ଘରେ ଶୋଇଥିଲେ। ହଠାତ୍ ଶୁଭିଲା ବୋମା ମାଡ଼ର ଶବ୍ଦ। ପରିବାର ଲୋକେ ଉଠି ଦେଖିଲା ବେଳକୁ ଜଣାପଡ଼ିଲା ଯେ, ଘରର ଜ୍ବାଇଁ ହିଁ କରିଥିଲା ବୋମାମାଡ଼।
ଏଭଳି ପରିସ୍ଥିତି ଦେଖିବାକୁ ମିଳିଥିଲା କଟକ ଜିଲ୍ଲା ନରସିଂହପୁର ଥାନା ଅନ୍ତର୍ଗତ ମୁସଲିମ ବସ୍ତିରେ। ଖବର ନେବାରୁ ଜଣା ପଡ଼ିଲା ଯେ, ନରସିଂହପୁର ଥାନା ଅନ୍ତର୍ଗତ ମୁସଲମାନ ସାହିର ସୁଲତାନ ମହମ୍ମଦଙ୍କ ଝିଅ ଖୋର୍ଦ୍ଧା ମକୁନ୍ଦ ପ୍ରସାଦ ଗ୍ରାମର ଅବଦୁଲ ମନସୁରଙ୍କୁ ବିବାହ କରିଥିଲେ।
କୌଣସି କାରଣ ପାଇଁ ଦୁଇ ପରିବାର ମଧ୍ୟରେ ବିବାଦର ସୂତ୍ରପାତ ହୋଇଥିଲା। ଯେଉଁଥିପାଇଁ ମାନସୂର୍ ଶନିବାର ରାତିରେ ଜ୍ବାଇଁ ସହଯୋଗୀଙ୍କ ସହ ଦୁଇଟି ବାଇକରେ ଆସି ନରସିଂହପୁର ମୁସଲମାନ ବସ୍ତିରେ ଦୁଇ ବୋମା ପକାଇ ଥିଲେ। ବୋମାମାଡରେ ଘରର କବାଟ ଝରକା, କାଚ ବିଭିନ୍ନ ଆସବାବପତ୍ର ନଷ୍ଟ ହୋଇଛି।
ଏ ନେଇ ପରିବାର ପକ୍ଷରୁ ଥାନାରେ ଅଭିଯୋଗ ହୋଇଛି। ଅଭିଯୋଗ ପରେ ପୁଲିସ ଘଟଣାସ୍ଥଳରେ ପହଞ୍ଚି ଘଟଣାର ତଦନ୍ତ କରୁଛି।
