କେନ୍ଦ୍ରୀୟ ମିଆଁମାରରେ ୭.୨ ତୀବ୍ରତାର ଭୂମିକମ୍ପ ଅନୁଭୂତ ହେବାରୁ ଏହା ଥାଇଲ୍ୟାଣ୍ଡ ଏବଂ ଚୀନର ୟୁନାନ ପ୍ରଦେଶର ଅଞ୍ଚଳଗୁଡ଼ିକୁ ପ୍ରଭାବିତ କରିଥିଲା। ବ୍ୟାଙ୍କକରେ ଥିବା ଉଚ୍ଚ କୋଠା ଭୁଶୁଡ଼ି ପଡ଼ିଥିଲା।
ଶୁକ୍ରବାର ଦିନ କେନ୍ଦ୍ରୀୟ ମିଆଁମାରରେ ଏକ ଶକ୍ତିଶାଳୀ ୭.୨ ତୀବ୍ରତାର ଭୂମିକମ୍ପ ଅନୁଭୂତ ହୋଇଥିବା ଯୁକ୍ତରାଷ୍ଟ୍ର ଭୂତତ୍ତ୍ୱ ସର୍ବେକ୍ଷଣ (USGS) ପକ୍ଷରୁ ସୂଚନା ମିଳିଛି।
USGSର ସୂଚନା ଅନୁଯାୟୀ ସେଠାକାର ସମୟ ଅନୁଯାୟୀ ଦିନ ୧୨:୫୦ ସମୟରେ ସାଗାଇଙ୍ଗ ସହରରୁ ୧୬ କିଲୋମିଟର (୧୦ ମାଇଲ) ଉତ୍ତର-ପଶ୍ଚିମରେ ୧୦ କିଲୋମିଟର ଗଭୀରତାରେ ଏହି ଭୂମିକମ୍ପ ଅନୁଭୂତ ହୋଇଥିଲା।
ବ୍ୟାଙ୍କକର ପ୍ରତ୍ୟକ୍ଷଦର୍ଶୀମାନେ କହିଛନ୍ତି ଯେ ଲୋକମାନେ ଭୟଭୀତ ହୋଇ ରାସ୍ତାକୁ ଦୌଡ଼ି ଆସିଥିଲେ ଏବଂ ସୁଇମିଂ ପୁଲରୁ ପାଣି ଛିଟା ପଡ଼ିଥିଲା। ସୂଚନା ଅନୁଯାୟୀ ମିଆଁମାରରେ ୭.୭ ଏବଂ ୬.୪ ତୀବ୍ରତାର ଦୁଇଟି ଲଗାତାର ଭୂମିକମ୍ପ ଅନୁଭୂତ ହୋଇଛି। ଥାଇଲ୍ୟାଣ୍ଡର ରାଜଧାନୀ ବ୍ୟାଙ୍କକରେ ପ୍ରବଳ ଭୂମିକମ୍ପ ଅନୁଭୂତ ହୋଇଛି, ଯାହା ପରେ ଜରୁରୀକାଳୀନ ପରିସ୍ଥିତି ଘୋଷଣା କରାଯାଇଛି। ମେଘାଳୟ ଏବଂ ଅନେକ ଉତ୍ତର-ପୂର୍ବ ରାଜ୍ୟ ମଧ୍ୟ ୪ ତୀବ୍ରତାର ଭୂକମ୍ପ ଅନୁଭୂତ ହୋଇଛି।
ଭୂମିକମ୍ପର ପ୍ରଭାବ ଏତେ ଥିଲା ଯେ ଏହା ପ୍ରାୟ ୯୦୦ କିଲୋମିଟର ଦୂର ବ୍ୟାଙ୍କକରେ ଏକ ଉଚ୍ଚ କୋଠାକୁ ଭାଙ୍ଗି ପକାଇଥିଲା, ୪୩ ରୁ ଅଧିକ ଶ୍ରମିକ ଫସି ରହିଥିବାବେଳେ ୨୦ ଜଣଙ୍କ ମୃତ୍ୟୁ ଘଟିଛି। ଏହି ଭୂମିକମ୍ପ ଯୋଗୁଁ ଲୋକମାନେ ଘରୁ ବାହାରକୁ ଦୌଡ଼ି ପଳାଇଥିଲେ ଏବଂ ଉଚ୍ଚ କୋଠାରୁ ପୁଲରୁ ପାଣି ବାହାରକୁ ବହି ଯାଇଥିଲା। ସେହିଭଳି ମିଆଁମାରର ମାଣ୍ଡାଲେରେ ପ୍ରତୀକାତ୍ମକ ଆଭା ସେତୁ, କୋଠାଗୁଡ଼ିକ ଭୁଶୁଡ଼ି ପଡ଼ିଛି।
