ଭୁବନେଶ୍ୱର, ୨୬/୧୨(ଓଡ଼ିଶା ଜାଗରଣ): ପୂର୍ବ ସରକାର ଓଡ଼ିଶାର ଛାତ୍ରଶକ୍ତିକୁ ଭୟ କରୁଥିଲେ। ଯେଉଁଥିପାଇଁ ଦୀର୍ଘ ବର୍ଷ ଧରି ଛାତ୍ର ସାଂସଦ ନିର୍ବାଚନ ବନ୍ଦ କରିଥିଲେ ବୋଲି କହିଛନ୍ତି ମୁଖ୍ୟମନ୍ତ୍ରୀ ମୋହନ ଚରଣ ମଝି। ଗୁରୁବାର କଟକରେ ଅନୁଷ୍ଠିତ ଅଖିଳ ଭାରତୀୟ ବିଦ୍ୟାର୍ଥୀ ପରିଷଦର ଏକ ରାଜ୍ୟସ୍ତରୟ କାର୍ଯ୍ୟକ୍ରମରେ ଯୋଗଦେଇ ମୁଖ୍ୟମନ୍ତ୍ରୀ ଏହା କହିଛନ୍ତି। ତେବେ ଏଥର ନିଶ୍ଚିତ ଛାତ୍ର ସଂସଦ ନିର୍ବାଚନ କରାଯିବ ବୋଲି ମୁଖ୍ୟମନ୍ତ୍ରୀ ସଭାରେ କହିଛନ୍ତି। ସେ ଆହୁରି କହୁଛନ୍ତି ଯେ, ରାଜ୍ୟରେ ବିଜେପି – ବିଜେଡି ସରକାର ଥିବା ବେଳେ ମହାବିଦ୍ୟାଳୟ ଓ ବିଶ୍ଵବିଦ୍ୟାଳୟ ଗୁଡିକରେ ନିର୍ବାଚନ ହେଉଥିଲା। କିନ୍ତୁ ବିଜେଡି ଏକକ ସରକାର କରିବା ପରେ ଏହି ନିର୍ବାଚନକୁ ବନ୍ଦ୍ କରିଛି। ଯାହା ଛାତ୍ର ସମାଜ ପାଇଁ ଶୁଭଙ୍କର ନୁହେଁ ବୋଲି କହିଛନ୍ତି ମୁଖ୍ୟମନ୍ତ୍ରୀ। ଏହି ଅବସରରେ ଏବିଭିପିର କର୍ମକର୍ତ୍ତାଙ୍କୁ ନିଷ୍ଠାପର ଭାବେ ଆଦର୍ଶଗତ ଦାୟିତ୍ବ ସମ୍ପନ୍ନ କରିବାକୁ ମୁଖ୍ୟମନ୍ତ୍ରୀ ପରାମର୍ଶ ଦେଇଛନ୍ତି।