ନିର୍ବାଚନ କମିଶନ ଏକ ନିଷ୍କ୍ରିୟ ଓ ବିଫଳ ସଂସ୍ଥା ବୋଲି କହିଛନ୍ତି ବରିଷ୍ଠ ଆଇନଜୀବୀ ତଥ୍ୟ ରାଜ୍ୟସଭା ସାଂସଦ କପିଲ ସିବଲ୍।
ଏମିତି କି ଭାରତର ଏକ ସିଂହଭାଗ ଜନତା ଏବେ ଏହା ଉପରେ ବିଶ୍ୱାସ କରୁନାହାନ୍ତି ବୋଲି କହିଛନ୍ତି। ନିର୍ବାଚନ କମିସନଙ୍କ ପ୍ରତି ଅନାସ୍ଥା ପ୍ରସଙ୍ଗ ଯେତେ ଶୀଘ୍ର ସମାଧାନ ହେବ, ଗଣତନ୍ତ୍ର ବଞ୍ଚି ରହିବାର ସମ୍ଭାବନା ସେତେ ଅଧିକ ହେବ। ତେଣୁ ସେସବୁ ଉପରେ କମିଶନ ଗୁରୁତ୍ଵ ଦେବା ଉଚିତ୍ ବୋଲି ସିବଲ୍ କହିଛନ୍ତି।
କପିଲ ସିବଲ ଆହୁରି ମଧ୍ୟ କହିଛନ୍ତି ଯେ, ବିରୋଧୀ ମେଣ୍ଟ ଇଣ୍ଡିଆରେ ସାମିଲ ଦଳଗୁଡ଼ିକର ଭବିଷ୍ୟତ ପାଇଁ ଏକ ମିଳିତ ନୀତି, ଆଦର୍ଶଗତ ଢାଞ୍ଚା ଏବଂ କାର୍ଯ୍ୟକ୍ରମର ଆବଶ୍ୟକତା ରହିଛି। କଂଗ୍ରେସ ଏବଂ ତୃଣମୂଳ କଂଗ୍ରେସ ଦ୍ୱାରା ଲଗାଯାଇଥିବା ଭୋଟର ତାଲିକାରେ ଅନିୟମିତତା ଅଭିଯୋଗ ବିଷୟରେ ପଚରାଯିବାରୁ ସେ ଗଣମାଧ୍ୟମକୁ କହିଥିଲେ। ସମ୍ବିଧାନ ଅନୁଯାୟୀ ନିର୍ବାଚନ କମିସନଙ୍କଠାରୁ ଆଶା କରାଯାଉଥିବା ଦାୟିତ୍ୱ ଅନୁଯାୟୀ ନିର୍ବାଚନ କମିସନ ତାଙ୍କର କର୍ତ୍ତବ୍ୟ ପାଳନ କରିନାହାନ୍ତି।
ସେ କହିଛନ୍ତି, ବିରୋଧୀ ଦଳକୁ ବାର୍ତ୍ତା ହେଉଛି ଯେ, ଇଭିଏମ୍ ବ୍ୟତୀତ, କିଛି ଗମ୍ଭୀର ସମସ୍ୟା ଅଛି ଯାହା ପ୍ରକୃତରେ ନିର୍ବାଚନ ପ୍ରକ୍ରିୟାରେ ଦୁର୍ନୀତି ହୋଇଥିବା ସୂଚିତ କରୁଛି। ସିବଲ ଦାବି କରିଛନ୍ତି, ଯେଉଁ ଫଳାଫଳ ଆସିଛି ତାହା ଅନେକ ସ୍ତରରେ ହେରଫେରର ଫଳାଫଳ ହୋଇପାରେ।
ପୂର୍ବତନ କଂଗ୍ରେସ ନେତା ଶ୍ରୀ ସିବାଲ କହିଥିଲେ, ଆମକୁ ଏହି ସମସ୍ୟାର ସମାଧାନ ଏକାଠି କରିବାକୁ ପଡିବ। କଂଗ୍ରେସ ଏବଂ ‘ଇଣ୍ଡିଆ’ (ଇଣ୍ଡିଆନ୍ ନ୍ୟାସନାଲ୍ ଡେଭଲପମେଣ୍ଟାଲ୍ ଇନକ୍ଲୁସିଭ୍ ଆଲାଏନ୍ସ) ମେଣ୍ଟର ଅନ୍ୟାନ୍ୟ ଦଳଗୁଡ଼ିକ ଭୋଟ୍ ପ୍ରକ୍ରିୟାରେ ଅନିୟମିତତା ଅଭିଯୋଗ କରିଆସୁଛନ୍ତି। ଯାହା ସର୍ବସାଧାରଣଙ୍କ ପାଇଁ ସ୍ପଷ୍ଟ ହେବା ଆବଶ୍ୟକ।
