ଗତବର୍ଷ ଦେଶରେ ସୁନାର ଚାହିଦା ୯ ବର୍ଷର ସର୍ବୋଚ୍ଚ ସ୍ତରରେ ପହଞ୍ଚିଥିବା ବେଳେ ଚଳିତ ବର୍ଷ ହିଁ ସୁନାର ଚାହିଦା ହ୍ରାସ ନେଇ ସୂଚନା ଦେଇଛି ବିଶ୍ଵ ସୁନା ପରିଷଦ।
୨୦୨୫ ଆରମ୍ଭରୁ ସୁନା ଦର ଅମୂଲମୂଲ ହୋଇପଡ଼ିଛି। ୧୦ ଗ୍ରାମ୍ର ୨୨ କ୍ୟାରେଟ୍ ସୁନା ମୂଲ୍ୟ ୮୦ ହଜାର ପାର୍ କରିଛି। ଅପରପକ୍ଷେ ଏହି ମୂଲ୍ୟବାନ ଧାତବ ପଦାର୍ଥର ଦାମ୍ ଚାହିଦା ଆଗାମୀ ଦିନରେ ଭାରତରେ ସୁନା ଚାହିଦା ହ୍ରାସ ପାଇବ ବୋଲି ଆକଳନ କରିଛି ବିଶ୍ୱ ସୁନା ପରିଷଦ। ପରିଷଦ ପକ୍ଷରୁ ସ୍ପଷ୍ଟ କରାଯାଇଛି ଯେ ସୁନା ଗହଣାର ଚାହିଦା କମିଲେ ମଧ୍ୟ ନିବେଶ ଉଦ୍ଦେଶ୍ୟରେ ସୁନା ଚାହିଦା ବୃଦ୍ଧି ପାଇବ। ବିଶ୍ୱ ସୁନା ପରିଷଦର ସିଇଓ ସଚିନ ଜୈନ କହିଛନ୍ତି, ୨୦୨୪ରେ ଦେଶରେ ସୁନା ଚାହିଦା ୮୦୨.୮ ଟନ୍ ଥିଲା। ୨୦୨୫ରେ ତାହା ୭୦୦ କିମ୍ବା ୮୦୦ ଟନ୍କୁ ହ୍ରାସ ପାଇବ। ସେ ଆହୁରି କହିଛନ୍ତି ଯେ, ପାରମ୍ପରିକ ଭାବେ ଯେତବେଳେ ଦେଶରେ ସୁନା ମହଙ୍ଗା ହୁଏ, ତାହା ପ୍ରଥମେ ଗହଣା କିଣୁଥିବା ଗ୍ରାହକଙ୍କୁ ପ୍ରଭାବିତ କରେ। ଯଦି ଚଳିତ ବର୍ଷ ସୁନା ଦାମ୍ ବଢ଼ିବ ତେବେ ଗହଣା ଚାହିଦା ପ୍ରଭାବିତ ହେବା ଆଶଙ୍କା ରହିଛି ବୋଲି ସେ କହିଛନ୍ତି। ଲୋକେ ଏକ ନିର୍ଦ୍ଧିଷ୍ଟ ବଜେଟ୍ ଭିତରେ ସୁନା କିଣିଥାନ୍ତି। କିନ୍ତୁ ଯେଉଁମାନେ ସୁନାରେ ନିବେଶ କରୁଛନ୍ତି ସେମାନେ ଜବରଦସ୍ତ ଲାଭ ପାଇବେ ବୋଲି ସେ ଜଣାଇଛନ୍ତି। ଭାରତରେ ବିକ୍ରି ହେଉଥିବା ସୁନା ମଧ୍ୟରୁ ୭୦ ପ୍ରତିଶତ ହେଉଛି ଅଳଙ୍କାର। ନିବେଶ ଉଦ୍ଦେଶ୍ୟରେ ବିକ୍ରି ହେଉଥିବା ସୁନାର ଭାଗ ୩୦ ପ୍ରତିଶତ ରହିଛି।
