କ’ଣ ଏହି ସିନ୍ଥେଟିକ୍‌ ଡ୍ରଗ୍ସ: ଆମେମାନେ ସାଧାରଣତଃ ଡ୍ରଗ୍‌ସ ଭିଷୟରେ ଜାଣିଛେ ହେଲେ। ସିନ୍ଥେଟିକ୍‌ ଡ୍ରଗ୍ସ ବିଷୟରେ କମ୍‌ ଜାଣିଛନ୍ତି। ତେବେ କ’ଣ ଏହି ସିନ୍ଥେଟିକ୍‌ ଡ୍ରଗ୍‌ସ ବା ଏଲ୍‌ଏସ୍‌ଡି। ଏଲ୍‌ଏସ୍‌ଡିର ଇଂରାଜୀରେ ପୂରା ନାମ ହେଉଛି ଲାଇସରଜିକ ଏସିଡ୍‌ ଡାଇଥାଇଲାମାଇଡ୍‌। ଯାହା ସିନ୍‌ଥେଟିକ୍‌ ଡ୍ରଗ୍ସ ଭାବେ ଜଣା। ଛୋଟ ପେପର ଭଳି ଏକ ଚିପ୍‌ ଭଳି ଦେଖାଯାଉଥିବା ଦେଖାଯାଉଥିବା ଏହି ନିଶାଦ୍ରବ୍ୟ ଅତ୍ୟନ୍ତ ଭୟଙ୍କର। ଏହାକୁ ଜିଭରେ ରଖିବା ପରେ ମଣିଷନିଜର ନିୟନ୍ତ୍ରଣ ହରାଇ ବସେ। ଏମିତି କି ଅସ୍ୱାଭାବିକ ଆଚରଣ ପରିଲକ୍ଷିତ ହୁଏ।

ଏହାକୁ ସେବନ କରିବାର ମାତ୍ର କିଛି ସମୟ ମଧ୍ୟରେ ଦେହରୁ ପ୍ରଚୁର ଝାଳ ବାହାରିଥାଏ। ଏଥିସହିତ ନିଦ ଓ ଭୋକ ମଧ୍ୟ ନ ଲାଗିବା ସହ ଅନ୍ୟାନ୍ୟ ସମସ୍ୟା ମଧ୍ୟ ଦେଖା ଦେଇଥାଏ। ଏହାକୁ ବାରମ୍ବାର ବ୍ୟବହାର କଲେ ରକ୍ତଚାପ, ହୃଦଘାତ ସମସ୍ୟା ଦେଖା ଦେବାର ଆଶଙ୍କା ରହିଛି। ତେବେ ଏଭଳି ନିଶା ଭାରତରେ ବା ଓଡ଼ିଶାରେ କ୍ୱଚିତ୍‌ ଦେଖା ଦେଇଥାଏ।

ଏହି ଡ୍ରଗ୍ସ କିଭଳି ଭୁବନେଶ୍ୱରକୁ ଆସିଲା ତାକୁ ନେଇ ଏବେ ପୁଲିସର ମୁଣ୍ଡବ୍ୟଥା ଆରମ୍ଭ ହୋଇଛି। କିଛି ନୂଆ ଚ୍ୟାନେଲ୍‌ ଦେଇ ଏହା ଓଡ଼ିଶାକୁ ଆସିଥାଇପାରେ ବୋଲି ପୁଲିସ ଅନୁମାନ କରୁଛି। ଏ ନେଇ ପୂରା କମିସନରେଟ୍‌ ପୁଲିସର ବିଶେଷଜ୍ଞମାନେ  ତଦନ୍ତ କରୁଛନ୍ତି।
ଅପରପକ୍ଷେ ସିନ୍ଥେଟିକ୍‌ ଡ୍ରଗ୍ସ ନିଶାରେ ଅଧିକାଂଶ ତରୁଣ ଯୁବକମାନେ ପଡ଼ିବାର ଆଶଙ୍କା ରହିଛି। ତେବେ ଜଣେ ମାନସିକ ରେଗା ବିଶେଷଜ୍ଞଙ୍କ କହିବାନୁଯାୟୀ ସାଧାରଣ ଗଞ୍ଜେଇ, ମଦ ନିଶାରେ ପଡ଼ୁଥିବା ନିଶାଡ଼ିଙ୍କୁ ଜାଣିବା ସହଜ ହୋଇଥାଏ। କିନ୍ତୁ ସିନ୍ଥେଟିକ୍‌ ଡ୍ରଗ୍ସ, ବ୍ରାଉନ୍‌ସୁଗର କିମ୍ବା କୋକେନ ଭଳି ନିଶା ସେବନ କରୁଥିବା ପିଲାଙ୍କୁ ଚିହ୍ନିବା ବା ଜାଣିବାକୁ ସମୟ ଲାଗିଥାଏ।

ଅଧିକାଂଶ ଟିନ୍‌ଏଜ୍‌ର ଯୁବକମାନେ ଏହି ନିଶାରେ ପଡ଼ିବାର ଆଶଙ୍କା ରହିଛି। ତେଣୁ ଆପଣଙ୍କ ପିଲା ଯଦି ଅସ୍ୱାଭାବିକ ଆଚରଣ କରୁଛି କିମ୍ବା ଅନ୍ୟ ସାଙ୍ଗମାନଙ୍କ ସହ ଅଧିକାଂଶ ସମୟ ଏକୁଟିଆ ବିତାଉଛି ତେବେ ତା ପ୍ରତି ନଜର ରଖନ୍ତୁ। ବିଶେଷକରି ଏକ ନିର୍ଦ୍ଦିଷ୍ଟ ସମୟରେ ଯଦି ସେ ନିସ୍ତେଜ ରହୁଛି କାହା ସହିତ କଥା ହେଉନାହିଁ ତେବେ ଆପଣ ତା ପ୍ରତି ଧ୍ୟାନ ଦିଅନ୍ତୁ। ଆବଶ୍ୟକସ୍ଥଳେ ତା ସହ କାଉନ୍‌ସେଲିଂ କରନ୍ତୁ। ଏହି ନିଶାରେ କବଳିତ ହେବା ପରେ ତାକୁ ବାଟକୁ ଫେରାଇ ଆଣିବା କାଠିକର ପାଠ ହୋଇ ପଡ଼ିବ ।