ଅନେକ ମହିଳା ସଙ୍କୋଚ କିମ୍ବା ଲଜ୍ଜ୍ୟା ଅନୁଭବ କରନ୍ତି। ଏବେ ବି ଅନେକ ମହିଳା ଏ ନେଇ ଖୋଲାଖୋଲି ଆଲୋଚନା କରିବାକୁ କୁଣ୍ଠାବୋଧ କରନ୍ତି। ଏପରିକି ଏହାକୁ ନେଇ ଲୋକଙ୍କ ମଧ୍ୟରେ ବିଭିନ୍ନ କୁସଂସ୍କାର ବି ଦେଖବାକୁ ମିଳେ।
କିନ୍ତୁ ଋତୁସ୍ରାବ ହେଉଛି ମହିଳାଙ୍କ ପାଇଁ ପ୍ରକୃତିଦତ୍ତ। ଋତୁସ୍ରାବ ହିଁ ମହିଳାଙ୍କୁ ପୂର୍ଣ୍ଣାଙ୍ଗ ନାରୀର ମାନ୍ୟତା ଦେଇଥାଏ। ତେଣୁ ଋତୁସ୍ରାବକୁ ନେଇ ମହିଳାମାନେ ଲଜ୍ଜା କରିବା ଅନୁଚିତ୍। କିନ୍ତୁ ଏହି ସମୟରେ ମହିଳାଙ୍କୁ ସ୍ବଚ୍ଛତା ଉପରେ ଗୁରୁତ୍ବ ଦେବା ଦରକାର।
ପ୍ରାଚୀନ କାଳରେ ପିରିୟଡ୍କୁ ନକାରାତ୍ମକ ଦୃଷ୍ଟିରେ ଦେଖାଯାଉଥିଲା। ପିରିୟଡ୍ ରକ୍ତକୁ ଅଶୁଦ୍ଧ ବୋଲି କୁହାଯାଉଥିବା ବେଳେ ମାସିକ ଧର୍ମକୁ ଅଭିଶାପ ବୋଲି ବିଚାର କରାଯାଉଥିଲା । ଏପରିକି ଏହି ସମୟରେ ମହିଳାଙ୍କୁ ପରିବାରରୁ ଅଲଗା କରି ଦିଆଯାଉଥଲା। କେବଳ ସେତିକି ନୁହେଁ, ସେମାନଙ୍କ ବିଛଣା ବି ଅଲଗା କରାଯାଉଥଲା। କୌଣସି ପୁରୁଷଙ୍କ ସହ ଏ ବାବଦରେ ଆଲୋଚନା ନ କରିବା ପାଇଁ ସେମାନଙ୍କୁ ତାଗିଦା କରାଯାଉଥଲା।
ତେବେ ଋତୁସ୍ରାବ ଅଭିଶାପ ନୁହେଁ, ମହିଳାଙ୍କ ପାଇଁ ଏହା ପ୍ରକୃତିର ଏକ ବରଦାନ ବୋଲି କହିପାରିବେ। ଅନ୍ୟପଟେ ଋତୁସ୍ରାବକୁ ନେଇ ଥିବା ରୂଢ଼ିବାଦୀ ଚିନ୍ତାଧାରାରେ ଏବେ କେତେକାଂଶରେ ପରିବର୍ତ୍ତନ ଆସିଛି। ସହରାଞ୍ଚଳର ଶିକ୍ଷିତ ଓ ସଚେତନ ମହିଳାମାନେ ଏହାକୁ ନେଇ ସଙ୍କୋଚ କରୁନାହାନ୍ତି। ଖୋଲାଖୋଲି ଏ ବାବଦରେ ଥିବା ସମସ୍ୟା ସମ୍ପର୍କରେ ସମସ୍ତଙ୍କ ସହ ସେମାନେ ଆଲୋଚନା କରିପାରୁଛନ୍ତି।
ପାକିସ୍ତାନ ତୁଳନାରେ ବି ଭାରତୀୟ ଖୁସିରେ ନାହାନ୍ତି
କପଡ଼ା ବ୍ୟବହାର ଯୁଗ ଶେଷ: ପୂର୍ବରୁ ମହିଳାମାନେ ଋତୁସ୍ରାବ ହେଲେ କପଡ଼ା ବ୍ୟବହାର କରୁଥଲେ। ଊନ୍ନବିଂଶ ଶତାବ୍ଦୀର ଶେଷ ବେଳକୁ ପିରିୟଡ୍ ପ୍ରଡକ୍ଟ ପ୍ୟାଡ୍ ବଜାରକୁ ଆସିଲା। ଏହାର ବ୍ୟବହାର ମୁଖ୍ୟତଃ ପ୍ରଥମେ ଆମେରିକା ଓ ବ୍ରିଟେନରେ ଦେଖିବାକୁ ମିଳିଲା। ୧୯୨୦ ମସିହା ବେଳକୁ ଏହାର ଉପଯୋଗ ବଢ଼ିଲା।
ଅନ୍ୟପଟେ ଏହି ପ୍ରଡକ୍ଟ ଋତୁସ୍ରାବ ଲୁଚାଇବାରେ ମହିଳାଙ୍କୁ ସାହାଯ୍ୟ କଲା। ଯେଉଁଥପାଇଁ ଏହାର ଚାହିଦା ବୃପାଇଥିବା କୁହାଯାଏ। ଅପରପକ୍ଷେ ପ୍ୟାଡ୍ ଆସିବା ପରେ ଆଉ କପଡା ବ୍ୟବହାର କଲେ ନାହିଁ। କେବଳ ସେତିକି ନୁହେଁ, ମହିଳାଙ୍କୁ ଏହି ସମୟରେ ସଫାସୁତୁରା ରଖିବାରେ ବି ସହାୟକ ହେଲା ଓ ନାରୀମାନେ ଗୁପ୍ତାଙ୍ଗରେ ସଂକ୍ରମଣଜନିତ ରୋଗରୁ ମୁକ୍ତି ପାଇ ପାରିଲେ।
ସେହିପରି ପ୍ରଥମ ମେନ୍ଷ୍ଟ୍ରୁଆଲ୍ କପ୍ ୧୯୩୦ରେ ବିକ୍ରି ହେଲା । ୨୦୦୦ ମସିହାରେ ଏହା ବହୁଳ ଭାବେ ଉପଲବ୍ଧ ହେଲା। ଅବଶ୍ୟ ଆଜିକା ସମୟରେ ପିରିୟଡ ପ୍ରଡକ୍ଟର ଅନେକ ବିକଳ୍ପ ଅଛି । ରିୟୁଜେବଲ ପ୍ୟାଡ୍, ସ୍ପଞ୍ଜ ଓ ପିରିୟଡ୍ ଅଣ୍ଡରଓୟର ଆଦି ବଜାରରେ ଉପଲବ୍ଧ ହେଲା।
ଋତୁସ୍ରାବ ଓ ସ୍ବଚ୍ଛତା: ନାରୀଟିଏ ଋତୁସ୍ରାବ ସମୟରେ ଅନେକ ଯନ୍ତ୍ରଣା ସତ୍ତ୍ବେ ବି ସେ ତା’ ସ୍ବାସ୍ଥ୍ୟ ପ୍ରତି ସେତେ ବେଶି ଧ୍ୟାନ ନ ଦେଇ ସମସ୍ତ କର୍ତ୍ତବ୍ୟ ସମ୍ପାଦନ କରେ। ଏସବୁ ଭିତରେ ବି ମହିଳାଙ୍କୁ ନିଜ ସ୍ବାସ୍ଥ୍ୟ ପ୍ରତି ଯତ୍ନବାନ ହେବା ଆବଶ୍ୟକ। ଏହି ସମୟରେ ମହିଳାଙ୍କୁ ପରିଷ୍କାର ପରିଚ୍ଛନ୍ନ ରହିବା ଆବଶ୍ୟକ। ମାତ୍ର ଏହା ଉପରେ ଅଧିକାଂଶ ମହିଳା ଗୁରୁତ୍ବ ଦେଇ ନ ଥାନ୍ତି। ତେବେ ଏହି ସମୟରେ ମହିଳାମାନେ କିଭଳି ସ୍ବଚ୍ଛତା ଉପରେ ଧ୍ୟାନ ଦେବେ, ସେନେଇ ପ୍ରତିବର୍ଷ ମେ ୨୮ ତାରିଖକୁ ଋତୁସ୍ରାବ ସ୍ବଚ୍ଛତା ଦିବସ ଭାବେ ପାଳନ କରାଯାଏ। ଏହାର ପ୍ରାରମ୍ଭ ୨୦୧୪ରେ ଜର୍ମାନ ଏନଜିଓ ୱାଶ ୟୁନାଇଟେଡ୍ ଆରମ୍ଭ କରିଥିଲା। କିଭଳି ଏହି ସମୟରେ ମହିଳାମାନେ ସ୍ବଚ୍ଛତାକୁ ପ୍ରାଥମିକତା ଦେବା ଦରକାର ସେନେଇ ବିଭିନ୍ନ ଅନୁଷ୍ଠାନ ପକ୍ଷରୁ ସଚେତନ କରାଯାଏ।
ମୁଖ୍ୟତଃ ଗାଁ ଗହଳିରେ ମହିଳାମାନେ ଏହାକୁ ପ୍ରାଧ୍ୟାନ୍ୟ ଦିଅନ୍ତି ନାହିଁ। ଗୋଟେ ପ୍ୟାଡ୍କୁ କେତେ ସମୟ ବ୍ୟବହାର କରିବା ତଥା କେତେ ଘଣ୍ଟାରେ ପ୍ୟାଡ୍ ବଦଳାଇବା ଦରକାର, ସେବାବଦରେ ସେମାନଙ୍କୁ ଜାଣିବା ଦରକାର। ତେବେ ସଂକ୍ରମଣରୁ ରକ୍ଷା ପାଇବା ପାଇଁ ମହିଳାଙ୍କୁ ପ୍ରତି ୪-୬ ଘଣ୍ଟାରେ ସାନିଟାରି ନାପକିନ୍ ବଦଳାଇବାକୁ ପରାମର୍ଶ ଦିଆଯାଏ। ତା’ସହ ଅନ୍ତବସ୍ତ୍ରକୁ ସଫା ରଖିବାକୁ କୁହାଯାଏ।
ଏବେ ବି ସଙ୍କୋଚ:
ଏବେ ଋତୁସ୍ରାବକୁ ନେଇ ସମାଜ ସଚେତନ ହେଲାଣି। ଫିଲ୍ମ ମାଧ୍ୟମରେ ସଚେତନ କରାଯାଉଥବା ବେଳେ ପ୍ୟାଡ୍ ବ୍ୟବହାର କରିବା ପାଇଁ ସରକାର ତଥା ବିଭିନ୍ନ ସଂଗଠନ ପକ୍ଷରୁ ମାଗଣାରେ ପ୍ୟାଡ୍ ବଣ୍ଟନ କରାଯାଉଛି। ସେହିପରି ଟିଭି, ଇଣ୍ଟରନେଟ୍ରେ ବିଭିନ୍ନ ପ୍ରକାର ପିରିୟଡ୍ ପ୍ରଡକ୍ଟ ଦେଖାଇ ଲୋକଙ୍କ ମଧ୍ୟରେ ସଚେତନତା ସୃଷ୍ଟି କରୁଛି। ଅନ୍ୟପଟେ ପୁରୁଷମାନେ ମଧ୍ୟ ଏହି ସଚେତନତାରେ ନିଜକୁ ସାମିଲ କଲେଣି।
କେବଳ ଏତିକି ନୁହେଁ, ପୂର୍ବରୁ ପ୍ୟାଡ୍ ବିଜ୍ଞାପନରେ ନୀଳ ରଙ୍ଗକୁ ବ୍ୟବହାରା କରାଯାଉଥିବା ବେେଳ ଏବେ ନାଲି ରଙ୍ଗକୁ ଦେଖାଯାଉଛି। ଯଦିଓ ଚିନ୍ତାଧାରାରେ ଉନ୍ନତି ପରିଲକ୍ଷିତ ହେଉଛି, ତଥାପି କୋଉଠା ନା କୋଉଠି ଏହାକୁ ନେଇ ଲୋକେ ସଙ୍କୋଚ କରୁଥିବା ବି ଦେଖିବାକୁ ମିଳୁଛି।
