ଡଲାର ବିନିମୟ ମୂଲ୍ୟ ୮୫.୮୬ ଟଙ୍କାରେ ପହଞ୍ଚିଲା। ଏହା ଖୁବଶିଘ୍ର ୮୬ ଛୁଇଁ ପାରେ
ନୂଆଦିଲ୍ଲୀ, ୧୦/୧: ପୁଣି ଥରେ ହ୍ରାସ ପାଇଲା ଟଙ୍କାର ମୂଲ୍ୟ। ଗୋଟିଏ ଡଲାର ଏବେ ୮୫ ଟଙ୍କା ୮୬ ପଇସାରେ ପହଞ୍ଚିଛି। ଗତବର୍ଷ ଭଳି ୨୦୨୫ ଆରମ୍ଭରୁ ଟଙ୍କାର ମୂଲ୍ୟ କ୍ରମାଗତ ଭାବେ ହ୍ରାସ ପାଇବାରେ ଲାଗିଛି। ଏହା ଅର୍ଥନୀତିଜ୍ଞଙ୍କୁ ଯେତିକି ଚିନ୍ତାରେ ପକାଇଛି ସାଧାରଣ ଲୋକଙ୍କ ପାଇଁ ସେତିକି ଆର୍ଥିକ ସମସ୍ୟାରେ ପକାଇବାରେ ଲାଗିଛି।
ଗୁରୁବାର ସାରା ଦିନର କାରବାରରେ ଭାରତୀୟ ମୁଦ୍ରା ୮୫.୯୪ ଟଙ୍କା ସ୍ତର ଛୁଇଁ ଏକ ପ୍ରକାର ଇତିହାସ ରଚିଛି। ବିଶେଷକରି ଅଶୋଧିତ ତୈଳ ଦର ହ୍ରାସ ଓ ବିଦେଶୀ ପାଣ୍ଠି ବହିର୍ଗମନ୍ ଯୋଗୁଁ ଏଭଳି ପରିସ୍ଥିତି ସୃଷ୍ଟି ହୋଇଛି ବୋଲି ବିଶେଷଜ୍ଞମାନେ ମତ ଦେଇଛନ୍ତି।
ଗୁ ରୁ ବ । ର କାରବାରରେ ଡଲାର ତୁଳନାରେ ଟଙ୍କା ମୂଲ୍ୟରେ ୧ ପଇସା ହ୍ରାସ ଘଟି ସ୍ତରରେ ବନ୍ଦ ହୋଇଛି। ଦିନର କାରବାର ମଧ୍ୟରେ ଭାରତୀୟ ମୁଦ୍ରା ୮୫.୯୪ ଟଙ୍କା ସ୍ତର ଛୁଇଁଥିଲା। ଧୀରେ ଧୀରେ ଯାହା ଅନୁମାନ କରାଯାଉଥିଲା ତାହା ହିଁ ଘଟିବାକୁ ଯାଉଛି। ଖୁବ୍ ଶୀଘ୍ର ଟଙ୍କା ମୂଲ୍ୟ ଡଲାର ପିଛା ୮୬ ଟଙ୍କା ସ୍ତରରେ ହଞ୍ଚିଯିବ।

କୃତ୍ରିମ ବୁଦ୍ଧିମତା (AI) ବିନିଯୋଗ କରି ବିଶ୍ବର ୪୧ ପ୍ରତିଶତ କମ୍ପାନୀ ନିଜର ମାନବ ସମ୍ବଳ ହ୍ରାସ ପାଇଁ ଲାଗିପଡିଛନ୍ତି । ୨୦୩୦ ବେଳକୁ ଏହି ପରିସ୍ଥିତି ସୃଷ୍ଟି ହେବ ଯେ କମ୍ପାନିଗୁଡ଼ିକ ନିଜ ମାନବସମ୍ବଳ ହ୍ରାସ ପାଇଁ AIର ସହାୟତା ନେବେ। ଏ ନେଇ ୱାର୍ଲ୍ଡ ଇକୋନୋମି ଫୋରମ୍ (WEF) ପକ୍ଷରୁ ବୁଧବାର ପ୍ରକାଶିତ ଏକ ରିପୋର୍ଟରୁ ଏହା ଜଣା ପଡ଼ିଛି। ଫୋରମ୍ ବିଶ୍ବର ଶତାଧିକ କମ୍ପାନୀ ଉପରେ ସର୍ଭେ କରି ଏହି ରିପୋର୍ଟ ପ୍ରକାଶ ପାଇଛି। ଯାହାକୁ ନେଇ ଏବେ ଅନେକଙ୍କ ମଧ୍ୟରେ ଆଶଙ୍କା ସୃଷ୍ଟି କରିଛି। ଅପରପକ୍ଷେ ଏହି ରିପୋର୍ଟ୍ ଅନୁଯାୟୀ ଜଣା ପଡ଼ିଛି ଯେ, ୭୭ ପ୍ରତିଶତ ବ୍ୟବସାୟୀ ସେମାନଙ୍କ ନିକଟରେ କାମ କରୁଥିବା ମାନବ ସମ୍ବଳକୁ ଅଧିକ କୁଶଳୀ ତଥ୍ୟ କୃତ୍ରିମ ବୁଦ୍ଧିମତା ଯୁଗରେ କିଭଳି ଅଧିକ ଦକ୍ଷ କରାଯାଇ ପାରିବ ସେ ଦିଗରେ ଯୋଜନା କରୁଛନ୍ତି। ତେବେ ଏହା କେତେ ମାତ୍ରାରେ କର୍ମଚାରୀ ହଟାଇବା ତାହା ବଡ଼ କଥା ନୁହେଁ କିନ୍ତୁ ଅଧିକାଂଶ ବୈଷୟିକ ବଜାର ପାଇଁ ଅଧିକ ଫଳପ୍ରଦ ହେବ। ଅପରପକ୍ଷେ ବିଶ୍ଵ ବଜାରକୁ ଦେଖିଲେ ଏବେ AI ଯୋଗୁଁ ନୂଆ ନିଯୁକ୍ତି ତ ଦୁର କଥା ଅନେକ କର୍ମଚାରୀ ଛଟେଇ କରିବା ଆରମ୍ଭ କରିଛନ୍ତି।