ପ୍ରକାଶ ଥାଉ କି ପୂର୍ବ ସାଧାରଣ ନିର୍ବାଚନରେ କଂଗ୍ରେସ ୯ ଟି ବିଧାନସଭା ଆସନରେ ବିଜୟ ହୋଇଥିଲା। ଯଦିବା ବିରୋଧୀ ଦଳ ଆସନ ହରାଇଥିଲା ସେତେବେଳେ କଂଗ୍ରେସର ନବଗ୍ରହ ସ୍ଲୋଗାନ ବେଶ ରୋଚକପୂର୍ଣ୍ଣ ଥିଲା। ଯାହା ଦଳୀୟ କର୍ମୀଙ୍କ ମନୋବଳକୁ ମଜ୍‌ବୁତ୍‌ କରିଥିଲା।  କିନ୍ତୁ ଗତ ୨୦୨୪ ନିର୍ବାଚନରେ କଂଗ୍ରେସର ଆସନ ସଂଖ୍ୟା ୧୪କୁ ବୃଦ୍ଧି ପାଇଥିଲା। କଂଗ୍ରେସ ଏହି କ୍ଷେତ୍ରରେ ଆଗୁଆ ରହି ଗୋଟିଏ ପଏଣ୍ଟ ନେଇଥିଲା। ପ୍ରମାଣିତ କରିଛି ଯେ, ଦଳ ଏବେ ଏକ ଭଲ ସ୍ଥିତିରେ ଅଛି।

ଏପରିସ୍ଥରେ ବିଜେପି କ୍ଷମତାକୁ ଆସିବା ପରେ ରାଜନୈତିକ କ୍ରୀଡ଼ା ମୈଦାନରେ ଗୋଟିଏ ଗୋଲ ହାସଲ କରିଥିଲା। କିନ୍ତୁ ନିର୍ବାଚନ ପରବର୍ତ୍ତୀ ସମୟରେ କଂଗ୍ରେସ ତାର ରାଜନୈତିକ ରଣକୌଶଳକୁ ଜୋର୍‌ଦାର କରିଛି। ୧୪ ବର୍ଷ ପରେ କଂଗ୍ରେସ ଭୁବନେଶ୍ୱରରେ ଏକ ବଡ଼ ସମାବେଶ କରି ନିଜର ଦବ୍‌ଦବା ଜାହିର କରିଛି। ପୁଣି ଥରେ କ୍ଷମତାକୁ ଆସିବା ପାଇଁ କଂଗ୍ରେସ ତା’ର ପ୍ରୟାସ ଜାରି ରଖିଛି। ଆଗକୁ ପଞ୍ଚାୟତ ନିର୍ବାଚନ ଥିବାରୁ କଂଗ୍ରେସ ଯଦି ଏହି ଧାରାକୁ ଜାରି ରଖେ ହୁଏ ତ ଭଲ ଫଳ ପାଇପାରେ। ପ୍ରକାରାନ୍ତେ ଏହା ଆସନ୍ତା ୨୦୨୯ ନିର୍ବାଚନରେ ବେଶ ପ୍ରଭାବ ପକାଇବ ବୋଲି କୁହାଯାଉଛି।