ମୃତ୍ୟୁ ପୂର୍ବରୁ ଗ୍ରୀକ୍ ବୀର ଆଲେକଜାଣ୍ଡାର ଯେଉଁ ସର୍ତ୍ତ ସବୁ ରଖିଥିଲେ କଣ ତାର ତାତ୍ପର୍ଯ୍ୟ। କାହିଁକି ଏଭଳି ସର୍ତ୍ତ ରଖିଲେ ଆଲେକଜାଣ୍ଡାର। ଏମିତି ଅନେକ ପ୍ରଶ୍ନ ଉଙ୍କି ମାରୁଥିବ।

ବିଶ୍ୱକୁ ଜିତିସାରି ଗ୍ରୀସ୍ ଫେରିଯିବା ବାଟରେ ଆଲେକ୍ଜାଣ୍ଡର ଅସୁସ୍ଥ ହୋଇପଡ଼ିଲେ । ଜାଣିଲେ, ଏହା ତାଙ୍କର ଶେଷ ସମୟ । ସେ ତାଙ୍କ ସେନାପତିମାନଙ୍କୁ ଡାକି କହିଲେ: ମୋର ତିନୋଟି ଇଚ୍ଛା ରହିଛି । ମୁଁ ମରିଯିବା ପରେ ତୁମେମାନେ ତାହାକୁ ପୂରଣ କରିବ । ପ୍ରଥମ ଇଚ୍ଛା ଥିଲା ଚିକିତ୍ସକଙ୍କ ଦ୍ୱାରା ମୋ ଶବ ମଶାଣୀକୁ ନେବ । ଦ୍ୱିତୀୟ ଇଚ୍ଛା ଥିଲା ମୁଁ ରାଜ୍ୟ ପରେ ରାଜ୍ୟ ଜିତି ଯେତେସବୁ ଧନରତ୍ନ ହାସଲ କରିଛି ସେସବୁକୁ ମୋ ମଶାଣୀ ଯିବା ବାଟରେ ବିଛାଇଦେବ । ତୃତୀୟ ଇଚ୍ଛା ଥିଲା ମୋର ହାତ ଦୁଇଟିକୁ କଫିନ ଭିତରୁ ବାହାରକୁ ଝୁଲେଇ ଦେବ । ଆଲେକଜାଣ୍ଡର କ’ଣ ପାଇଁ ଏମିତି କହୁଛନ୍ତି କେହି ବୁଝିପାରିଲେ ନାହିଁ । ତାଙ୍କର ସବୁଠୁ ନିକଟତମ ସେନାପତି ସେଲୁ୍ୟକସ୍ ତାଙ୍କ ପାଖକୁ ଯାଇ କହିଲେ: ଆପଣଙ୍କ ଇଚ୍ଛା ନିଶ୍ଚୟ ପୂରଣ ହେବ । ହେଲେ ଏ ଇଚ୍ଛା ପଛରେ ଆପଣଙ୍କର କି ଉଦେ୍ଦଶ୍ୟ ରହିଛି ମୁଁ ସେକଥା ଜାଣିବାକୁ ଚାହେଁ ।

ଆଲେକ୍ଜାଣ୍ଡର କହିଲେ: ପ୍ରଥମ ଇଚ୍ଛାରେ ମୁଁ ଏଇଆ କହିବାକୁ ଚାହେଁ ଯେ, କୌଣସି ଚିକିତ୍ସକଙ୍କର ସେତିକି କ୍ଷମତା ନାହିଁ ସେମାନେ ମୃତ୍ୟୁ ହାତରୁ ଜଣକୁ ଛଡ଼େଇ ଆଣିପାରିବେ । ମୋର ଦ୍ୱିତୀୟ ଇଚ୍ଛାର ଅର୍ଥ : ଏ ଧନ ସମ୍ପତ୍ତି ଜିତିବାର ଲାଳସା ଗୋଟେ ମୁର୍ଖତା ବ୍ୟତୀତ ଆଉକିଛି ନୁହେଁ । ହେଲେ ଏସବୁ ମୋର ନୁହନ୍ତି । ମୋର ତୃତୀୟ ଇଚ୍ଛାରୁ ଲୋକମାନେ ଏଇଆ ଜାଣନ୍ତୁ ଯେ, ସମଗ୍ର ବିଶ୍ୱକୁ ଜିତିଥିବା ଗୋଟେ ଲୋକ ଯେମିତି ଖାଲି ହାତରେ ଆସିଥିଲା ସେମିତି ଖାଲି ହାତରେ ଲେଉଟିଗଲା ।

       – ରାଜେନ୍ଦ୍ର