେଷଣା ସମାଜ ପାଇଁ ବହୁତ ଗୁରୁତ୍ୱପୂର୍ଣ୍ଣ ବୋଲି କୋର୍ଟ ତାଙ୍କ ଆଦେଶରେ କହିଛନ୍ତି। ତାଙ୍କ ପତ୍ନୀଙ୍କ ମୃତ୍ୟୁ ପରେ ଆକାଶ ଯାଦବଙ୍କୁ ଯୌତୁକ ନିରୋଧ ଆଇନ ଅନୁଯାୟୀ ଅଭିଯୁକ୍ତ କରାଯାଇଥିଲା। ଉଧମ ସିଂହ ନଗର ଜିଲ୍ଲାର ରୁଦ୍ରପୁରର ଏକ କୋର୍ଟ ତାଙ୍କୁ ଯୌତୁକ ଅଭିଯୋଗରୁ ମୁକ୍ତ କରିଥିଲେ। କିନ୍ତୁ ଆତ୍ମହତ୍ୟା ପାଇଁ ପ୍ରୋତ୍ସାହିତ କରିବା ଅଭିଯୋଗରେ ତାଙ୍କୁ ଦୋଷୀ ସାବ୍ୟସ୍ତ କରି ୫ ବର୍ଷ ସଶ୍ରମ କାରାଦଣ୍ଡରେ ଦଣ୍ଡିତ କରିଥିଲେ। ଏହି ନିଷ୍ପତ୍ତି ବିରୁଦ୍ଧରେ ଆକାଶ ଯାଦବ ହାଇକୋର୍ଟରେ ଏକ ଆବେଦନ ଦାଖଲ କରିଥିଲେ। ପୂର୍ବରୁ, କୋର୍ଟ ତାଙ୍କୁ ଜାମିନ ପ୍ରଦାନ କରିଥିଲେ ଏବଂ ତାଙ୍କ ଆବେଦନ ପର୍ଯ୍ୟନ୍ତ ତାଙ୍କ ଦଣ୍ଡାଦେଶ କାର୍ଯ୍ୟକାରିତାକୁ ସ୍ଥଗିତ ମଧ୍ୟ ରଖିଥିଲେ। ଯାଦବ ମଧ୍ୟ ତାଙ୍କ ଦୋଷୀ ସାବ୍ୟସ୍ତ ହେବା ଉପରେ ସ୍ଥଗିତ ରଖିବାକୁ ଆବେଦନ କରିଥିଲେ ଏବଂ ଯୁକ୍ତି ଦେଇଥିଲେ ଯେ ତାଙ୍କ ପାଇଁ ଟିକା ବିକାଶର ଗୁରୁତ୍ୱପୂର୍ଣ୍ଣ କାର୍ଯ୍ୟ ଜାରି ରଖିବା ଆବଶ୍ୟକ ବୋଲି ଅଦାଲତ ଉଲ୍ଳେଖ କରିଛନ୍ତି। କୋର୍ଟ କହିଛନ୍ତି ଯେ ଆବେଦନର ଚୂଡ଼ାନ୍ତ ଶୁଣାଣି ନ ହେବା ପର୍ଯ୍ୟନ୍ତ ଦଣ୍ଡାଦେଶ କାର୍ଯ୍ୟକାରୀ ସ୍ଥଗିତ ରହିବ। ଆକାଶ ଯାଦବ ବାୟୋଟେକ୍ନୋଲୋଜିରେ ପିଏଚଡି ଏବଂ ଜଣେ ପ୍ରତିଷ୍ଠିତ ବୈଜ୍ଞାନିକ। ଗତ ତିନିବର୍ଷ ଧରି, ସେ ପ୍ରମୁଖ ଟିକା ନିର୍ମାତା ଇଣ୍ଡିଆନ୍‌ ଇମ୍ୟୁନୋଲୋଜିକାଲ୍ସ ଲିମିଟେଡରେ ଜଣେ ବରିଷ୍ଠ ବୈଜ୍ଞାନିକ ଭାବରେ କାର୍ଯ୍ୟ କରୁଛନ୍ତି। ସେ ଏବେ ଜନସ୍ୱାସ୍ଥ୍ୟ ଏବଂ ଜାତୀୟ ସ୍ୱାର୍ଥ ପାଇଁ ଗୁରୁତ୍ୱପୂର୍ଣ୍ଣ ଟିକା ଗବେଷଣା ଏବଂ ବିକାଶରେ ସିଧାସଳଖ ଜଡିତ ଅଛନ୍ତି। ଓଡ଼ିଶାରେ ଚାଲିଛି ୩୫୧ ସେକ୍ସ ନେଟୱର୍କ [...]
ମାଲେଗାଓ ବିସ୍ଫୋରଣ ଘଟଣାର ଦୀର୍ଘ ୧୭ ବର୍ଷ ପରେ ପ୍ରକାଶ ପାଇଛି ରାୟ। ଏଥିରେ ପୂର୍ବତନ ବିଜେପି ସାଂସଦ ପ୍ରଜ୍ଞା ସିଂହ ଠାକୁର ଏବଂ ଲେଫ୍ଟନାଣ୍ଟ କର୍ଣ୍ଣେଲ୍‌ ପ୍ରସାଦ ପୁରୋହିତଙ୍କ ସମେତ ମୋଟ ୭ଜଣ ଦୋଷମୁକ୍ତ ହୋଇଥିଲେ। କିନ୍ତୁ ଦୋଷମୁକ୍ତ ହେବା ପରେ ସାଧ୍ୱୀ ପ୍ରଜ୍ଞା ଠାକୁର ଅସୁସ୍ଥ ହେବାରୁ ତାଙ୍କୁ ମୁମ୍ବାଇର ଏକ ଘରୋଇ ହସ୍ପିଟାଲରେ ଭର୍ତ୍ତି କରାଯାଇଛି। ଉଲ୍ଲେଖଯୋଗ୍ୟ, ୨୦୦୮ ମସିହା ପବିତ୍ର ରମଜାନ ମାସୀ ସେପ୍ଟେମ୍ବର ୨୯ ତାରିଖରେ ଏହି ବିସ୍ଫୋରଣ ହୋଇଥିଲା। ଏଥିରେ ୬ ଜଣଙ୍କର ମୃତ୍ୟୁ ହୋଇଥିବା ବେଳେ ଶତାଧିକ ଲୋକ ଆହତ ହୋଇଥିଲେ। ପ୍ରଥମେ ମହାରାଷ୍ଟ୍ର ଏଟିଏସ୍‌ (ଆତଙ୍କୀ ନିରୋଧ ସ୍କ୍ୱାଡ୍‌) ଏହି ମାମଲାର ତଦନ୍ତ କରିଥିଲା ଏବଂ ପରେ ୨୦୧୧ରେ ଏହି ମାମଲା ଏନ୍‌ଆଇଏକୁ ହସ୍ତାନ୍ତର କରାଯାଇଥିଲା। ଏଟିଏସ୍‌ ଅଭିଯୋଗ ଅନୁଯାୟୀ ମୁସଲମାନଙ୍କ ଦ୍ୱାରା ହିନ୍ଦୁଙ୍କ ଉପରେ କରାଯାଇଥିବା ପୂର୍ବ ଅତ୍ୟାଚାରର ପ୍ରତିଶୋଧ ନେବାପାଇଁ ଏହି ବିସ୍ଫୋରଣ ଷଡ୍‌ଯନ୍ତ୍ର କରାଯାଇଥିଲା। ଏଥିରେ ଅଭିନବ ଭାରତ ଗୋଷ୍ଠୀ ସମ୍ପୃକ୍ତ ଥିବା ଉଲ୍ଲେଖ କରାଯାଇଥିଲା। ଏଟିଏସ୍‌ ଦାବି ଅନୁଯାୟୀ ବିସ୍ଫୋରଣରେ ବ୍ୟବହାର ହୋଇଥିବା ମୋଟର ସାଇକେଲ୍‌ର ମାଲିକ ହେଉଛନ୍ତି ପ୍ରଜ୍ଞା ଠାକୁର ଯିଏ କି ଏହି ମାମଲାରେ ୨୦୦୮ରେ ଗିରଫ ହୋଇଥିଲେ। ଅଦାଲତ ପକ୍ଷରୁ କୁହାଯାଇଛି ପୁରୋହିତ ବୋମା ଖଞ୍ଜିଥିବା ନେଇ ରେକର୍ଡରେ କୌଣସି ପ୍ରମାଣ ନାହିଁ। ବିଚାରପତି ଲାହୋଟି ମଧ୍ୟ କହିଛନ୍ତି, ପ୍ରଜ୍ଞା ଠାକୁର ଗାଡିର ମାଲିକ ବୋଲି କୌଣସି ଠୋସ୍‌ ପ୍ରମାଣ ନାହିଁ। ବିଚାରଣ ପ୍ରକ୍ରିୟାରେ ବାଇକ୍‌ଟି ପ୍ରଜ୍ଞା ଠାକୁରଙ୍କର ବୋଲି ପ୍ରମାଣ ହୋଇପାରିଲାନି। ଅଦାଲତ ପକ୍ଷରୁ କୁହାଯାଇଛି ଯେ, ଏହି ଘଟଣାର ଦୁଇବର୍ଷ ପୂର୍ବରୁ ପ୍ରଜ୍ଞା ଠାକୁର ସାଂସାରିକ ମୋହମାୟା ଛାଡ଼ି ସନ୍ନ୍ୟାସୀ ହୋଇଯାଇଥିଲେ। ଏକାଥରରେ ନିଟ୍‌ ପାସ୍‌ କଲେ ମାଆ, ଝିଅ   [...]
ପାଠ ପଢ଼ିବାର କୌଣସି ବୟସ ନ ଥାଏ। ଏହା ପ୍ରମାଣିତ କରିଛନ୍ତି ତାମିଲନାଡ଼ୁର ମାଆ ଝିଅ। ଏକା ସାଙ୍ଗରେ ନିଟ୍‌ ପରୀକ୍ଷା ଦେଇ ପାସ୍‌ କରିଛନ୍ତି ୪୯ ବର୍ଷୀୟ ମାଆ ଓ ଝିଅ। ଏହି ଖବର ଆସିବା ପରେ ଏବେ ସାରା ଦେଶରେ ସେହି ମାଆ ଜଣଙ୍କୁ ନେଇ ଚର୍ଚ୍ଚା ଲାଗି ରହିଛି। ଖବର ନେବାରୁ ଜଣାପଡ଼ିଛି ଯେ, ଝିଅ ନିଟ୍‌ ପରୀକ୍ଷା ପାଇଁ ପ୍ରସ୍ତୁତ ହେଉଥିବା ଦେଖି ଫିଜିଓଥେରାପିଷ୍ଟ ଅମୁଥାଭଲ୍ଲୀ ମଣିଭନ୍ନନଙ୍କର ବି ପରୀକ୍ଷା ଦେବାକୁ ଇଚ୍ଛା ହୋଇଥିଲା। ପଢ଼ା ପରେ ତାଙ୍କର ଡାକ୍ତରୀ ପଢିବାକୁ ଇଚ୍ଛାଥିଲେ ବି ବିଭିନ୍ନ ସମସ୍ୟା ପାଇଁ ତାଙ୍କ ସ୍ୱପ୍ନ ପୂରା ହୋଇ ନ ଥିଲା ଆଉ ସେ ଫିଜିଓଥେରାପିକୁ ବାଛିଥିଲେ। ମାତ୍ର ୩ ଦଶନ୍ଧି ପରେ ଝିଅର ମେଡିକାଲ ପ୍ରସ୍ତୁତି ଦେଖି ପୁଣିଥରେ ସେ ନିଟ୍‌ ପାଇଁ ଫର୍ମ ପୂରଣ କରିଥିଲେ। ମାଆ ଝିଅ ଏକାଥରରେ ପରୀକ୍ଷା ଦେଇ କୃତକାର୍ଯ୍ୟ ହୋଇଛନ୍ତି। ସେ କହିଛନ୍ତି ଯେ, ତାଙ୍କ ସମୟର ସିଲାବସ୍‌ ଏବେ ବହୁତ ଜଟିଳ ଥିଲା ଏବଂ ପାଠପଢ଼ା ପୂରା ବଦଳିଯାଇଛି। ମାତ୍ର ଝିଅ ଠାରୁ ବହି ଆଣି ଏବଂ ଝିଅର ସାହାଯ୍ୟ ନେଇ ସେ ପୁଣିଥରେ ସେ ମନ ଲାଗଇ ପାଠ ପଢ଼ିଥିଲେ। ଝିଅ କୋଚିଂ ନେଉଥିବାରୁ ତା ଠାରୁ ବହି ଆଣି ପ୍ରସ୍ତୁତ ହେଉଥିଲେ। ଝିଅ ବି ମାଆର ସ୍ୱପ୍ନକୁ ପୂରା କରିବାକୁ ମାଆକୁ ସାହାଯ୍ୟ କରିଥିଲେ। ଆଉ ଶେଷରେ ଝିଅ ସହ ମାଆ ଦୁଇ ଜଣ ଯାକ ନିଟ୍‌ ପରୀକ୍ଷାରେ ପାସ୍‌ କରିଛନ୍ତି। ଆଉ ୪୯ ବର୍ଷୀୟା ମାଆ ଜଣଙ୍କ ନିଜ ଜିଲ୍ଲାରେ ଥିବା ଏକ ସରକାରୀ ମେଡିକାଲ କଲେଜରେ ସିଟ୍‌ ପାଇଛନ୍ତି। ତେବେ ନିଟ୍‌ ପାସ୍‌ ପରେ ଝିଅକୁ ସବୁ ଶ୍ରେୟ ଦେଇଛନ୍ତି। ଝିଅଙ୍କୁ ଦେଖି ସେ ପରୀକ୍ଷା ପାଇଁ ଆଗ୍ରହ ପ୍ରକାଶ କରିଥିଲେ ବୋଲି କହିଛନ୍ତି ମାଆ। ଅପରପକ୍ଷେ ଝିଅ ମଧ୍ୟ ମାଆଙ୍କ ପ୍ରତି କୃତଜ୍ଞତା ଜଣାଇଛନ୍ତି। ସେ କହିଛନ୍ତି, ମୁଁ ଚାହୁଁଥିଲି କାହାକୁ ପଢ଼ାଇ କିମ୍ବା କେହି ମୋ ସହ ଏହି ପାଠପଢାରେ ସହଯୋଗ କରୁ ଯାହା ଫଳରେ ମୁଁ ରିଭାଇଜ୍‌ କରି ପାରିବି। ଯେହେତୁ ବାପା ଓକିଲ ସେ ଏଥିରେ ଆଗ୍ରହ ଦିଅନ୍ତିନି ମାତ୍ର ମାଆ ମେଡିକାଲ ବ୍ୟାକଗ୍ରାଉଣ୍ଡରୁ ଆସିଥିବାରୁ ସେ ଏହି କାମକୁ ମୋର ସହଜ କରିବା ସହ ସିଏ ବି ସଫଳ ହୋଇଛନ୍ତି। ଫୋନ୍‌ ପେ’, ଗୁଗଲ ପେ’ର ଆୟ ୫ ହଜାର କୋଟି [...]

ଖେଳ ଖବର

ଖେଳ ତାଜା ଖବର ରାଜ୍ୟ
Oca present-ପଙ୍କଜ ମହାନ୍ତି ଓସିଏ ସଭାପତି

ଖେଳ ତାଜା ଖବର ଦେଶ ବିଦେଶ
ଭାରତର କ୍ଲିନ୍‌ ସୁଇପ୍‌; ୧୪୨ ରନରେ ଇଂଲଣ୍ଡର ପରାଜୟ

ଖେଳ ତାଜା ଖବର ଦେଶ ବିଦେଶ ଫିଚର୍
ଜିତିଲା ଭାରତ, ହାରିଗଲା ବାରବାଟୀ

ରାଜନୀତି

ତାଜା ଖବର ଦେଶ ବିଦେଶ ଫିଚର୍ ରାଜନୀତି
କିଏ ହେବ ବିଜେପି ରାଷ୍ଟ୍ରୀୟ ଅଧ୍ୟକ୍ଷ?

ଅପରାଧ

ଅପରାଧ ତାଜା ଖବର ଦେଶ ବିଦେଶ
ଗବେଷଣା ପାଇଁ ବୈଜ୍ଞାନିକଙ୍କୁ ଦଣ୍ଡ କୋହଳ କଲେ ଅଦାଲତ

ମନୋରଞ୍ଜନ

ସୁଟିଂସେଟ୍‌ରେ ଅଭିନେତ୍ରୀଙ୍କୁ ହୋଇଥିଲା ଅସଦାଚରଣ

ବନ୍ଦ କୋଠରିରୁ ମିଳିଲା ପାକ୍‌ ଅଭିନେତ୍ରୀଙ୍କ ମୃତଦେହ

କେବିସିକୁ ପୂରିଲା ପଚିଶି; ଭାବବିହ୍ୱଳ ଅମିତାଭ

ବାଣିଜ୍ୟ

ତାଜା ଖବର ଦେଶ ବିଦେଶ ବାଣିଜ୍ୟ ରାଜନୀତି
୬ଟି ଭାରତୀୟ କମ୍ପାନୀ ଉପରେ ଆମେରିକାର ପ୍ରତିବନ୍ଧକ

ତାଜା ଖବର ଦେଶ ବିଦେଶ ବାଣିଜ୍ୟ
ଫୋନ୍‌ ପେ’, ଗୁଗଲ ପେ’ର ଆୟ ୫ ହଜାର କୋଟି

ତାଜା ଖବର ଦେଶ ବିଦେଶ ବାଣିଜ୍ୟ
ତାଜା ଖବର ଦେଶ ବିଦେଶ ନାରୀ ବାଣିଜ୍ୟ
ଖସିବ ସୁନାଦର; ବଢ଼ିବ ରୁପାଦର

Popular Post

Sahoo Bhauja: ସାହୁ ଭାଉଜଙ୍କ ନାଁରେ ମାମଲା, IICଙ୍କ ନାଁରେ ତଦନ୍ତ ଆରମ୍ଭ

Sahoo Bhauja: ସାହୁ ଭାଉଜଙ୍କ ନାଁରେ ମାମଲା, IICଙ୍କ ନାଁରେ ତଦନ୍ତ ଆରମ୍ଭ (5299)

ଟ୍ରମ୍ଫ ମାଡ଼ରେ ଖସୁଛି ସୁନା ଦର

ଟ୍ରମ୍ଫ ମାଡ଼ରେ ଖସୁଛି ସୁନା ଦର (2035)

କୁମ୍ଭମେଳା ଛାଡ଼ି କାହିଁକି ଗଲେ ମୋନାଲିସା

କୁମ୍ଭମେଳା ଛାଡ଼ି କାହିଁକି ଗଲେ ମୋନାଲିସା (1836)

ଦାନ୍ତ ଡାକ୍ତରଙ୍କ କେଶ ପ୍ରତ୍ୟାରୋପଣ; ଗଲା ୨ ଜୀବନ

ଦାନ୍ତ ଡାକ୍ତରଙ୍କ କେଶ ପ୍ରତ୍ୟାରୋପଣ; ଗଲା ୨ ଜୀବନ (1502)

ଅନୁଗୁଳ: ବନ୍ତଳା ଥାନା ଅଂଚଳରେ ଦମ୍ପତିଙ୍କ ସନ୍ଦେହଜନକ ମୃତ୍ୟୁ (1423)

Newsletter

Bhubaneshwar, IN

ଭୁବନେଶ୍ୱର
light rain
31℃
32º - 25º
humidity: 61%
wind: 6 km/h
  • 33℃
    Sat
  • 31℃
    Sun
  • 32℃
    Mon
  • 32℃
    Tue
  • 32℃
    Wed
  • 32℃
    Thu

ଦେଶ ବିଦେଶ

ତାଜା ଖବର ଦେଶ ବିଦେଶ
ଭାରତ ଓ ପୋଲାଣ୍ଡ ମଧ୍ୟରେ ପ୍ରତିରକ୍ଷା ଓ ମହାକାଶ ସହଯୋଗର ପ୍ରତୀକାତ୍ମକ ଚିତ୍ର

  • ଭାରତ ଓ ପୋଲାଣ୍ଡ ମଧ୍ୟରେ ପ୍ରତିରକ୍ଷା ଓ ମହାକାଶ ସହଯୋଗର ପ୍ରତୀକାତ୍ମକ ଚିତ୍ର
  • Editorial Women Political Empowerment
  • ଶାରଦୀୟ ବିଶେଷାଙ୍କ ୨୦୨୫
  • କିଏ ହେବ ବିଜେପି ରାଷ୍ଟ୍ରୀୟ ଅଧ୍ୟକ୍ଷ?
  • ଓଡ଼ିଶା ଅଛନ୍ତି ୧୮ ଲକ୍ଷ ବୁଲାକୁକୁର

ସ୍ୱାସ୍ଥ୍ୟ

ତାଜା ଖବର ଦେଶ ବିଦେଶ ସ୍ଵାସ୍ଥ୍ୟ

ନାରୀ

ତାଜା ଖବର ଦେଶ ବିଦେଶ ନାରୀ ମନୋରଞ୍ଜନ
ସୁଟିଂସେଟ୍‌ରେ ଅଭିନେତ୍ରୀଙ୍କୁ ହୋଇଥିଲା ଅସଦାଚରଣ

ସଂପାଦକୀୟ

ସଂପାଦକୀୟ
Editorial Women Political Empowerment

Subscribe

Subscribe to our free weekly newsletter and never miss a thing. No spam.
Only hand-picked lifestyle trends.