ହଷ୍ଟେଲକୁ ଯାଇଥିଲେ ରହି ପାଠ ପଢିବା ପାଇଁ । କିନ୍ତୁ ଏମିତି କଣ ହେଲା ଯେ ନାବାଳିକାଙ୍କୁ ଶେଷରେ ମାଆ ହେବାକୁ ପଡ଼ିଲା। ଏମିତି ଘଟଣା ଘଟିଛି ମାଲକାନଗିରି ଜିଲ୍ଲା ଚିତ୍ରକୋଣ୍ଡା ବ୍ଲକରେ।

ସ୍ଥାନୀୟ ଆବାସିକ ବିଦ୍ୟାଳୟରେ ରହି ଦଶମ ଶ୍ରେଣୀରେ ପାଠ ପଢୁଥିଲେ ନାବାଳିକା। ଏବେ ଦଶମ ଶ୍ରେଣୀ ପରୀକ୍ଷା ଚାଲିଛି। ଗତକାଲି ନାବାଳିକା ଛାତ୍ରୀ ଇଂରାଜୀ ପରୀକ୍ଷା ମଧ୍ୟ ଦେଇଥିଲେ। ପରୀକ୍ଷା ପରେ ଗର୍ଭ ଯନ୍ତ୍ରଣା ଅନୁଭବ କରିବାରୁ ତାଙ୍କୁ ଚିତ୍ରକୋଣ୍ଡା ମେଡ଼ିକାଲରେ ଭର୍ତ୍ତି କରାଯାଇଥିଲା। ମଙ୍ଗଳବାର ସେ ଏକ ପୁତ୍ର ସନ୍ତାନ ଜନ୍ମ ଦେଇଛନ୍ତି।
ଛାତ୍ରୀଙ୍କ ବାପାଙ୍କ କହିବା ଅନୁଯାୟୀ ସ୍କୁଲର ଜଣେ ଶିକ୍ଷୟିତ୍ରୀ ଫୋନ କରି ତାଙ୍କୁ ତୁରନ୍ତ ସ୍କୁଲକୁ ଆସିବାକୁ କହିଥିଲେ। ବାପା ଓ ମାଆ ସ୍କୁଲ ଯାଇ ଝିଅ ସମ୍ପର୍କରେ ପଚାରିବାରୁ ତାଙ୍କ ଝିଅ ମାଆ ହୋଇଥିବା କହିଥିଲେ। ଏହି କଥା ଶୁଣି ବାପା ଓ ପରିବାର ଲୋକେ ମେଡ଼ିକାଲ ଆସି ଝିଅକୁ ଦେଖିଥିଲେ। ବାପାଙ୍କ କହିବା ଅନୁଯାୟୀ ଝିଅ ହଷ୍ଟେଲରେ ରହି ପାଠ ପଢୁଥିଲା। ଝିଅ ସହ ପରୀକ୍ଷା ପୂର୍ବରୁ କଥା ମଧ୍ୟ ସେ ହୋଇଥିଲି। ସେଭଳି କୌଣସି ଝିଅ କହି ନ ଥିଲା କି ପରିବାର ଲୋକେ ଜାଣିପାରି ନ ଥିଲି ବୋଲି ଛାତ୍ରୀଙ୍କ ବାପା କହିଛନ୍ତି। ତେବେ ଝିଅ କିପରି ଗର୍ବବତୀ ହେଲା ସେ କିଛି ଜାଣି ନଥିବା ବେଳେ ଏହାର ପ୍ରଶାସନ ତଦନ୍ତ କରିବାକୁ ପରିବାର ଲୋକେ ଦାବି କରିଛନ୍ତି।
ତେବେ ହଷ୍ଟେଲରେ ରହୁଥିବା ଛାତ୍ରୀ ଗର୍ଭବତୀ ହେବା କଥା ସ୍କୁଲ କର୍ତ୍ତୃପକ୍ଷ କିପରି ଜାଣିପାରି ନ ଥିଲେ ବୋଲି ପ୍ରଶ୍ନବାଚୀ ସୃଷ୍ଟି କରିଛି।