ଯାହାକୁ ଆପଣ ବୋକା ବୋଲି ଭାବୁଛନ୍ତି, ବାସ୍ତବିକ୍ ସେମାନେ ଚତୁର। ନିଜକୁ ବୋକା ଭଳି ଦେଖାଇ ସୁବିଧା ହାସଲ କରିଥାନ୍ତି। ସେମାନଙ୍କୁ ଚିହ୍ନି ରଖନ୍ତୁ। ନଚେତ୍ ଆପଣ ବୋକାମୀର ଶିକାର ହୋଇଥାନ୍ତି।
ରାଜଧାନୀର ଏକ ରେଷ୍ଟୁରାଣ୍ଟରେ ଦୁଇଜଣ ଯୁବକ ଖାଇବାକୁ ଯାଇଥାନ୍ତି। ସେମାନଙ୍କ ମଧ୍ୟରୁ ଜଣେ ହୋଟେଲରେ କାମ କରୁଥିବା ପିଲାକୁ ଡାକି ଗୋଟିଏ ୫୦ ଟଙ୍କିଆ ନୋଟ୍ ଦେଖାଇଲେ। ପଚାରିଲେ କହିଲୁ ଦେଖି ଏହା କେତେ ଟଙ୍କା ? ପିଲାଟି କହିଲା ପାଞ୍ଚ ଶହ ଟଙ୍କା। ଦୁଇଜଣ ବନ୍ଧୁ ଜୋରରେ ହସିବାକୁ ଲାଗିଲେ। ପିଲାଟିକୁ ୫୦ ଟଙ୍କା ଦେଇ ନିଜେ ଖାଇବାରେ ଲାଗିଲି। ଏସବୁକୁ ଦୂରରେ ବସିଥିବା ଅନ୍ୟ ଜଣେ ଯୁବକ ଦେଖୁଥିଲେ।
ଦୁଇ ଯୁବ ବନ୍ଧୁ ଖାଇସାରି ରେଷ୍ଟୁରାଣ୍ଟ ଛାଡ଼ି ଚାଲିଯିବା ପରେ ଭଦ୍ରବ୍ୟକ୍ତି ଜଣକ ପିଲାଟିକୁ ପାଖକୁ ଡାକିଲେ ଓ ପଚାରିଲେ ତୁ ଏତେ ବଡ଼ ହେଲୁଣି ଅଥଚ ପଚାଶ ଟଙ୍କିଆ ନୋଟ୍ ଚିହ୍ନି ପାରୁନୁ। ପିଲାଟି କହିଲା, ମୁଁ ଚିହ୍ନିଛି ହେଲେ ଜାଣିଲି ଏଭଳି କହେ। ପ୍ରତିଦିନ ସେହି ଯୁବକ ଜଣକ ଆସି ମୋତେ ପଚାଶ ଟଙ୍କିଆ ନୋଟ୍ ଦେଖନ୍ତି ମୁଁ ଭୁଲ କହିଲେ ସେମାନେ ନୋଟ୍ ଦେଇ ଖୁବ୍ ମଜା ନିଅନ୍ତି। ମୁଁ ଜାଣିଛି ଯେଉଁଦିନ ଠିକ୍ କହିବି ସେମାନେ ଆଉ ଆସିବେ ନାହିଁ କି ଟଙ୍କା ଦେବେ ନାହିଁ। ପିଲାଟିର କଥା ଶୁଣି ଭଦ୍ରବ୍ୟକ୍ତି ଜଣକ ନିଜକୁ ହିଁ ବୋକା ବୋଲି ଭାବିଲେ।
ବାସ୍ତବ କଥା ହେଉଛି ଅନେକ ଲୋକ ଅଛନ୍ତି ଅତି ଚତୁର ହେଲେ ମଧ୍ୟ ନିଜକୁ ବୋକା ଭଳି ଦେଖେଇ ହୁଅନ୍ତି। ସେଥିରୁ ଫାଇଦା ମଧ୍ୟ ନିଅନ୍ତି। ଆଉ ଆମେ ଚତୁର ଦେଖେଇ ହେଉଥିବା ଲୋକ ପ୍ରକୃତ ବୋକା ବୋଲି ଜାଣିବାକୁ ସମୟ ନେଇଥାଏ।
