ଭୁବନେଶ୍ୱର, ୨୬/୧୨(ଓଡ଼ିଶା ଜାଗରଣ) :
ସାଧାରଣ ନିର୍ବାଚନରେ ବିଜେଡ଼ିର ପରାଜୟ ପରେ ହାରିବାର କାରଣ କହିଲେ ଦଳର ସୁପ୍ରିମୋ ତଥା ବିରୋଧିଦଳ ନେତା ନବୀନ ପଟ୍ଟନାୟକ। ଦଳର ୨୮ତମ ପ୍ରତିଷ୍ଠା ଦିବସରେ ଦଳୀୟ ନେତା ଓ କର୍ମୀଙ୍କୁ ଗୁରୁମନ୍ତ୍ର ଦେବା ଅବସରରେ ସେ କହିଛନ୍ତି ଯେ, ଆମେ ବା ବିଜେଡି ହରିନାହି କି ଲୋକଙ୍କ ବିଶ୍ୱାସ ହରାଇ ନାହିଁ। ବରଂ ବିଜେପି ମିଛ ପ୍ରତିଶ୍ରୁତି ଦେଇ କ୍ଷମତାକୁ ଆସିଛି। ଗତ ନିର୍ବାଚନ ପୂର୍ବରୁ ବିଜେବି ଓଡିଶାବାସୀଙ୍କୁ ଯେଉଁଭଳି ଭୁଆଁ ବୁଲେଇଲା ତାକୁ ବିଜେଡି କାଉଣ୍ଟର କରି ପାରିଲା ନାହିଁ ବୋଲି କହିଛନ୍ତି। ଅପରପକ୍ଷେ ସେ ଆହୁରି କହିଛନ୍ତି ଯେ ବିଜେପି ମିଛ ପ୍ରତିଶ୍ରୁତି ଦେଇ ମଧ୍ୟ ଅଧିକ ଭୋଟ ପାଇ ନାହିଁ। ବରଂ ବିଜେଡି ଅଧିକ ଭୋଟ ପାଇଛି। ଏବେ ଲୋକେ ଜାଣି ଗଲେଣି ଓ ବୁଝି ଗଲେଣି ଯେ ବିଜେପି ମିଛ କହିଛି। ତେଣୁ ଆଗାମୀ ଦିନରେ ବିଜେଡିର ଦଳୀୟ କର୍ମୀମାନେ ଲୋକଙ୍କ ପାଖକୁ ଯାଇ ସତ କଥା ଜାଣନ୍ତୁ। ବିଜେଡି ସରକାର ବିଗତ ଦିନରେ ଯେଉଁ ଉନ୍ନତିମୂଳକ କାମ କରିଛି ତାର ପ୍ରଚାର କରନ୍ତୁ।
ପ୍ରକାଶ ଥାଉ କି ଗତ କିଛି ଦିନ ମଧ୍ୟରେ ବିଜେଡିର ବହୁ ନେତା ଦଳର ପରାଜୟ ନେଇ ଯେଉଁ କାରଣମାନ କହିଛନ୍ତି, ତାକୁ ଅନେକାଂଶରେ ସତ୍ୟ ବୋଲି ସ୍ବୀକାର କରିଛନ୍ତି ଦଳର ସୁପ୍ରିମୋ।