ହିନ୍ଦୀକୁ ତୃତୀୟ ଭାଷା ଭାବରେ ବାଧ୍ୟତାମୂଳକ କରାଯିବା ପରେ ମହାରାଷ୍ଟ୍ର ରାଜନୀତିରେ ପ୍ରବଳ ହଟ୍ଟଗୋଳ ଆରମ୍ଭ ହୋଇଛି। ଶିବସେନା ସାଂସଦ ସଞ୍ଜୟ ରାଉତ ସମାଲୋଚନା କରି କହିଛନ୍ତି ଯେ, ଫଡନାବିସ୍‌ ନିଜେ କିଛି ନିଷ୍ପତ୍ତି ନେଇପାରୁ ନାହାନ୍ତି। କାରଣ ତାଙ୍କ ବାପା ଦିଲ୍ଲୀରେ ବସିଛନ୍ତି ବୋଲି ସମାଲୋଚନା କରିଛନ୍ତି ଶ୍ରୀ ରାଉତ।

ହିନ୍ଦୀ ଭାଷା ପ୍ରସଙ୍ଗକୁ ବିଭିନ୍ନ ସ୍ତରରେ ବିରୋଧ କରାଯାଇଥିବା ବେଳେ ଶିବସେନା ମୁଖ୍ୟ ଉଦ୍ଧବ ଠାକରେଙ୍କ ସହିତ,ଏମଏନଏସ ମୁଖ୍ୟ ରାଜ ଠାକରେ ମଧ୍ୟ ଆକ୍ରମଣାତ୍ମକ ଆଭିମୁଖ୍ୟ ଗ୍ରହଣ କରି ଆନ୍ଦୋଳନ ଘୋଷଣା କରିଛନ୍ତି। ଏଥିସହିତ ମହା ବିକାଶ ଅଘାଡିର ସହଯୋଗୀ ଦଳଗୁଡ଼ିକ ମଧ୍ୟ ଏହି ଆନ୍ଦୋଳନକୁ ସମର୍ଥନ କରିଛନ୍ତି।

ଏହି ପ୍ରସଙ୍ଗରେ ମହାୟୁତି ସରକାର ପଛକୁ ହଟିବା ପରେ, ବିଜେପି ପାଲଟା ଜବାବ ଦେଇ କହିଛି ଯେ, ଏହି ନିଷ୍ପତ୍ତି ଏବେର ନୁହେଁ ଉଦ୍ଧବ ଠାକରେ ମୁଖ୍ୟମନ୍ତ୍ରୀ ଥିବା ସମୟରେ ହିଁ ନିଆଯାଇଥିଲା।