ରବିବାର ସ୍ପେସଏକ୍ସର କ୍ରୁ ଡ୍ରାଗନ କ୍ୟାପସୁଲ ସଫଳତାର ସହ ଅନ୍ତର୍ଜାତୀୟ ମହାକାଶ ଷ୍ଟେସନ (ଆଇଏସଏସ) ସହିତ ସଂଯୋଗ କରିବା ପାଇଁ ଏହାର ହ୍ୟାଚ୍ ଖୋଲିଛି। ଫଳରେ ଦୀର୍ଘ ନଅ ମାସରୁ ଅଧିକ ସମୟ ଧରି କକ୍ଷପଥରେ ଫସି ରହିଥିବା କ୍ରୁ ଡ୍ରାଗନ୍ ଟିମର ସଦସ୍ୟ ସୁନିତା ୱିଲିୟମ୍ସ ଏବଂ ବୁଚ୍ ୱିଲମୋରଙ୍କୁ ଆଶ୍ୱସ୍ତି ମିଳିଛି। ଏହି ଖୁସିରେ ମହାକାଶଚାରୀମାନେ ପରସ୍ପରଙ୍କୁ ଆଲିଙ୍ଗନ କରୁଥିବାର ଲାଇଭ୍ ଟେଲିଭିଜନରେ ଦେଖାଦେଇଛି
ନାସାର ମହାକାଶଚାରୀ ଆନ୍ ମ୍ୟାକକ୍ଲେନ୍ ଏବଂ ନିକୋଲ୍ ଆୟର୍ସ, ଜାପାନ ଏରୋସ୍ପେସ୍ ଏକ୍ସପ୍ଲୋରେସନ୍ ଏଜେନ୍ସିର ଟାକୁୟା ଓନିଶି ଏବଂ ରୋସକସମୋସ୍ ମହାକାଶଚାରୀ କିରିଲ୍ ପେସକୋଭଙ୍କୁ ନେଇ ଗଠିତ କ୍ରୁ-୧୦ ଦଳ ଗତ ଜୁନ୍ ମାସରେ ସେମାନଙ୍କ ମିଶନରୁ ଫସି ରହିଥିବା ମହାକାଶଚାରୀ ସୁନିତା ୱିଲିୟମ୍ସ ଏବଂ ବୁଚ୍ ୱିଲମୋରଙ୍କ ସ୍ଥାନରେ ଆଇଏସଏସରେ ପହଞ୍ଚିବା ପରେ ଏହି ଖୁସି ପରିଲକ୍ଷିତ ହୋଇଛି।
କ୍ରୁ-୧୦ ଦଳ ଆଗାମୀ କିଛି ଦିନ ଆଇଏସଏସ ସହିତ ଅଭ୍ୟସ୍ତ ହେବା ଏବଂ ୱିଲିୟମ୍ସ ଏବଂ ୱିଲମୋରଙ୍କ ଦାୟିତ୍ୱ ଗ୍ରହଣ କରିବାରେ ବିତାଇବେ। ଦୁଇ ମହାକାଶଚାରୀ କିଛି ସମୟ ରହିବା ପରେ ପୃଥିବୀକୁ ଫେରିବେ ବୋଲି ଆଶା କରିଥିଲେ କିନ୍ତୁ ସେମାନଙ୍କ ଫେରିବା କ୍ୟାପସୁଲରେ ଯାନ୍ତ୍ରିକ ବିଳମ୍ବ ଯୋଗୁଁ ପ୍ରାୟ ନଅ ମାସ ଧରି କକ୍ଷପଥରେ ରହିଛନ୍ତି।
ୱିଲିୟମ୍ସ ଏବଂ ୱିଲମୋର ପ୍ରଥମେ ବୋଇଂର ଷ୍ଟାରଲାଇନର୍ କ୍ୟାପସୁଲ୍ ସହିତ ଉତକ୍ଷେପଣ କରିଥିଲେ, ଯାହା ଏହାର ପ୍ରଥମ ଉଡ଼ାଣ ସମୟରେ ଅନେକ ସମସ୍ୟାର ସମ୍ମୁଖୀନ ହୋଇଥିଲା। ଫଳରେ ମହାକାଶଚାରୀମାନେ ଆଶାଠାରୁ ଅଧିକ ସମୟ ପାଇଁ ଫସି ରହିଥିଲେ।
ଯେତେବେଳେ ସେମାନଙ୍କର ବଦଳ କ୍ୟାପସୁଲ୍ ବ୍ୟାପକ ବ୍ୟାଟେରୀ ମରାମତି କରାଯାଇଥିଲା। ଯାହା ସେମାନଙ୍କ ପ୍ରତ୍ୟାବର୍ତ୍ତନ କିଛି ସପ୍ତାହ ପଛକୁ ପଡ଼ିଯାଇଥିଲା, ସେତେବେଳେ ବିଳମ୍ବ ଆହୁରି ବଢ଼ିଯାଇଥିଲା। ଏବେ କ୍ରୁ-୧୦ ଦଳର ଆଗମନ ୱିଲିୟମ୍ସ ଏବଂ ୱିଲମୋରଙ୍କ ପାଇଁ ବିସ୍ତାରିତ ମିଶନର ଅନ୍ତିମ ପର୍ଯ୍ୟାୟରେ ପହଞ୍ଚିଛି। ଏହି ସପ୍ତାହ ଶେଷରେ ସ୍ପେସଏକ୍ସ କ୍ୟାପସୁଲ ଯୋଗେ ପୃଥିବୀକୁ ଫେରିବାର ସମ୍ଭାବନାକୁ ବୃଦ୍ଧିକରିଛି।
