ବରିଷ୍ଠ ଆଇଏଏସ ବିଷ୍ଣୁପଦ ସେଠୀଙ୍କ ଘରେ ମଙ୍ଗଳବାର ଚଢ଼ଉ କରିଛି ସିବିଆଇ। ସିବିଆଇର ଏକ ୮ ଜଣିଆ ଟିମ୍ ଏହି ଚଢ଼ଉରେ ସାମିଲ ହୋଇଥିଲେ। ସକାଳ ୭ ଟାରୁ ଚଢ଼ଉ ଆରମ୍ଭ ହୋଇଥିବା ବେଳେ ଦୀର୍ଘ ସାଢ଼େ ୪ ଘଣ୍ଟା ଧରି ଏହି ଚଢ଼ଉ ଜାରି ରହିଥିଲା।

ଅପରପକ୍ଷେ ସିବିଆଇ ମାମଲାରେ ପ୍ରଥମ ଥର ପାଇଁ ମୁଁହ ଖୋଲିଛନ୍ତି ଆଇଏଏସ ବିଷ୍ଣୁପଦ। ସେ କହିଛନ୍ତି ଯେ ଦୀର୍ଘ ୩୦ ବର୍ଷ ଧରି ସ୍ଵଚ୍ଚତାର ସହ ସେବା ଯୋଗାଇ ଆସିଛନ୍ତି। ବ୍ରିଜ ଆଣ୍ଡ ରୁଫ କମ୍ପାନୀ କିମ୍ବା ଚଞ୍ଚଳ ମୁଖାର୍ଜୀଙ୍କ ସହ ତାଙ୍କର କୌଣସି ସମ୍ପର୍କ ନାହିଁ କି କେବେ ନ ଥିଲା। ଏପରି ସ୍ଥଳେ ତାଙ୍କୁ ଉଦ୍ଦେଶ୍ୟମୂଳକ ଭାବେ ଫସାଇ ଏଭଳି ହଇରାଣ କରାଯାଉଛି ବୋଲି କହିଛନ୍ତି ବିଷ୍ଣୁପଦ। ତାଙ୍କ ବିରୁଦ୍ଧରେ କୌଣସି ଅଭିଯୋଗ ନ ଥିଲେ ମଧ୍ୟ କେଉଁ ଆଧାରରେ ତାଙ୍କୁ ବାରମ୍ବାର ସିବିଆଇ ଚଢ଼ଉ କରୁଛି ସେ ଜାଣନ୍ତିନାହିଁ ବୋଲି ଗଣମାଧ୍ୟମକୁ କହିଛନ୍ତି। ସବୁଠାରୁ ବଡ ଅଭିଯୋଗ ଆଣି ବିଷ୍ଣୁପଦ କହିଛନ୍ତି ଯେ ବିନା ମହିଳା କର୍ମଚାରୀ କିମ୍ବା ସ୍ଥାନୀୟ ପୁଲିସକୁ ନ ଆଣି ଏଭଳି ଚଢ଼ଉ କରିଛନ୍ତି।
ଯଦି ଚଞ୍ଚଳ ମୁଖାର୍ଜୀଙ୍କ ସହ ସମ୍ପର୍କ ବା ଆର୍ଥିକ କାରବାର ନେଇ ସିବିଆଇ ଚଢ଼ଉ କରୁଥାଏ ତେବେ ତାଙ୍କୁ ନ ଆଣି ଏଭଳି ରେଡ କରୁଥିବା କହିଛନ୍ତି ବିଷ୍ଣୁପଦ।