ଭାରତ-ପାକିସ୍ତାନ ମଧ୍ୟରେ ଚାଲିଥିବା ବିବାଦ ଟିକେ ଶାନ୍ତ ପଡ଼ିଥିବା ବେଳେ ଟ୍ରମ୍ପ ଗୋଟିଏ ଗୋଟିଏ ବୟାନ ଦେଶବାସୀଙ୍କ ମଧ୍ୟରେ ବିବାଦ ସୃଷ୍ଟି କରୁଛି।

ଯୁଦ୍ଧ ବିରତି ନେଇ ଭାରତ ଓ ପାକିସ୍ତାନ ନିଜପଟୁ କିଛି ଘୋଷଣା କରିବା ପୂର୍ବରୁ ଟ୍ରମ୍ଫ ଆଗୁଆ ତ୍ୱିଟ କରିବାକୁ ନେଇ ଯେଉଁ ଅସନ୍ତୋଷ ସୃଷ୍ଟି ହୋଇଥିଲା ଏବେ ପୁଣି ବୟାନ ଦେଇଛନ୍ତି ଟ୍ରମ୍ଫ୍। ସାଉଦି ଆରବରେ ଭାଷଣ ଦେବାବେଳେ ଲୋକଙ୍କୁ ଚମକାଇବା ପରି ଏକ ବୟାନ ଦେଇଛନ୍ତି ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ୍‌।

ସାଉଦି ଆରବରେ ଏକ ଭାଷଣ ସମୟରେ ନିଜକୁ ଶାନ୍ତି ସ୍ଥାପନକାରୀ ବୋଲି ବର୍ଣ୍ଣନା କରିଥିବା ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ୍ ପରାମର୍ଶ ଦେଇଛନ୍ତି ଯେ ପରମାଣୁ ଅସ୍ତ୍ରଶସ୍ତ୍ର ସମ୍ପନ୍ନ ପଡ଼ୋଶୀ ରାଷ୍ଟ୍ରଙ୍କ ମଧ୍ୟରେ ଉତ୍ତେଜନା କମ କରିବା ପାଇଁ ଭାରତ ଏବଂ ପାକିସ୍ତାନ “ଏକତ୍ର ଏକ ସୁନ୍ଦର ରାତ୍ରୀଭୋଜନ” କରିବା ଉଚିତ।

ସାଉଦି ଯୁବରାଜ ମହମ୍ମଦ ବିନ୍ ସଲମାନ, ଟେସଲା ସିଇଓ ଏଲୋନ୍ ମସ୍କ ଏବଂ ଆମେରିକାର ବୈଦେଶିକ ସଚିବ ମାର୍କୋ ରୁବିଓଙ୍କ ଉପସ୍ଥିତିରେ ଆମେରିକା-ସାଉଦି ନିବେଶ ଫୋରମକୁ ସମ୍ବୋଧିତ କରି ଟ୍ରମ୍ପ୍ ଏପରି ମନ୍ତବ୍ୟ ଦେଇଛନ୍ତି।

ଆହୁରି ମଧ୍ୟ ଦାବି କରିଛନ୍ତି ଯେ ତାଙ୍କ ପ୍ରଶାସନ ଭାରତ ଏବଂ ପାକିସ୍ତାନ ମଧ୍ୟରେ ଏକ ‘ସମ୍ଭାବ୍ୟ ପରମାଣୁ ଯୁଦ୍ଧ’ କୁ ଏଡାଇବା ସହ ଶାନ୍ତି ରକ୍ଷା କରିବା ପାଇଁ ମଧ୍ୟସ୍ଥତା କରିବାରେ ସାହାଯ୍ୟ କରିଛି। ଯୁଦ୍ଧ ହୋଇଥିଲେ ହୁଏତ ଲକ୍ଷ ଲକ୍ଷ ଲୋକଙ୍କ ମୃତ୍ୟୁ ଘଟିଥା‌ନ୍ତା। ମାତ୍ର ଆମେରିକା ତାହାକୁ ରୋକିଛି ବୋଲି ଟ୍ରମ୍ପ୍‌ ଦାବି କରିଛନ୍ତି।

ଭାରତ ପାକିସ୍ତାନ ଉତ୍ତେଜନା ପ୍ରଭାବ: ତୁର୍କୀ ସେଓ ଭାରତରେ ବାରଣ