ଖଚ, ମିଛ, କୁକର୍ମ କରି ଜଣେ ବଡ଼ ହେଇପାରେ; ହେଲେ ସତକର୍ମ ଆଉ ସଚ୍ଚୋଟପଣିଆ ନ ଥିଲେ କେହି କେବେ ମହାନ ହେଇପାରେନା।
ଆସନ୍ତୁ, କ୍ରିକେଟର ଈଶ୍ୱର ବୋଲି କଥିତ ସଚିନ ତେନ୍ଦୁଲକରଙ୍କ ଜୀବନର ଗୋଟିଏ ଘଟଣା ଜାଣିବା । ଗ୍ଲସେଷ୍ଟରସାୟାର ବିପକ୍ଷରେ ଭାରତ ଖେଳୁଥାଏ । ଇଆନ୍ ଗ୍ରେଗଙ୍କୁ ବୋଲିଂ କରୁଥାନ୍ତି ରବି ଶାସ୍ତ୍ରୀ । ଗ୍ରେଗ ଗୋଟିଏ ବଲକୁ ଡିପ୍ ମିଡ-ୱିକେଟ୍ ଉପର ଦେଇ ବାଉଣ୍ଡରିକୁ ଖେଳିଦେଲେ। ସଚିନ ଉପରକୁ ଅନେଇ ଦଉଡ଼ିଲେ ବଲଟିକୁ ଧରିବା ପାଇଁ। ବଲଟିକୁ ସେ ଧରିନେଲେ ସତ, ହେଲେ ସେତେବେଳକୁ ସେ ବାଉଣ୍ଡରି ଅତିକ୍ରମି ଯାଇଥାଏ । ଅର୍ଥାତ୍, ବଲଟି କ୍ୟାଚ୍ ନହୋଇ ଛକ୍କା ହୋଇସାରିଥାଏ। ତେବେ ସଚିନ ଚାହିଁଥିଲେ, ସେ ତାହାକୁ କ୍ୟାଚ୍ ବୋଲି ଘୋଷଣା କରିପାରିଥାନ୍ତେ। କାରଣ, ସେଠାରେ ତାଙ୍କ ବ୍ୟତୀତ ଆଉ କେହି ଜଣିଏ ବି ନଥିଲେ । ତେଣୁ ସେ ସତ କହୁଛନ୍ତି କି ମିଛ କହୁଛନ୍ତି ସେକଥା କାହାରି ଜାଣିବାର ଜୁ’ ନଥିଲା । ମାତ୍ର ସଚିନ ଉପରକୁ ଦୁଇହାତ ଉଠେଇ ଛକ୍କା ହୋଇଛି ବୋଲି ସୂଚନା ଦେଇଥିଲେ। ସମ୍ଭବତଃ, ଏହି ସଚ୍ଚୋଟପଣିଆ ପାଇଁ ବିଶ୍ୱ କିକେଟରେ ଅନେକ ଷ୍ଟାର ଖେଳାଳି ଥିବା ସତ୍ତ୍ୱେ ସଚିନ୍ ହେଉଛନ୍ତି ଜଣେ। ଆପଣ କଣ କରୁଛନ୍ତି କେହି ଦେଖିବା ବା ଜାଣିବା ଆବଶ୍ୟକ ନାହିଁ।

– ରାଜେନ୍ଦ୍ର