ରେଲୱେ ଟ୍ରାକ ଲଗାଇବା ପାଇଁ ବ୍ୟବହୃତ ଲୁହା ବାରରେ ଭର୍ତ୍ତି ଏକ ଲୋରୀ ଦୁଇଟି ଅଟୋରିକ୍ସାକୁ ଅତିକ୍ରମ କରିବା ବେଳେ ଦୁର୍ଘଟଣା ଘଟି ୭ ଜଣଙ୍କ ମୃତ୍ୟୁ ଘଟିଛି। ଲୋରିଟି ଅତିକ୍ରମ କରିବା ବେଳେ ଲୁହା ଦଣ୍ଡଗୁଡ଼ିକ ଅଟୋରିକ୍ସା ଉପରେ ପଡିଯିବାରୁ ଅଟୋରେ ଥିବା ଯାତ୍ରୀଙ୍କ ମୃତ୍ୟୁ ଘଟିଛି। ମୃତକଙ୍କ ମଧ୍ୟରେ ୪ ଜଣ ମହିଳା ଏବଂ ଜଣେ ଶିଶୁ ଅଛନ୍ତି।
ଖବର ନେବାରୁ ଜଣାପଡ଼ିଛି ଯେ ରବିବାର ତେଲେଙ୍ଗାନାର ଥିବା ୱାରଙ୍ଗାଲ – ମାମୁନୁରୁ ରାସ୍ତାରେ ଘଟିଛି ଏହି ଘଟଣା। ଆହତଙ୍କୁ ନିକଟସ୍ଥ ଏମଜିଏମ ହସ୍ପିଟାଲରେ ଭର୍ତ୍ତି କରାଯାଇଛି। ତେବେ ଆହୁରି ଅନେକଙ୍କ ଅବସ୍ଥା ସଙ୍କଟାପନ୍ନ ରହିଛି। ମୃତ୍ୟୁ ସଂଖ୍ୟା ଆଗକୁ ବଢିପାରେ ବୋଲି କୁହାଯାଉଛି। ପୁଲିସ ଘଟଣାସ୍ଥଳରେ ପହଞ୍ଚି ଟ୍ରକ୍ ଡ୍ରାଇଭରକୁ ଗିରଫ କରିଛି।
