ବିସିସିଆଇ ବଲରେ ଲାଳ ମାରିବା ଉପରେ ଲଗାଇଥିବା ବ୍ୟାନକୁ ନିକଟରେ ସଂପୂର୍ଣ୍ଣ ଭାବେ ହଟାଇ ଦେଇଛି। ଏହାର ଅର୍ଥ ଆଇପିଏଲ ସମୟରେ ଖେଳାଳିମାନେ କରୋନା ପୂର୍ବରୁ ଯେଉଁଭଳି ବଲକୁ ସାଇନ କରିବା ପାଇଁ ଲାଳର ବ୍ୟବହାର କରୁଥିଲେ ଏବେ ସେମିତି କରିପାରିବେ ବୋଲି କହିଛି।
ମହାମାରୀ କୋଭିଡ ସମୟରେ ବଲ୍ରେ ଲାଳ ଲଗାଇବା ଉପରେ କଟକଣା ଲଗାଇଥିଲା ବିସିସିଆଇ। କିନ୍ତୁ ଏବେ ଖେଳାଳିମାନେ ଚାହିଁଲେ ଏଣିକି ବଲରେ ଲାଳ ଲଗାଇପାରିବେ। ପ୍ରଥମଥର ପାଇଁ କ୍ରିକେଟର କୌଣସି ଗୋଟିଏ ବଡ ଟୁର୍ଣ୍ଣାମେଣ୍ଟରେ ପୁଣିଥରେ ବଲରେ ଲାଳ ମାରିବାକୁ ଅନୁମତି ଦେଇଛି ବିସିସିଆଇ। ଆଇପିଏଲର ୧୮ତମ ସଂସ୍କରଣ ଆରମ୍ଭ ହେବା ପୂର୍ବରୁ ଏହି ଘୋଷଣା କରାଯାଇଛି। ଏହାପୂର୍ବରୁ ମୁମ୍ବାଇରେ କ୍ୟାପ୍ଟେନ୍ସ ମିଟିଂ ବସିଥିଲା। ଏହି ବୈଠକରେ ବଲରେ କୋଭିଡ ପୂର୍ବରୁ ଯେମିତି ଲାଳ ମରା ଯାଉଥିଲା, ସେମିତି କରିବାକୁ ନିଷ୍ପତ୍ତି ହୋଇଛି।
ବିସିସିଆଇ ଜଣେ ଅଧିକାରୀ ସୂଚନା ଦେଇ କହିଛନ୍ତି ଯେ, ଏହି ନିଷ୍ପତ୍ତିକୁ ଅଧିକାଂଶ କ୍ୟାପ୍ଟେନ ସପକ୍ଷରେ ମତ ରଖିଛନ୍ତି। କିଛି କ୍ୟାପ୍ଟେନ ସାଲାଇବା ବ୍ୟବହାରକୁ ପୁଣି କାର୍ଯ୍ୟକାରୀ କରିବା ଉପରେ କୌଣସି ପ୍ରକାରର ମତ ରଖି ନ ଥିଲେ। ସେମାନେ ନୀରବ ରହିଥିବା ବେଳେ ଅଧିକାଂଶ କ୍ୟାପ୍ଟେନ ଲାଳ ମାରିବା ପ୍ରସ୍ତାବକୁ ସମର୍ଥନ କରିଥିଲେ। ଏଭଳି ପରିସ୍ଥିତିରେ ବିସିସିଆଇ କଟକଣାକୁ ହଟାଇ ଦେଇଛି।
ଆଇସିସି ଚାମ୍ପିୟନ୍ସ ଟ୍ରଫି ବେଳେ ଭାରତୀୟ ଟିମର ବରିଷ୍ଠ ଦ୍ରୁତ ବୋଲର ମହମ୍ମଦ ଶାମି ବଲରେ ଲାଳର ବ୍ୟବହାର ସପକ୍ଷରେ ମତ ରଖିଥିଲେ। ଭେଟରାନ କ୍ରିକେଟର ଭେରନନ ଫିଲାଣ୍ଡର ଓ ଟିମ ସାଉଦି ମଧ୍ୟ ଶାମିଙ୍କ କଥାରେ ଏକମତ ହୋଇଥିଲେ।
ଆଇସିସି ଚାମ୍ପିୟନ୍ସ ଟ୍ରଫି ବେଳେ ଭାରତୀୟ ଟିମର ବରିଷ୍ଠ ଦ୍ରୁତ ବୋଲର ମହମ୍ମଦ ଶାମି ବଲରେ ଲାଳର ବ୍ୟବହାର ସପକ୍ଷରେ ମତ ରଖିଥିଲେ। ଭେଟରାନ କ୍ରିକେଟର ଭେରନନ ଫିଲାଣ୍ଡର ଓ ଟିମ ସାଉଦି ମଧ୍ୟ ଶାମିଙ୍କ କଥାରେ ଏକମତ ହୋଇଥିଲେ।
