ପହଲଗାମ ଆକ୍ରମଣର ଗୋଟାଏ ସପ୍ତାହ ପରେ ଜମ୍ମୁ-କଶ୍ମୀରର ୪୮ଟି ପର୍ଯ୍ୟଟନ ସ୍ଥଳ ଅନିର୍ଦ୍ଦିଷ୍ଟ କାଳ ପାଇଁ ବନ୍ଦ କରି ଦିଆଯାଇଛି। ପହଲଗାମର ବୈସରନଠାରେ ହୋଇଥିବା ଆତଙ୍କବାଦୀ ଆକ୍ରମଣରେ ୨୬ ଜଣ ସ୍ଥାନୀୟ ଲୋକ ଓ ପର୍ଯ୍ୟଟକଙ୍କ ମୃତ୍ୟୁ ଘଟିବା ପରେ ଏହି କାର୍ଯ୍ୟାନୁଷ୍ଠାନ ଗ୍ରହଣ କରାଯାଇଥିବା ଜଣାପଡ଼ିଛି।

ସେହିଭଳି କେନ୍ଦ୍ର ଶାସିତ ଅଞ୍ଚଳରେ ଅତି କମରେ ୪୮ଟି ରିସର୍ଟକୁ ମଧ୍ୟ ବନ୍ଦ କରାଯାଇଛି। ବନ୍ଦ ପର୍ଯ୍ୟଟନ ସ୍ଥଳଗୁଡ଼ିକ ମଧ୍ୟରେ ବଡ଼ଗାମର ଦୁଧପତ୍ରି ଏବଂ ଅନନ୍ତନାଗର ଭେରିନାଗ ଭଳି ଅନେକ ପର୍ଯ୍ୟଟନ ସ୍ଥଳ ରହିଛି।

ହତ୍ୟାକାଣ୍ଡ ପରେ ଭୟଭୀତ ହୋଇ ପର୍ଯ୍ୟଟକମାନେ କେନ୍ଦ୍ର ଶାସିତ ଅଞ୍ଚଳ ଛାଡି ଚାଲି ଯାଉଛନ୍ତି। ଅନେକ ପର୍ଯ୍ୟଟକ ସେମାନଙ୍କର ଆଗାମୀ ପର୍ଯ୍ୟଟନ ବାତିଲ କରିଛନ୍ତି।
ମାତ୍ର ଗୋଟିଏ ସପ୍ତାହ ପୂର୍ବରୁ, ପହଲଗାମ ସହରରେ ପର୍ଯ୍ୟଟକଙ୍କ ପାଇଁ ବେଶ ଚଳଚଞ୍ଚଳ ଥିଲା।

ପ୍ରକାଶ ଥାଉ କି ଆଯକୁ ଠିକ୍ ୮ ଦିନ ତଳେ ଅର୍ଥାତ୍ ଗତ ମଙ୍ଗଳବାର ଆତଙ୍କବାଦୀ ଆକ୍ରମଣରେ ୨୬ ଜଣ ପର୍ଯ୍ୟଟକଙ୍କ ମୃତ୍ୟୁ ପରେ ଏବେ ପର୍ଯ୍ୟଟକଙ୍କ ସଂଖ୍ୟାରେ ଯଥେଷ୍ଟ ହ୍ରାସ ଘଟିଛି।

ସ୍ଥାନୀୟ ଲୋକଙ୍କ କହିବାନୁଯାୟୀ ପର୍ଯ୍ୟଟନ ହ୍ରାସ ସେମାନଙ୍କ ଆୟ ଏବଂ ଜୀବିକାର ଉତ୍ସ ଉପରେ ଏକ ବଡ଼ ପ୍ରଭାବ ପକାଇବ। ସେମାନେ ଆତଙ୍କୀ ଆକ୍ରମଣକୁ ନିନ୍ଦା କରି ପ୍ରତିବାଦ ମଧ୍ୟ କରିଛନ୍ତି, ପୀଡିତଙ୍କ ସହିତ ଏକତା ଜାହିର କରିଛନ୍ତି।

ଅପରପକ୍ଷେ ଆତଙ୍କବାଦ ବିରୁଦ୍ଧରେ ନିର୍ଣ୍ଣାୟକ କାର୍ଯ୍ୟାନୁଷ୍ଠାନ ପାଇଁ ଆହ୍ୱାନ ଦେଇ ମୁଖ୍ୟମନ୍ତ୍ରୀ ଓମାର ଅବଦୁଲ୍ଲା କହିଛନ୍ତି ଯେ କାଶ୍ମୀରର ଲୋକମାନେ ନିର୍ଦ୍ଦୋଷ ଲୋକଙ୍କ ହତ୍ୟା ବିରୋଧରେ ଖୋଲାଖୋଲି ଭାବରେ ବାହାରିଛନ୍ତି ଏବଂ ଲୋକଙ୍କୁ ବିଚ୍ଛିନ୍ନ କରୁଥିବା ଯେକୌଣସି ଭୁଲ କାର୍ଯ୍ୟକୁ ଏଡାଇବା ଉଚିତ।

ପାକିସ୍ତାନର ଝିଅ ଭାରତର ବୋହୂ