ନୂଆଦିଲ୍ଲୀ, ୯/୧: ଆମେରିକାର ଲସ୍‌ ଏଞ୍ଜଲିସ୍‌ରେ ଭୟାବହ ଅଗ୍ନିକାଣ୍ଡ। କାଲିଫର୍ଣ୍ଣିଆ ଜଙ୍ଗଲରୁ ଲାଗିଥିବା ନିଆଁ ବ୍ୟାପି ଶତାଧିକ ଘର ଭସ୍ମ କରିସାରିଲାଣି। ମିଳିଥିବା ସୂଚନା ଅନୁଯାୟୀ ଅଗ୍ନିକାଣ୍ଡରେ ବର୍ତ୍ତମାନ ସୁଦ୍ଧା ୬ ଜଣଙ୍କ ମୃତ୍ୟୁ ହୋଇଥିବା ବେଳେ ଶହେରୁ ଅଧିକ ଲୋକ ଗୁରୁତର ହୋଇଛନ୍ତି। ଗତକାଲି ସନ୍ଧ୍ୟା ସୁଦ୍ଧା ମିଳିଥିବା ରିପୋର୍ଟ୍ ଅନୁଯାୟୀ ପ୍ରାୟ ୩୦ ହଜାର ଲୋକଙ୍କୁ ସ୍ଥାନାନ୍ତର କରାଯାଇଛି। ନିକଟବର୍ତ୍ତୀ ଲୋକଙ୍କୁ ସ୍ଥାନାନ୍ତର ପାଇଁ ନିର୍ଦ୍ଦେଶ ଦିଆଯାଇଛି।
ସାନ୍ତା ମୋନିକା ଏବଂ ମାଲିବୁ ମଧ୍ୟରେ ପାସିଫିକ୍ ପାଲିସେଡ୍ସ ଅଞ୍ଚଳରେ ପ୍ରାୟ ୧୨୬୨ ଏକର ଜଙ୍ଗଲ ପୋଡ଼ି ଯାଇଥିବା ଜଣା ପଡିଛି। ୫ ହଜାର ଏକରରୁ ଅଧିକ ଅଞ୍ଚଳକୁ ନିଆଁ ବ୍ୟାପୁଥିବା ଅଞ୍ଚଳରୁ ଲୋକଙ୍କୁ ଯୁଦ୍ଧକାଳୀନ ଭିତ୍ତିରେ ଖାଲି କରାଯାଇଛି। ଅନେକ ଏବେବି ନିଆଁ ଘେରରେ ରହିଛନ୍ତି। ସେମାନଙ୍କୁ ଉଦ୍ଧାର କରାଯାଉଛି।

ଅଗ୍ନିକାଣ୍ଡ ଯୋଗୁ ବର୍ତ୍ତମାନ ସୁଦ୍ଧା ପ୍ରାୟ ଦେଢ଼ ହଜାର ଘର ନଷ୍ଟ ହୋଇଯାଇଛି। ନିଆଁକୁ ଆୟତ୍ତ କରିବାକୁ ଆକାଶ ମାର୍ଗରୁ ପାଣି ବର୍ଷା କରାଯାଉଛି।

ସ୍ଵତନ୍ତ୍ର ଦର୍ଶନ ପାଇଁ ଟିକେଟ ବଣ୍ଟନ ବେଳେ ଅଘଟଣ
ନୂଆଦିଲ୍ଲୀ, ୮/୨: ଆସନ୍ତା ୧୦ ରୁ ୧୯ ତାରିଖ ପର୍ଯ୍ୟନ୍ତ ଆନ୍ଧ୍ରପ୍ରଦେଶର ପ୍ରସିଦ୍ଧ ତିରୁପତିସ୍ଥିତ ଭେଙ୍କଟେଶ୍ୱରଙ୍କ ଦର୍ଶନ ନିମନ୍ତେ ସ୍ବତନ୍ତ୍ର ବ୍ୟବସ୍ଥା କରାଯାଇଥିଲା। ଏଥିପାଇଁ ଟୋକେନ୍ ବଣ୍ଟନ ଚାଲିଥିବା ବେଳେ ଦଳାଚକଟା ଘଟି ୬ ଜଣଙ୍କ ମୃତ୍ୟୁ ହୋଇଛି। ଏଥି ସହିତ ୧୫୦ରୁ ଅଧିକ ଲୋକ ଆହତ ହୋଇଥିବା ଜଣାପଡିଛି। ଆଗକୁ ମୃତ୍ୟୁ ସଂଖ୍ୟା ବଢିବାର ଆଶଙ୍କାକୁ ଏଡାଇ ଦିଆଯାଇ ନ ପାରେ। ପ୍ରକାଶ ଥାଉ କି ଆସନ୍ତା ୧୦ ତାରିଖରୁ ସ୍ବତନ୍ତ୍ର ବୈକୁଣ୍ଠ ଦ୍ୱାର ଦର୍ଶନ ଆରମ୍ଭ ହୋଇଥାନ୍ତା। ଏଥିପାଇଁ ବୁଧବାର ସକାଳୁ ଟୋକନ୍ ବଣ୍ଟନ ଆରମ୍ଭ ହୋଇଥିଲା। ବୈରାଗି ପାଟ୍ଟିଡା ପାର୍କରେ ଧାଡ଼ି ଲାଗିଥିଲେ ଶ୍ରଦ୍ଧାଳୁ। ସନ୍ଧ୍ୟାରେ ପ୍ରାୟ ପ୍ରାୟ ୪ ହଜାର ଶ୍ରଦ୍ଧାଳୁ ଟୋକେନ ପାଇଁ ଉପସ୍ଥିତ ଥିଲେ। ହଠାତ୍ ଦଳାଚକଟା ସ୍ଥିତି ଉପୁଜିବାରୁ ୬ଜଣ ଭକ୍ତଙ୍କର ମୃତ୍ୟୁ ଘଟିଥିବା କୁହାଯାଉଛି। ଆହତମାନଙ୍କୁ ଉଦ୍ଧାର କରାଯାଇ ଚିକିତ୍ସା ପାଇଁ ମେଡିକାଲରେ ଭର୍ତ୍ତି କରାଯାଇଛି।
ସଂଖ୍ୟାରେ ଶ୍ରଦ୍ଧାଳୁ ମନ୍ଦିର କମିଟି ପକ୍ଷରୁ ଏକ ଜରୁରୀ ବୈଠକ କରାଯାଇ ଏଭଳି ପରିସ୍ଥିତି ଉପୁଜିବାର କାରଣ ସମ୍ପର୍କରେ ତର୍ଜମା କରାଯାଉଛି। ଆଗକୁ ଟୋକେନ ବଣ୍ଟନ ଓ ପ୍ରଭୁଙ୍କ ଦର୍ଶନ କିଭଳି ଠିକ୍ ଭାବେ ହୋଇପାରିବ ସେ ନେଇ ଆଲୋଚନା କରାଯାଇଛି। ଅପରପକ୍ଷେ ଆନ୍ଧ୍ରପ୍ରଦେଶର ମୁଖ୍ୟମନ୍ତ୍ରୀ ଏନ ଚନ୍ଦ୍ରବାବୁ ନାଇଡୁ ମୃତକଙ୍କ ପରିବାରକୁ ସମବେଦନା ଜଣାଇଛନ୍ତି।

୬୨ ଜଣ ଆହତଙ୍କୁ ଉଦ୍ଧାର ପରେ ଏବେ ବି ମଟିତଳେ ରହିଛି ଅନେକଙ୍କ ଜୀବନ
ନୂଆଦିଲ୍ଲୀ, ୭/୧: ମଙ୍ଗଳବାର ସକାଳେ ତିବ୍ବତରେ ଭୟଙ୍କର ଭୂକମ୍ପ ଅନୁଭୂତ ହୋଇଛି। ଏଥିରେ ୫୩ ଜଣଙ୍କ ମୃତ୍ୟୁ ହୋଇଥିବା ବେଳେ ୬୨ ଜଣଙ୍କୁ ଗୁରୁତର ଅବସ୍ଥାରେ ଉଦ୍ଧାର କରାଯାଇ ଚିକିତ୍ସ। କରାଯାଉଛି। ଏବେ ବି ଅନେକ ଲୋକ ମାଟିତଳେ ଚାପିହୋଇ ରହିଛନ୍ତି। ସେମାନଙ୍କୁ ଉଦ୍ଧାର ପାଇଁ ସମସ୍ତ ପ୍ରକାର ଉଦ୍ୟମ ଜାରି ରହିଛି। ମିଟର ସ୍କେଲରେ ଭୂକମ୍ପର ୭.୧ ରେକର୍ଡ କରାଯାଇଛି।
ଘରୋଇ ଖବର ସଂସ୍ଥାରୁ ମିଳିଥିବା ସୂଚନା ଅନୁଯାୟୀ ଆଜି ସକାଳେ ନେପାଳ ସୀମାନ୍ତ ତିଦ୍ଦତ ଅଞ୍ଚଳରେ ଏହି ଭୂକମ୍ପ ଅନୁଭୂତ ହୋଇଥିଲା। ଏହାର ପ୍ରଭାବ ଭାରତର ଆସାମ, ବିହାର ଓ ପଶ୍ଚିମବଙ୍ଗରେ ମଧ୍ୟ କେତେକାଂଶରେ ଅନୁଭୂତ ହୋଇଥିଲା। NCS (national centre for seismology) ର ସୂଚନା ଅନୁଯାୟୀ ସକାଳ ୬ଟା ୩୫ ମିନିଟରେ ଏହା ଅନୁଭୂତ ହୋଇଥିଲା।