ଜଣେ ମହିଳାଙ୍କ ମୃତ୍ୟୁର କାରଣ ନେଇ ପୋଲିସ ପ୍ରଶାସନ ଓ ଆଇନ ଦରବାର ଯାଏଁ ସମସ୍ତେ ଚିନ୍ତାରେ ଥିବା ବେଳେ ୪ ବର୍ଷର ଝିଅ କିନ୍ତୁ ଖୋଲି ଦେଇଛି ମୃତ୍ୟୁର ରହସ୍ୟ। କଥା କହି ପରୁ ନଥିଲେ ମଧ୍ୟ ଚିତ୍ର ମାଧ୍ୟମରେ ସେ ପ୍ରକାଶ କରିଛି ମାଆଙ୍କ ମୃତ୍ୟୁର ପୂରା ରହସ୍ୟ। ଏଭଳି ଘଟଣା ଦେଖିବାକୁ ମିଳିଛି ଉତ୍ତର ପ୍ରଦେଶର ଝାନସିରେ।
କୋଟୱାଲି ଏକ ଶିବ ମନ୍ଦିର ନିକଟରେ ରହୁଥିବା ଏକ ଘରୁ ଜଣେ ମହିଳାଙ୍କ ମୃତଦେହ ଉଦ୍ଧାର କରାଯାଇଥିଲା। ମୃତକ ହେଲେ ଉତ୍ତର ପ୍ରଦେଶ ଲକ୍ଷ୍ନୌ ରେ ରହୁଥିବା ଜଣେ ମେଡ଼ିସିନ ରିପ୍ରେଜେଣ୍ଟେଟିଭ ସନ୍ଦୀପ ବୁଧୋଲିଆଙ୍କ ପତ୍ନୀ ସୋନାଲି। ସୋନାଲିଙ୍କ ମୃତ୍ୟୁର କାରଣ ହତ୍ୟା ନା ଆତ୍ମାହତ୍ୟା ତାକୁ ନେଇ ପୁଲିସ ଦ୍ୱନ୍ଦ୍ୱରେ ଥିଲା। ବାପା କିଭଳି ମାଆଙ୍କ ମୁଣ୍ଡଙ୍କୁ ପଥରରେ ଛେଚି ହତ୍ୟା କଲେ ସବୁକିଛି ଚିତ୍ରରେ ବଖାଣିଛି ଚାରି ବର୍ଷର ଝିଅ। ଛୋଟ ଝିଅର ଚିତ୍ର ମାଧ୍ୟମରେ ବୟାନକୁ ଆଧାର କରି ପୁଲିସ ତଦନ୍ତ କରୁଛି।
ପ୍ରକାଶ ଥାଉ କି ବିବାହ ସମୟରେ ଝିଅକୁ ୨୦ ଲକ୍ଷ ଟଙ୍କା ଯୌତୁକ ଦାବି କରିଥିଲେ ସୋନାଲିଙ୍କ ସ୍ବାମୀ। ଏମିତିକି ଝିଅ ଜନ୍ମହେବା ପରେ ପତ୍ନୀଙ୍କୁ ସ୍ଵାମୀ ସନ୍ଦୀପ ଏକୁଟିଆ ମେଡିକାଲରେ ଛାଡ଼ି ଆସିଥିବା ନେଇ ଥାନାରେ ଅଭିଯୋଗ କରିଛନ୍ତି ସୋନାଲିଙ୍କ ବାପ ଘର ଲୋକେ।