ବ୍ରହ୍ମପୁର, (ଓଡ଼ିଶା ଜାଗରଣ): ବିବହିତଙ୍କ ସହ ଜଣେ ବିବାହିତା ମହିଳାଙ୍କ ଗଢ଼ି ଉଠିଲା ପ୍ରେମ ସମ୍ପର୍କ। ଶେଷରେ ପରିସ୍ଥିତି ଏଭଳି ହେଲା ଯେ, ଉଭୟେ ଗଛରେ ଝୁଲିପଡ଼ି ଆତ୍ମହତ୍ୟା କରିବାକୁ ବାଧ୍ୟ ହେଲେ। ଏଭଳି ଘଟଣା ଘଟିଛି ବ୍ରହ୍ମପୁର ସଦର ଥାନା ଅଲାରିଗଡ ଗ୍ରାମରେ। ଗାଁ ନିକଟ ପାହାଡ଼ ଉପରୁ ପ୍ରେମୀ ଯୁଗଳଙ୍କ ଝୁଲନ୍ତା ମୃତଦେହ ଉଦ୍ଧାର କରିଛି ପୁଲିସ। ମୃତ ପ୍ରେମୀ ଯୁଗଳମାନେ ହେଲେ ପାଟପୁର ଥାନା ପାଟପୁରର ସନ୍ତୋଷ ସାହୁଙ୍କ ସ୍ତ୍ରୀ ସୁମିତ୍ରା ସାହୁ ଓ ପୁରୁଷ ଜଣଙ୍କ ହେଲେ ସେହି ଥାନା ଅନ୍ତର୍ଗତ ରାଧାଦେଈପୁର ଗ୍ରାମର ସୀମାଞ୍ଚଳ ସାହୁଙ୍କ ପୁଅ ରାଜେନ୍ଦ୍ର ସାହୁ। ବିବାହିତ ଉଭୟଙ୍କ ସନ୍ତାନ ଥିବା ବେଳେ ଉଭୟଙ୍କ ମଧ୍ୟରେ ପ୍ରେମ ସମ୍ପର୍କ ଗଢିଥିଲା। ଯାହାକୁ ସମାଜ ଗ୍ରହଣ କରି ନ ଥିଲା। ଯେଉଁଥିପାଇଁ ଉଭୟ ଗଡ ୧୯ ତାରିଖରୁ କେଉଁଆଡେ ପଳାଇଥିଲେ। ଏନେଇ ଉଭୟଙ୍କ ପରିବାର ପକ୍ଷରୁ ପାଟପୁର ଥାନାରେ ଅଭିଯୋଗ ହୋଇଥିଲା।
ଗୁରୁବାର ସକାଳେ ପାହାଡ ଉପରେ ଥିବା ଏକ ଗଛରୁ ଉଭୟଙ୍କ ଝୁଲନ୍ତା ମୃତଦେହ ସ୍ଥାନୀୟ ଲୋକେ ଦେଖି ପୁଲିସ ଓ ଦୁଇଜଣଙ୍କ ପରିବାରକୁ କହିଥିଲେ। ପୁଲିସ ପହଞ୍ଚି ଉଭୟଙ୍କ ମୃତଦେହ ଜବତ କରି ବ୍ୟବଚ୍ଛେଦ ପାଇଁ ପଠାଇଛି ଓ ଘଟଣାର ଅନୁସନ୍ଧାନ ଜାରୀ ରଖିଛି।