ରାଜ୍ୟରେ କ୍ରମାଗତ ଭାବେ ବଢି ଚାଲିଛି ବିବାହ ବିଚ୍ଛେଦ। ଏଥିରେ ନିୟନ୍ତ୍ରଣ ଆଣିବା ପାଇଁ ରାଜ୍ୟ ସରକାର ମେଣ୍ଟାଲ୍ କାଉନସେଲିଂ ସେଣ୍ଟର୍ ଖୋଲିବାକୁ ରାଜ୍ୟ ସରକାର ଚିନ୍ତା କରୁଛନ୍ତି।
ବିବାହ ବିଚ୍ଛେଦ ପୂର୍ବରୁ ଉଭୟ ସ୍ବାମୀ, ସ୍ତ୍ରୀଙ୍କ ମଧ୍ୟରେ ଆପୋଷ ବୁଝାମଣା ପାଇଁ ସରକାରୀ ସ୍ତରରେ ଯୋଜନା କରାଯିବ। ଏଥିପାଇଁ ମେଣ୍ଟାଲ୍ କାଉନସେଲିଂ ସେଣ୍ଟର୍ ଖୋଲିବାକୁ ରାଜ୍ୟ ସରକାର ଯୋଜନା କରିଛନ୍ତି ବୋଲି କହିଛନ୍ତି ଉପ ମୁଖ୍ୟମନ୍ତ୍ରୀ ପ୍ରଭାତୀ ପରିଡ଼ା। ‘ମାଆର ଛାଟ’ ବା ମଦର୍ସ କୋର୍ଟ ନାମରେ ଏହି କେନ୍ଦ୍ରର ନାମକରଣ କରାଯିବ ବୋଲି ଶ୍ରୀମତୀ ପରିଡ଼ା କହିଛନ୍ତି। ବିଶେଷ କରି ଛାଡ଼ପତ୍ର ରୋକିବା ପାଇଁ ସରକାର ଏହି ପନ୍ଥାକୁ ଆପଣେଇବେ। ଛାଡ଼ପତ୍ର ପୂର୍ବରୁ ଉଭୟ ପକ୍ଷଙ୍କୂ ଡାକି ଆଲୋଚନା କରିବେ କାଉନସିଲର। ସେମାନେ କାହିଁକି କେଉଁ ପରିସ୍ଥିତିରେ ଛାଡ଼ପତ୍ର ଦେବେ ତାହା ଜାଣିବା ପରେ ମାନସିକ ବିଶେଷଜ୍ଞ ବୁଝାଇବେ ଓ ଆଗକୁ ଉଭୟ ପକ୍ଷ ବୁଝାମଣା ସହ କିଭଳି ରହିବେ ସେଥିପାଇଁ ପରାମର୍ଶ ଦେବେ କାଉନସିଲର। ଏହି ଟିମରେ ମାନସିକ ରୋଗ ବିଶେଷଜ୍ଞ ଓ ସାମାଜିକ ପରାମର୍ଶଦାତା ରହିବେ।
ପ୍ରକାଶ ଥାଉ କି କମିଶନରେଟ ପୁଲିସ ପକ୍ଷରୁ ଏକ ସେଲ୍ ମଧ୍ୟ ଏ କ୍ଷେତ୍ରରେ କାମ କରୁଛି। ଉଭୟ ପକ୍ଷକୁ ଡାକି ବୁଝାମଣା କରୁଛନ୍ତି।
