ପିଲାଟି ଦିନରୁ ସୋଫିଆଙ୍କ ମା’ ଚାହୁଁଥିରେ ଯେ ତାଙ୍କ ଦୁଇ ଝିଅଙ୍କ ମଧ୍ୟରୁ ଜଣେ ସେନା ପ୍ରତି ସମର୍ପିତ ହୁଅନ୍ତୁ।

ମାଆଙ୍କର ସେହି ଇଚ୍ଛାକୁ ପୂରଣ କରିଛନ୍ତି ସୋଫିଆ। ତାଙ୍କ ବାପା ୧୯୭୧ ରେ ବାଂଲାଦେଶ ଯୁଦ୍ଧରେ ଲଢ଼ିଥିଲେ। ଦାଦା ବିଏସଏଫରେ ସେବା ଯୋଗାଉଥିବା ବେଳେ ଦାଦାଙ୍କ ଜେଜେବାପା ବ୍ରିଟିଶ୍‌ ସେନାର ଅଧିକାରୀ ଥିଲେ କିନ୍ତୁ ପରେ ସେ କ୍ରାନ୍ତିର ଲଢେ଼ଇରେ ସାମିଲ୍‌ ହୋଇଥିଲେ। ସୋଫିଆଙ୍କ ଭଉଣୀ କହିଥିଲେ ଯେ ଆମ ଜେଜେମା’ ତାଙ୍କ ଶାଶୂମା’ଙ୍କ ବୀରତ୍ୱର କାହାଣୀ ସବୁବେଳେ ଶୁଣାଉଥିଲେ। କେମିତି ସେ ରାଣୀ ଲକ୍ଷ୍ମୀବାଈଙ୍କ ସହ ମିଶି ରଣକ୍ଷେତ୍ରକୁ ଓହ୍ଲାଉଥିଲେ ଏବଂ ଲଢେ଼ଇ କରୁଥିଲେ ସେ ନେଇ ଅବଗତ କରାଉଥିଲେ।
କର୍ଣ୍ଣେଲ ସୋଫିଆ ୧୯୭୪ରେ ଗୁଜରାଟର ବଡୋଦରାରେ ଜନ୍ମ ହୋଇଥିଲା।

ସେ ୧୯୯୭ରେ ବାୟୋକେମେଷ୍ଟ୍ରିରେ ମାଷ୍ଟର ଡିଗ୍ରୀ ହାସଲ କରି ଭାରତୀୟ ସେନାର ମେକେନାଇଜ୍ଡ ଇନଫେଣ୍ଟ୍ରିରେ କାମ କରୁଛନ୍ତି। ୨୦୧୬ ରେ ସେ ଏଏସ୍‌ଇଏଏନ୍‌ ପ୍ଲସ୍‌ ମଲ୍ଟିନ୍ୟାସନାଲ୍‌ ମିଲେଟ୍ରି ଏକ୍ସରସାଇଜ ‘ଫୋର୍ସ ୧୮’ ରେ ଭାରତୀୟ ଦଳର ନେତୃତ୍ୱ କରିଥିବା ପ୍ରଥମ ଭାରତୀୟ ମହିଳା ଅଧିକାରୀ ଥିଲେ। ୧୮ ଟି ଦେଶ ଭିତରୁ ସେ ଏକମାତ୍ର ମହିଳା କମାଣ୍ଡର ଥିଲେ।