ଦିଲ୍ଲୀର ଗୋବିନ୍ଦପୁରୀର କଏଦୀ ଅମନ ଯାହାଙ୍କୁ କୋର୍ଟରେ ହାଜର ପାଇଁ ଲକଅପକୁ ଅଣାଯାଇଥିଲା। ଘଟଣା ସମୟରେ, ମୃତ ଅମନଙ୍କ ସମେତ ଆଉ କିଛି କଏଦୀ ମଧ୍ୟ ସେଠାରେ ଥିଲେ। ଏହି କଏଦୀମାନଙ୍କ ମଧ୍ୟରେ ଜିତେନ୍ଦ୍ର ନାମକ ଜଣେ କଏଦୀ ବି ଉପସ୍ଥିତ ଥିଲା। ପ୍ରକୃତରେ, ୨୦୨୪ ରେ ଆକ୍ରମଣର ଏକ ଘଟଣା ଘଟିଥିଲା, ଯେତେବେଳେ ସେମାନେ ଉଭୟ ଜେଲରୁ ବାହାରେ ଥିଲେ। ସେହି ଘଟଣାରେ ଅମନ, ଜିତେନ୍ଦ୍ର ଏବଂ ତାଙ୍କ ଭାଇଙ୍କୁ ଛୁରିରେ ଆକ୍ରମଣ କରିଥିବା ଅଭିଯୋଗ ହୋଇଥିଲା।
କିନ୍ତୁ ଗୁରୁବାର ସକାଳେ ତିହାର ଜେଲରୁ ଏକ ଜେଲ ଭ୍ୟାନ୍‌ ସାକେତ କୋର୍ଟକୁ ଅନେକ କଏଦୀଙ୍କୁ ନେଇ ଆସିଥିଲା। କଏଦୀମାନଙ୍କୁ କୋର୍ଟକୁ ଆଣିବା ପରେ ସମସ୍ତଙ୍କୁ ଲକ୍‌ଅପରେ ବନ୍ଦ କରିଦିଆଯାଇଥିଲା। ଏହି ସମୟରେ ଅମନ ନାମକ ଜଣେ କଏଦୀଙ୍କୁ ଜିତେନ୍ଦ୍ର ଏବଂ ଜୟଦେବ ନାମକ ଦୁଇ କଏଦୀ ଆକ୍ରମଣ କରିଥିଲେ। ଉଭୟେ ମିଶି ଅମନଙ୍କୁ ପ୍ରବଳ ମାଡ଼ ମାରିଥିଲେ।
ପରେ ଅମନଙ୍କୁ ହସ୍ପିଟାଲ ନିଆଯାଇଥିଲା ଯେଉଁଠାରେ ଡାକ୍ତର ଅମନଙ୍କୁ ମୃତ ଘୋଷଣା କରିଥିବା ଜଣାପଡ଼ିଛି। ପୁଲିସ ତଦନ୍ତରୁ ଜଣାପଡିଛି ଯେ ଜିତେନ୍ଦ୍ର ଏବଂ ଅମନଙ୍କ ମଧ୍ୟରେ ପୁରୁଣା ଶତ୍ରୁତା ଥିଲା। ୨୦୨୪ ମସିହାରେ ଯେତେବେଳେ ଉଭୟ ଜେଲରୁ ବାହାରକୁ ଆସିଥିଲେ ସେତେବେଳେ, ଅମନ ଜିତେନ୍ଦ୍ର ଏବଂ ତାଙ୍କ ଭାଇଙ୍କୁ ଛୁରିରେ ଆକ୍ରମଣ କରିଥିଲେ। ସେହି ପୁରୁଣା ଝଗଡ଼ାର ପ୍ରତିଶୋଧ ନେବା ପାଇଁ, ଏଥର ଅମନଙ୍କୁ ଲକ୍‌ଅପରେ ଆକ୍ରମଣ କରାଯାଇଥିଲା।