ଦୀର୍ଘଦିନ ଧରି ବଢ଼ି ଚାଲିଥିବା ପେଟ୍ରୋଲ ଡିଜେଲ୍‌ ଦର ବୃଦ୍ଧି ଘଟି ଚାଲିଥିବା ବେଳେ ଏବେ ତୈଳ ଦର ହ୍ରାସ ନେଇ ମନ୍ତ୍ରୀ ହରଦୀପ ସିଂହ ପୁରୀ ସୂଚନା ଦେଇଛନ୍ତି। ସେ କହିଛନ୍ତି ଯେ, ଯଦି ଅନ୍ତର୍ଜାତୀୟ ବଜାରରେ ଅଶୋଧିତ ତୈଳର ବ୍ୟାରେଲ୍‌ ପିଛା ଦାମ୍‌ ବହୁଦିନ ପର୍ଯ୍ୟନ୍ତ ୬୫ ଡଲାର ପାଖାପାଖି ସ୍ତରରେ ରହିବ। ତେବେ ଭାରତରେ ତେଲ ଦର କମିବାର ସମ୍ଭାବନା ରହିଛି। ଆସନ୍ତା ଦୁଇରୁ ୩ ମାସରେ ତେଲ ଦର ହ୍ରାସ ପାଇବାର ସମ୍ଭାବନା ଦେଖାଇଛନ୍ତି ମନ୍ତ୍ରୀ।

ତୈଳ ଦର ହ୍ରାସ ଏବଂ ବୃଦ୍ଧି ସ୍ଥିତି ଉପରେ ନିର୍ଭର କରେ। ଯଦି ଅନ୍ତର୍ଜାତୀୟ ସ୍ତରରେ ଅଶୋଧିତ ଦୈଳ ଦରକୁ କେନ୍ଦ୍ର କରି ସଂକଟ ଦେଖାଦିଏ ତେବେ ସ୍ଥିତି ବଦଳିପାରେ। ଯେଉଁ ତେଲ ଦର ଏବେ ୬୫ ଡଲାର ପାଖାପାଖି ରହିଛି, ତାହାର ମୂଲ୍ୟ ୧୫୦ ଡଲାର ବି ହୋଇଯାଇପାରିବେ। ୬୫ ଡଲାର ସ୍ତରରେ ତେଲ ଥିବାରୁ ତେଲ କମ୍ପାନିଗୁଡିକ ଲାଭ କରୁଛନ୍ତି।

ଏଭଳି ପରିସ୍ଥିତିରେ ସରକାର ପେଟ୍ରୋଲ୍‌ ଓ ଡିଜେଲ୍‌ ଦାମ୍‌ କମ୍‌ କରି ଗ୍ରାହକଙ୍କୁ ଆବଶ୍ୟକ ଆଶ୍ୱସ୍ତି ଦେଇପାରିବେ ବୋଲି ମନ୍ତ୍ରୀ ସୂଚନା ଦେଇଛନ୍ତି। ରେଟିଂ ଏଜେନ୍ସି ସୂଚନା ଅନୁସାରେ ତେଲ କମ୍ପାନିଗୁଡିକ ଏବେ ପେଟ୍ରୋଲ୍‌ ଲିଟର ପିଛା ୧୨-୧୫ ଟଙ୍କା ଏବଂ ଡିଜେଲ୍‌ ଉପରେ ୬ ଟଙ୍କା ୧୨ ପଇସା ଲାଭ କରୁଛନ୍ତି।

ଏହା ସତ୍ତ୍ୱେ ଏକ ବର୍ଷରୁ ଅଧିକ ସମୟ ଧରି କମ୍ପାନିଗୁଡିକ ପେଟ୍ରୋଲ୍‌ ଓ ଡିଜେଲ୍‌ ଦାମ୍‌ରେ କୌଣସି ପରିବର୍ତ୍ତନ କରିନାହାନ୍ତି। କିଛି ମାସ ପୂର୍ବ ଦରହ୍ରାସର ସୁଯୋଗ ସୃଷ୍ଟି ହୋଇଥିଲା। କିନ୍ତୁ କେନ୍ଦ୍ର ସରକାର ଲିଟର ପିଛା ୨ ଟଙ୍କାର ଉତ୍ପାଦନ ଶୁଳ୍କ ବଢ଼ାଇଦେବା ପରେ ଦୈଳ ଦର ହ୍ରାସ ପାଇପାରି ନ ଥିଲା।

ପୂର୍ବରୁ ତେଲ କମ୍ପାନିଗୁଡିକ ପ୍ରତିଦିନ ତେଲ ଦରରେ ସଂଶୋଧନ କରୁଥିଲେ। ହଠାତ୍‌ ସେହି ପ୍ରକ୍ରିୟାକୁ ବନ୍ଦ କରିଦିଆଯାଇଛି। ଏନେଇ କୌଣସି ଘୋଷଣା ମଧ୍ୟ କରାଯାଇନାହିଁ। ତେଲ କମ୍ପାନିଗୁଡିକ ଅଶୋଧିତ ତୈଳର ବ୍ୟାରେଲ୍‌ ପିଛା ଦର ଏବଂ ଆମେରିକୀୟ ଡଲାର ତୁଳନାରେ ଟଙ୍କା ମୂଲ୍ୟ ବିଚାରକୁ ନେଇ ତେଲ ଦର ସଂଶୋଧନ କରୁଥିଲେ। ବର୍ତ୍ତମାନ ଦେଶର ଅଧିକାଂଶ ରାଜ୍ୟରେ ପେଟ୍ରୋଲ୍‌ ଲିଟର ପିଛା ଦାମ୍‌ ୧୦୦ ଟଙ୍କା ପାଖାପାଖି ରହିଥିବା ବେଳେ ଡିଜେଲ୍‌ ଦାମ୍‌ ୯୦ ଟଙ୍କା ଉପରେ ରହିଛି।

ଖସିବ ସୁନାଦର; ବଢ଼ିବ ରୁପାଦର

।