ଶରୀର ମଧ୍ୟରେ ପ୍ରକାଶ କରି ପାରୁ ନ ଥିବା ବ୍ୟକ୍ତିର ମାନସିକ ଭାବନାକୁ ପଢ଼ିହୁଏ

ଭୁବନେଶ୍ୱର, ୨୮/୧୨ (ଅର୍ପଣ ଆଦର୍ଶ): ମୋବାଇଲ ଓ ବୈଦ୍ୟୁତିକ ଯନ୍ତ୍ରପାତିରେ ଚିପ୍ ବ୍ୟବହାର କରାଯିବା ଆପଣ ଜାଣିଥିବେ। କିନ୍ତୁ ମଣିଷ ମୁଣ୍ଡରେ ବି ଲାଗିପାରିବ ଚିପ। ଏ କଥାଟି ଅନେକଙ୍କୁ ଆଶ୍ଚର୍ଯ୍ୟ ଲାଗୁଥିଲେ ମଧ୍ୟ ସତ୍ୟ। ଏ ଭଳି ଚିନ୍ତନ ପ୍ରଥମେ କରିଥିଲେ ବିଶ୍ବର ଅନ୍ୟତମ ଧନୀ ଏଲନ୍ ମସ୍କ। ଏହାକୁ ନ୍ୟୁରାଲିଙ୍କ୍ ବୋଲି ଅବିହିତ କରାଯାଇଛି।

ମାନସିକ ଅନଗ୍ରସର ଓ ଦିବ୍ୟଙ୍ଗଙ୍କ ମନର ଭାବନା ଓ କଥାକୁ ଜାଣିବା ପାଇଁ ଏଭଳି ଚିପ ଉଦ୍ଭାବନ କରିଥିଲେ ମସ୍କ୍। ଏହା ୨୦୧୬ ମସିହାରେ ଉଦ୍ଭାବନ କରିଥିଲେ ମଧ୍ୟ ଲୋକଲୋଚନକୁ ଆସିଥିଲା ୨୦୧୭ ମାର୍ଚ୍ଚରେ। ଏହି ଚିପର ଆକାର ଏକ ପାଉଣ୍ଡ କଏନ ଭଳି। ଯାହା ସ୍ନାୟୁ ସହ ସଂଯୋଗ କରାଯାଇଥାଏ। ଯାହାର ସଂଯୋଗ କମ୍ପ୍ୟୁଟର ସହ କରାଯାଇଥାଏ। ମଣିଷର ଯାହା କହିବାକୁ ଚାହେଁ ତାହା ପ୍ରକାଶ କରି ନ ପାରିଲେ ମଧ୍ୟ ନ୍ୟୁରୋ ଲିଙ୍କ୍ ମାଧ୍ୟମରେ ଜଣା ପଡ଼ିବ। କଥା କହିପାରୁ ନ ଥିବା ବା ମନର ଭାବନାକୁ ପ୍ରକାଶ କରିପାରୁ ନ ଥିବା ଦୃଷ୍ଟିହୀନ, ବଧିର ଓ ପକ୍ଷାଘାତ ରୋଗୀର ସମସ୍ୟାକୁ ଏହା ମାଧ୍ୟମରେ ଜାଣି ହୁଏ।
ତେବେ ଏହି ବିସିଆଇ (ବ୍ରେନ୍ କମ୍ପ୍ୟୁଟର ଇଣ୍ଟରଫେସ୍) ଭଳି କୂତ୍ରିମତାର ବ୍ୟବହାର କରିବାର ନକାରାତ୍ମକ ପ୍ରଭାବ ରହିଛି। ଯେମିତି ଏହା ମସ୍ତିଷ୍କ ସଂକ୍ରମଣ ସହ ରକ୍ତସ୍ରାବ ଏବଂ ଟିଶୁ ନଷ୍ଟ କରିବାର ଆଶଙ୍କା ରହିଛି।

ସେହିଭଳି ଏହାକୁ ଚାର୍ଜ କରିବା ପାଇଁ ବ୍ୟାଟେରୀ ସଂଯୋଗ ହୋଇଥିବାରୁ ଏହାର କୁପ୍ରଭାବ ମୁଣ୍ଡ ବା ଶରୀର ଉପରେ ପକାଇ ପରେ। ଏହି ଚିପ ବିଶ୍ବର ଦୁଇଜଣଙ୍କ କ୍ଷେତ୍ରର ଏପର୍ଯ୍ୟନ୍ତ ବ୍ୟବହାର କରାଯାଇଛି। ଏହା ଆମେରିକାର ୨୯ ବର୍ଷୀୟ ଯୁବକ ନୋଲାଣ୍ଡ ଆର୍ବଘ୍ ଏବଂ ଆଲେକ୍ସଙ୍କ ମସ୍ତିଷ୍କରେ ବ୍ୟବହାର କରାଯାଇଛି। ନୋଲାଣ୍ଡ ସ୍ନାୟୁ ଜନିତ ସମସ୍ୟା ଯୋଗୁଁ ପକ୍ଷାଘାତ ଆକ୍ରାନ୍ତ ଥିବା ବେଳେ ଆଲେକ୍ସ ମେରୁଦଣ୍ଡ ଜନିତ ସମସ୍ୟା ଯୋଗୁଁ ପକ୍ଷାଘାତ ଶିକାର ହୋଇଥିଲେ। ତେବେ ଆଲେକ୍ସ୍ ଏହା ମାଧ୍ୟମରେ କମ୍ପ୍ୟୁଟର ମାଧ୍ୟମରେ ଖେଳି ପାରୁଥିଲେ।