ବିଭିନ୍ନ ଗଣମାଧ୍ୟମରେ ପ୍ରକାଶିତ ରିପୋର୍ଟ ଅନୁସାରେ, ଶ୍ରୀଲଙ୍କାରେ ଲୁଣର ଦର ବୃଦ୍ଧି ପାଇଛି। ସଙ୍କଟର ସୁଯୋଗ ନେଇ ଅନେକ ଲୋକ ଲୁଣର କଳାବଜାରୀ କରିବା ଆରମ୍ଭ କରିଛନ୍ତି। କଳା ବଜାରରେ ଲୁଣ ୨ରୁ ୩ ଗୁଣ ଦରରେ ବିକ୍ରି ହେଉଛି। ତଥାପି ଲୁଣ କିଣିବା ପାଇଁ ଲୋକଙ୍କ ଭିତରେ ଭିଡ଼ ପରିଲକ୍ଷିତ ହୋଇଛି। ଏବେ ଶ୍ରୀଲଙ୍କାରେ ଲୁଣ ମୂଲ୍ୟ କିଲୋଗ୍ରାମ ପ୍ରତି ଦର ରହିଛି ୧୪୫ ଟଙ୍କା।
ପ୍ରକାଶ ଥାଉ କି ଶ୍ରୀଲଙ୍କାରେ ଆବଶ୍ୟକ ଥିବା ଲୁଣର ମାତ୍ର ୨୩ ପ୍ରତିଶତ ନିଜ ଦେଶରେ ଉତ୍ପାଦିତ ହୋଇଥାଏ। ଭାରତ ୩,୦୫୦ ମେଟ୍ରିକ୍‌ ଟନ୍‌ ଲୁଣ ପଠାଇ ପଡେ଼ାଶୀକୁ ସାହାଯ୍ୟ କରିବାକୁ ଆଗେଇ ଆସିଛି। ଗଣମାଧ୍ୟମ ରିପୋର୍ଟ ଅନୁସାରେ, ମୋଟ ପଠାଯାଇଥିବା ଲୁଣ ମଧ୍ୟରୁ ୨,୮୦୦ ମେଟ୍ରିକ୍‌ ଟନ୍‌ ଭାରତର ନ୍ୟାସନାଲ୍‌ ଲୁଣ କମ୍ପାନିର ବୋଲି ଜଣାପଡ଼ିଛି। ତେବେ ବାକି ୨୫୦ ମେଟ୍ରିକ୍‌ ଟନ୍‌ ଘରୋଇ କ୍ଷେତ୍ରର କମ୍ପାନିଗୁଡ଼ିକ ଦ୍ୱାରା ପଠାଯାଇଛି।
ବିଭିନ୍ନ ସାମାଜିକ ଗଣମାଧ୍ୟମରେ ଶ୍ରୀଲଙ୍କାର ଲୋକମାନେ ଲୁଣର ଅଭାବ ଓ ସଂକଟ ନେଇ ବିଭିନ୍ନ ପୋଷ୍ଟ କରିଛନ୍ତି। ଅନେକ ଲୋକେ ଲୁଣ ଖୋଜି ଖୋଜି ପାଉ ନ ଥିବା ଲଲ୍ଲେଖ କରିଛନ୍ତି। ପ୍ରକାଶ ଥାଉ କି କିଛିଦିନ ପୂର୍ବେ ଶ୍ରୀଲଙ୍କାରେ ଆର୍ଥିକ ସଂକଟ ପରିଲକ୍ଷିତ ହୋଇଥିଲା। ଏଥିପାଇଁ ୬୦ ଲକ୍ଷରୁ  ଅଧିକ ଲୋକ ଏବେ ବି ଖାଦ୍ୟ ସୁରକ୍ଷାର ସମ୍ମୁଖୀନ ହେଉଛନ୍ତି। ଦେଶର ୨୮% ରୁ ଅଧିକ ଜନସଂଖ୍ୟା ଏହି ପରିସ୍ଥିତି ଯୋଗୁ ପ୍ରଭାବିତ ହୋଇଥିବା ଜଣାପଡ଼ିଛି।