ଫ୍ଲଡ ଲାଇଟ୍ ପାଇଁ ଅଟକିଲ ମ୍ୟାଚ୍
କଟକ ବାରବାଟୀ ଷ୍ଟାଡିୟମରେ ଚାଲିଥିବା ଦିନିକିଆ ମ୍ୟାଚ ଫ୍ଲଡ ଲାଇଟ୍ ଖରାପ ହୋଇଯିବାରୁ ଅଧାରେ ମ୍ୟାଚ୍ ଅଟକିଲା।

ମ୍ୟାଚର ପ୍ରଥମ ଇନିଂସରେ ଇଂଲଣ୍ଡ ବ୍ୟାଟିଂ କରି ୩୦୪ ରନ୍ ସଂଗ୍ରହ କରିଛି। ଜବାବରେ ଭାରତୀୟ ଟିମ୍ କୌଣସି ୱିକେଟ ନ ହରାଇ ୬ ଓଭର ଓ ଗୋଟିଏ ବଲରେ ୪୮ ରନ କରିଥିବା ବେଳେ ହଠାତ୍ ଫ୍ଲଡ ଲାଇଟ୍ ଖରାପ ଯୋଗୁଁ ନିରାଶ ହୋଇଛନ୍ତି କ୍ରୀଡ଼ାପ୍ରେମୀ।
ପ୍ରଥମେ ଇଂଲଣ୍ଡ ଦଳ ବ୍ୟାଟିଂ କରି ଦଳର ଜୋ ରୁଟ୍, ବେନ୍ ଡକେଟ ଏବଂ ଲିଭିଂଷ୍ଟୋନଙ୍କ ଗୁରୁତ୍ୱପୂର୍ଣ୍ଣ ଇନିଂସ ବଡ଼ ରନ ସଂଗ୍ରହ କରିବାରେ ସଫଳ ହୋଇଛନ୍ତି। ଇଂଲଣ୍ଡ ଦଳର ଜୋ ରୁଟ୍ ୬୯ ରନ ସଂଗ୍ରହ କରିଥିବା ବେଳେ ବେନ୍ ଡକେଟ ୬୫ ରନ ହାସଲ କରିଥିଲେ। ପରେ ଲିଭିଂଷ୍ଟୋନ୍ ଇଂଲଣ୍ଡକୁ ୩୦୦ ରନ ଅତିକ୍ରମ କରିବାକୁ ନିଶ୍ଚିତ କରିଥିଲେ। ସେ ୩୨ ବଲ ୪୧ ରନ ସଂଗ୍ରହ କରିଥିଲେ।
ଅପରପକ୍ଷେ ଭାରତ ପାଇଁ ୩୦୫ ରନର ବିଜୟ ଲକ୍ଷ୍ୟ ରହିଥିବା ବେଳେ ଭାରତ ପାଇଁ ରବିନ୍ଦ୍ର ଜାଡେଜା ସର୍ବାଧିକ ୩ ଟି ୱିକେଟ ନେଇଛନ୍ତି। ସେହିଭଳି ବରୁଣ ଚକ୍ରବର୍ତ୍ତୀ, ହାର୍ଦ୍ଦିକ ପାଣ୍ଡ୍ୟା, ହର୍ଷିତ ରାଣା ଏବଂ ଶାମି ପ୍ରତ୍ୟେକେ ଗୋଟିଏ ୱିକେଟ୍ ନେବାରେ ସଫଳ ହୋଇଛନ୍ତି। କିନ୍ତୁ ଦୀର୍ଘ ଅଧ ଘଣ୍ଟା ଧରି ଫ୍ଲଡ ଲାଇଟ୍ ଖରାପ ହେବାରୁ କ୍ରିକେଟ ପ୍ରେମୀ ନିରାଶ ହୋଇଥିଲେ। ପରେ ଆଲୋକ ବ୍ୟବସ୍ଥା ସୁଧୁରିବା ପରେ ଖେଳ ଚାଲୁ ରହିଥିଲା।