ବିଶ୍ୱ ପାଇଁ ଭୟଙ୍କର ସ୍ଥିତି ସୃଷ୍ଟି କରିପାରେ ତୁର୍କୀ। ଅନ୍ୟତମ ପ୍ରମୁଖ ଡ୍ରୋନ୍‌ର ରପ୍ତାନିକାରୀ ଭାବେ ଖ୍ୟାତି ହାସଲ କରିଥିବା ତୁର୍କୀ ଭୟଙ୍କର ଓ ଶକ୍ତିଶାଳୀ ଡ୍ରୋନ୍‌ ନିର୍ମାଣ କରିଛି। ଇସ୍ତାନବୁଲରେ ଅନୁଷ୍ଠିତ ହେଉଥିବା ଅନ୍ତର୍ଜାତୀୟ ପ୍ରତିରକ୍ଷା ଶିଳ୍ପ ମେଳା ଆଇଡିଇଏଫ ୨୦୨୫ରେ, ତୁର୍କୀ ବିଶ୍ୱର ଦୁଇଟି ସବୁଠାରୁ ବିପଦପୂର୍ଣ୍ଣ ଅଣ-ପରମାଣୁ ବୋମା ଗଜାପା ପ୍ରଦର୍ଶନ କରିଛି। ଯାହାକୁ ନେଇ ତୁର୍କୀର ଶତ୍ରୁ ରାଷ୍ଟ୍ରଗୁଡ଼ିକ ମଧ୍ୟରେ ଆତଙ୍କ ଖେଳି ଯାଇଛି।

ଏହି ବୋମାକୁ ତୁର୍କୀ ପ୍ରତିରକ୍ଷା ମନ୍ତ୍ରଣାଳୟର ଗବେଷଣା ଏବଂ ବିକାଶ କେନ୍ଦ୍ର ବିକଶିତ କରିଛି। ଏହି ବୋମାର ବିଶେଷତ୍ୱ ହେଉଛି ଏହା ପ୍ରତି ମିଟରରେ ୧୦.୧୬ ଫ୍ରାଗମେଣ୍ଟ ହୋଇ ବିସ୍ଫୋରଣ କରିଥାଏ। ଯେତେବେଳେ ପାରମ୍ପରିକ ବୋମାଗୁଡ଼ିକର ଏପରି ପ୍ରଭାବ କେବଳ ୩ ମିଟର ପରିଧି ମଧ୍ୟରେ ରହିଥାଏ। ଏହାର ବହୁ-ଖଣ୍ଡ ଡିଜାଇନ୍‌ ଯୋଗୁ ବିସ୍ଫୋରଣ ପରିଧି ଏବଂ ପ୍ରଭାବ ଉଭୟ ବହୁତ ଘାତକ ହୋଇଥାଏ।

ଜଣେ ବରିଷ୍ଠ ଅଧିକାରୀଙ୍କ କହିବାନୁଯାୟୀ, ଗାଜାପ ଏବେ ପରୀକ୍ଷଣ ଏବଂ ପ୍ରମାଣପତ୍ର ପ୍ରକ୍ରିୟାକୁ ସମ୍ପୂର୍ଣ୍ଣ ଭାବରେ ଅତିକ୍ରମ କରିସାରିଛି ଏବଂ ବ୍ୟବହାର ପାଇଁ ପ୍ରସ୍ତୁତ। ଦ୍ୱିତୀୟ ବୋମା ନେବ୍‌-୨କୁ ବିଶ୍ୱର ସବୁଠାରୁ ପ୍ରଭାବଶାଳୀ ବଙ୍କର ବଷ୍ଟର ବୋଲି ବିବେଚନା କରାଯାଉଛି। ଏହି ବୋମା ଏତେ ଶକ୍ତିଶାଳୀ ଯେ, ଏହା ଆମେରିକୀୟ କ୍ଷେପଣାସ୍ତ୍ର ସି-୩୫ ଗ୍ରେଡ ତୁଳନାରେ ଅଧିକ କଂକ୍ରିଟ୍ର କାନ୍ଥ ଭେଦ କରିପାରିବ। ସି-୩୫ ୨.୪ ମିଟର କଂକ୍ରିଟ କାନ୍ଥ ଭେଦ କରିବାରକୁ ସକ୍ଷମ ହୋଇପାରିବ।

ଗ୍ରେଡ୍‌ ସି-୩୫ ଗ୍ରେଡ୍‌ ଠାରୁ ନେବ୍‌-୨ ସି୫୦ ତିନି ଗୁଣା ଅଧିକ ଶକ୍ତିଶାଳୀ ବୋଲି ପରୀକ୍ଷଣରୁ ଜଣାପଡ଼ିଛି। ଏହା ୭ ମିଟର ପର୍ଯ୍ୟନ୍ତ ଘନ କଂକ୍ରିଟ୍‌ କାନ୍ଥ ଭେଦ କରିପାରିବ।