ଉତ୍କଳ ପ୍ରଦେଶ କଂଗ୍ରେସ ସଭାପତି ଭାବେ ୧୯୨୦ରୁ ୧୯୨୮ ପର୍ଯ୍ୟନ୍ତ ଗୋପବନ୍ଧୁ ଦାସ ଥିବା ବେଳେ ୧୯୩୦ରୁ ୧୯୩୧ ପର୍ଯ୍ୟନ୍ତ ମାତ୍ର ବର୍ଷକ ପାଇଁ ହରେକୃଷ୍ଣ ମହତାବ ପ୍ରଦେଶ କଂଗ୍ରେସ ସଭାପତି ଭାବେ କାର୍ଯ୍ୟଭାର ତୁଲାଇଥିଲେ।
୧୯୩୪ରୁ ୧୯୩୯ ପର୍ଯ୍ୟନ୍ତ ନୀଳକଣ୍ଠ ଦାସ ପ୍ରଦେଶ କଂଗ୍ରେସ କମିଟି ସଭାପତି ଭାବେ ରହିଥିଲେ। ପରେ ୧୯୫୩ରୁ ୧୯୫୪ ପର୍ଯ୍ୟନ୍ତ ବନମାଳୀ ପଟ୍ଟନାୟକ ପିସିସି ସଭାପତି ଭାବେ ରହିଥିବା ବେଳେ ୧୯୬୭ରୁ ୧୯୭୦ ପର୍ଯ୍ୟନ୍ତ ପିସିସି ସଭାପତି ରହିଥିଲେ ନୀଳମଣି ରାଉତରାୟ। ୧୯୮୪ରୁ ୧୯୮୮ ପର୍ଯ୍ୟନ୍ତ ନିତ୍ୟାନନ୍ଦ ମିଶ୍ର ପିସିସି ସଭାପତି ରହିଥିବା ବେଳେ ୧୯୯୦ରୁ ୧୯୯୨ ମସିହା ପର୍ଯ୍ୟନ୍ତ ଗିରିଧର ଗମାଙ୍ଗଙ୍କ ହାତରେ ଥିଲା ପିସିସି ଦାୟିତ୍ବ।
ପରବର୍ତ୍ତୀ ସମୟରେ ୨୦୦୦ରୁ ୨୦୦୪ ପର୍ଯ୍ୟନ୍ତ ଜାନକୀ ବଲ୍ଲଭ ପଟ୍ଟନାୟକ ପିସିସି ସଭାପତି ଭାବେ ଦାୟିତ୍ୱ ସମ୍ଭାଳିଥିଲେ। ୨୦୦୪ ଜୁନ୍ ୨୬ରୁ ୨୦୦୯ ଜାନୁୟାରୀ ୨୮ ପର୍ଯ୍ୟନ୍ତ ଜୟଦେବ ଜେନା ପିସିସି ସଭାପତି ରହିଥିଲେ।
ଜୟଦେବଙ୍କ ପରେ କାମାକ୍ଷ ପ୍ରସାଦ ସିଂହଦେଓ ୨୦୧୧ ଜୁନ୍ ୭ ତାରିଖ ପର୍ଯ୍ୟନ୍ତ ପିସିସି ସଭାପତି ରହିଥିଲେ। ନିରଞ୍ଜନ ପଟ୍ଟନାୟକ ୨୦୧୩ ମେ ୧୩ ପର୍ଯ୍ୟନ୍ତ ଏହି ପଦରେ ରହିଥିଲେ।
ନିରଞ୍ଜନ ପଟ୍ଟନାୟକଙ୍କ ପରେ ଜୟଦେବ ଜେନା ଦ୍ୱିତୀୟଥର ପାଇଁ ପୁଣି ରାଜ୍ୟ କଂଗ୍ରେସର ମୁଖ୍ୟ ପଦକୁ ଫେରିଥିଲେ। ସେ ୨୦୧୩ ମେ ୧୩ରୁ ୨୦୧୪ ଡିସେମ୍ବର ୧୪ ପର୍ଯ୍ୟନ୍ତ ପିସିସି ସଭାପତି ରହିଥିଲେ। ତାଙ୍କ ପରେ ୨୦୧୮ ଏପ୍ରିଲ ୧୯ ପର୍ଯ୍ୟନ୍ତ ପ୍ରସାଦ ହରିଚନ୍ଦନ କଂଗ୍ରେସର ରାଜ୍ୟ ମୁଖିଆ ସିରିପା ପିନ୍ଧିଥିଲେ।
ପ୍ରସାଦଙ୍କ ପରେ ପୁଣିଥରେ ନିରଞ୍ଜନ ପଟ୍ଟନାୟକ ପିସିସି ସଭାପତି ଭାବେ ମନୋନିତ ହୋଇ ୨୦୨୨ ମେ ୨୩ ପର୍ଯ୍ୟନ୍ତ ଏହି ପଦରେ ରହିଥିଲେ। ୨୦୨୩ ମେ ୨୩ରେ ଶରତ ପଟ୍ଟନାୟକ ଦ୍ୱିତୀୟ ଥର ପାଇଁ ୨୦୨୫ ଫେବୃଆରୀ ୧୧ ପର୍ଯ୍ୟନ୍ତ ପିସିସି ସଭାପତି ଭାବେ ରହିଥିଲେ। ଶରତ ପଟ୍ଟନାୟକଙ୍କ ପରେ ମଙ୍ଗଳବାର ଭକ୍ତ ଚରଣ ଦାସଙ୍କୁ ପ୍ରଥମଥର ପାଇଁ ଏହି ପଦ ମିଳିଛି।
