ବାରମ୍ବାର ସିବିଆଇ ଚଢ଼ଉ କରୁଥିବା ନେଇ ଚାକିରିରୁ ଇସ୍ତଫା ଦେଇଛନ୍ତି ବିଷ୍ଣୁପଦ। ନିଜ ଇସ୍ତଫା ଦେବାକୁ ଚାହୁଁଥିବା ମୁଖ୍ୟ ଶାସନ ସଚିବଙ୍କୁ ନିକଟକୁ ଚିଠି ଲେଖି ଜଣାଇଛନ୍ତି। ତେବେ ଏ ନେଇ ସାଧାରଣ ପ୍ରଶାସନ ବିଭାଗ ପକ୍ଷରୁ ସ୍ପଷ୍ଟ କରାଯାଇ ନାହିଁ।
ଆଜି ସକାଳେ ସିବିଆଇ ଟିମ୍ ବିଷ୍ଣୁପଦଙ୍କ ସରକାରୀ ବାସଭବନ ସମେତ ପୈତୃକ ଗ୍ରାମ ବାଲେଶ୍ଵର ରେମୁଣା ବାସଭବନରେ ଚଢ଼ଉ କରିଥିଲା। ଯାହାକୁ ନେଇ ପ୍ରଥମଥର ମୁହଁ ଖୋଲିଥିଲେ ବିଷ୍ଣୁପଦ। ଗଣମାଧ୍ୟମ ଆଗରେ ବିଷ୍ଣୁପଦ କହିଥିଲେ ଯେ, ତାଙ୍କ ନାଁ ରେ କୌଣସି ଏଫଆଇଆର ନ ଥିଲେ ମଧ୍ୟ ତାଙ୍କ ଘରେ ସିବିଆଇ ଚଢ଼ଉ କରୁଛି। ସ୍ଥାନୀୟ ପୁଲିସ ବିନା କୌଣସି ମହିଳା କର୍ମଚାରୀ ନ ଆଣି ସିବିଆଇ ଚଢ଼ଉ କରୁଥିବା ବିଷ୍ଣୁପଦ ଅଭିଯୋଗ କରିଥିଲେ। ଏହା ପଛରେ ଷଡଯନ୍ତ୍ର ଥିବା ସେ ଅନୁମାନ କରୁଛନ୍ତି। ସେ ଦଳିତ ହୋଇଥିବାରୁ ତାଙ୍କୁ ଅସୁବିଧାର ସମ୍ମୁଖୀନ ହେବାକୁ ପଡୁଛି। ତାଙ୍କ ଜୀବନ ପ୍ରତି ବିପଦ ଥିବା ସେ କହିଛନ୍ତି। ଏମିତି କି ଟାର୍ଗେଟ କରାଯାଉ ଥିବାରୁ ସେ ଚାକିରି ଛାଡ଼ିବାକୁ ଚାହୁଁଛନ୍ତି ବୋଲି ଇସ୍ତଫାପତ୍ରରେ ଉଲ୍ଲେଖ କରିଛନ୍ତି। ଅପରପକ୍ଷେ ବିଷ୍ଣୁପଦଙ୍କ ସ୍ତ୍ରୀ ମଧ୍ୟ କହିଛନ୍ତି ଯେ କଲେଜକୁ ଯାଇ ତାଙ୍କ ଝିଅକୁ ହଇରାଣ କରାଯାଉଛି।