ଯଦିବା ପୂର୍ବରୁ ଏକ ମଞ୍ଚରେ ଅଭିନେତ୍ରୀ ନୃତ୍ୟାଙ୍ଗନା ଦର୍ଶକଙ୍କ କାନକୁ କମୁଡ଼ିଦେବା ଓ ମଞ୍ଚରେ ଅନ୍ତବସ୍ତ୍ର ଖୋଲିବାକୁ କେନ୍ଦ୍ର କରି ସାରା ରାଜ୍ୟରେ ଯାତ୍ରା ମଞ୍ଚ ବିବାଦୀୟ ହୋଇଥିଲା। କିନ୍ତୁ ଗତ ଫେବୃଆରୀ ମାସରେ ଯାତ୍ରା ମଞ୍ଚରେ ଅଶ୍ଳୀଳ ନୃତ୍ୟ ପ୍ରଦର୍ଶନକୁ ନେଇ ବିବାଦ ଘାନେଇଥିଲା କିନ୍ତୁ ଗତ କିଛି ଦିନ ଧରି ଓଡ଼ିଆ ଯାତ୍ରା ଜଗତରେ ବିଭିନ୍ନ ପ୍ରସଙ୍ଗ ନେଇ ବିବାଦ ଘାନେଇବାରେ ଲାଗିଛି।
ଭୁବନେଶ୍ୱର ଏକାମ୍ର ବିଧାୟକ ଯାତ୍ରା ମଞ୍ଚରେ ଅଶାଳୀନ ନୃତ୍ୟକୁ ବିରୋଧ କରି ଠେଙ୍ଗା ବାହିନୀ ଗଠନ କରିଥିଲେ। ମଞ୍ଚରେ ଅଶ୍ଳୀଳ ନୃତ୍ୟ ହେଲେ ଠେଙ୍ଗା ପ୍ରହାର ହେବ ବୋଲି କହିଥିଲେ। ନିଜ ସରକାର ବିଜେପି କ୍ଷମତାସୀନ ଥାଇ ବିଧାୟକଙ୍କ ଏଭଳି ମନ୍ତବ୍ୟକୁ ଅନେକ ଲୋକ ଗ୍ରହଣ କରି ନ ଥିଲେ। ଏଥିପାଇଁ ତାଙ୍କୁ ସାମାଜିକ ଗଣମାଧ୍ୟମରେ ସମାଲୋଚନାର ଶିକାର ହେବାକୁ ପଡ଼ିଥିଲା।
କିଛିଦିନ ତଳେ ତୁଳସୀ ଗଣନାଟ୍ୟର ହାସ୍ୟ ଅଭିନେତା ନରି ପଣ୍ଡା ଓରଫ ନରେନ୍ଦ୍ର ପଣ୍ଡା ଆଣିଥିବା ଅଭିଯୋଗ ପୂରା ଯଲିଉଡକୁ ସ୍ତବ୍ଧ କରି ଦେଇଥିଲା। ତାଙ୍କୁ ଯାତ୍ରା ପାର୍ଟିର ମାଲିକ ଅନନ୍ତ ନାରାୟଣ ଧଳ ଓରଫ ନାଣ୍ଡୁ ଧଳ ମାଡ ମାରିଥିବା ଅଭିଯୋଗ କରିଥିଲେ ନରି ପଣ୍ଡା। ସାମାଜିକ ଗଣମାଧ୍ୟମରେ ନରି ପଣ୍ଡାଙ୍କ ଅଭିଯୋଗର ଭିଡ଼ିଓ ଭାଇରଲ ହେବା ପରେ ଏକ ବଡ ବିତର୍କ ଓ ବିବାଦର ସୂତ୍ରପାତ ହୋଇଥିଲା। ଏହି ପରିପ୍ରେକ୍ଷୀରେ ଯାତ୍ରା ପାର୍ଟି ମାଲିକ ସଂଘ ନରି ପଣ୍ଡାଙ୍କୁ ବାଇକଟ କରିଥିଲେ।
କୌଣସି ଯାତ୍ରାପାର୍ଟି ତାଙ୍କୁ ନେବେ ନାହିଁ ବୋଲି ସଂଘ ବୈଠକରେ ନିଷ୍ପତ୍ତି ନେଇଥିଲେ। ଫଳରେ ଯାତ୍ରା କଳାକାର ସଂଘ ନରିଙ୍କ ସମର୍ଥନରେ ବତରିଥିଲା। ନରିଙ୍କ ଘଟଣାରେ ମାଲିକମାନେ ପୁନର୍ବିଚାର କରିବା ପାଇଁ ଅନୁରୋଧ କରିଥିଲେ। ନଚେତ୍ କଳାକାରମାନେ ଆସନ୍ତା ବର୍ଷ କୌଣସି ପାର୍ଟିରେ ଅଭିନୟ କରିବେ ନାହିଁ ବୋଲି ସଂଘ ପକ୍ଷରୁ ବାପି ପଣ୍ଡା ଘୋଷଣା କରିଥିଲେ।
ଏହାକୁ ଯାତ୍ରା ମାଲିକ ସଂଘ ଏକ ଚ୍ୟାଲେଞ୍ଜ ଭାବେ ନେଇ ବାପି ପଣ୍ଡାଙ୍କୁ ମଧ୍ୟ ଆହ୍ବାନ ଦେଇଥିଲେ। ସେ କ୍ଷମା ମାଗିବା ପାଇଁ ମାଲିକ ଦାବି କରିଥିଲା।
ଯାହାକୁ ସମର୍ଥନ କରି ଯାତ୍ରା ଜଗତର ବରିଷ୍ଠ ଅଭିନେତ୍ରୀ ନମିତା ମଧ୍ୟ ମନ୍ତବ୍ୟ ଦେଇଥିଲେ। ମାଲିକଙ୍କ ଅନ୍ୟାୟର ପ୍ରତିବାଦ କରିଥିଲେ। ଏବେ ବି ଯାତ୍ରାକୁ ନେଇ ବିବାଦ ଘନେଇଥିବା ବେଳେ ଆଗକୁ ଏହା କେଉଁ ମୋଡ ନେଉଛି ତାହା ଦେଖିବାକୁ ବାକି ରହିଲା।
ଏହାରି ଭିତରେ ଅନ୍ୟ ଏକ ବିବାଦ ମୁଣ୍ଡ ଟେକିଛି। ତୁଳସୀ ଗଣନାଟ୍ୟରେ ଅଭିନୟ କରୁଥିବା ଅଭିନେତ୍ରୀ ସୋନାଲି ପଣ୍ଡାଙ୍କୁ ନେଇ ଅନ୍ୟଏକ ବିବାଦ ମୁଣ୍ଡ ଟେକିଛି। ସୋନାଲିଙ୍କୁ ଯାତ୍ରା ପାର୍ଟି ମାଲିକ ଅନନ୍ତ ପ୍ରସାଦ ଧଳ ଜୋର୍ ଜବରଦସ୍ତ ରଖିଥିବା ତାଙ୍କ ସ୍ଵାମୀ ଶ୍ରୀକ୍ଷେତ୍ର ପ୍ରସାଦ ସାମନ୍ତସିଂହାର ଅଭିଯୋଗ କରିଛନ୍ତି।
