ବାରବାଟୀରେ ଚାଲିଥିବା ଭାରତ – ଇଂଲଣ୍ଡ ମଧ୍ୟରେ ଚାଲିଥିବା ଦ୍ଵିତୀୟ ଦିନିକିଆ ମ୍ୟାଚରେ ଭାରତ ୪ ୱିକେଟରେ ବିଜୟ ଲାଭ କରିଛି। ରୋହିତ ଶର୍ମାଙ୍କ ବଡ଼ ରନ୍ ଓ ଜାଡେଜାଙ୍କ ଦମଦାର ବୋଲିଂ ପାଇଁ ଭାରତ ବିଜୟ ହାସଲ କରିପାରିଲା।

ଟଚ୍ ଜିତି ପ୍ରଥମେ ଇଂଲଣ୍ଡ ଦଳ ବ୍ୟାଟିଂ କରିଥିଲେ। ଇଂଲଣ୍ଡ ଦଳ ସମସ୍ତ ୱିକେଟ ହରାଇ ମୋଟ ୩୦୪ ରନ କରିଥିଲେ। ପ୍ରତି ଜବାବରେ ଭାରତୀୟ ଖେଳାଳି ୪୪.୩ ଓଭରରେ ୬ ୱିକେଟ ହରାଇ ୩୦୮ ରନ୍ କରିବାରେ ସଫଳ ହୋଇଥିଲେ। ଇଂଲଣ୍ଡ ଦଳର ଜୋ ରୁଟ ସର୍ବାଧିକ ୬୯ ରନ୍ ସଂଗ୍ରହ କରିଥିବା ବେଳେ ବେନ୍ ଡକେଟ୍ ୬୫ ରନ କରିଥିଲେ। ସେହିଭଳି ଭାରତୀୟ ଦଳର ରୋହିତ ଶର୍ମା ସର୍ବାଧିକ ୯୦ ବଲରେ ୧୧୯ ରନ୍ ସଂଗ୍ରହ କରିଥିଲେ। ଶୁଭମାନ ଗିଲ ୫୨ ବଲରେ ୬୦ ରନ୍ କରିଥିଲେ। ବିରାଟ କୋହଲି ୮ ବଲ ବଦଳରେ ୫ ରନ କରି ଆଉଟ୍ ହୋଇ ଯାଇଥିଲେ। ଶ୍ରେୟସ ଆୟର ୪୭ ବଲରେ ୪୪ ରନ୍, ହାର୍ଦ୍ଦିକ ପାଣ୍ଡିଆ ୬ ବଲରେ ୧୦ ରନ୍ କରିଥିଲେ ଓ କେ ଏଲ ରାହୁଲ ୧୪ ବଲରେ ୧୦ ରନ୍ କରିବାରେ ସକ୍ଷମ ହୋଇଥିଲେ। ତେବେ ଭାରତୀୟ ଟିମର ରବୀନ୍ଦ୍ର ଜାଡେଜା ୩ ୱିକେଟ୍ ନେବାରେ ସଫଳ ହୋଇଛନ୍ତି। ସେହିଭଳି ବରୁଣ ଚକ୍ରବର୍ତ୍ତୀ, ହାର୍ଦ୍ଦିକ ପାଣ୍ଡିଆ, ହର୍ଶିତ ରାଣା ଓ ସାମି ପ୍ରତ୍ୟେକ ଗୋଟିଏ ଲେଖାଏଁ ୱିକେଟ ନେଇଥିଲେ।ଆଜିର ମ୍ୟାଚ୍ପ ପରେ ୨.୦ ପଏଣ୍ଟରେ ଭାରତ ସିରିଜ୍ ଆଗୁଆ ରହିଛି।