ଭାରତ-ପାକିସ୍ତାନ ମଧ୍ୟରେ ଯୁଦ୍ଧ ପରିସ୍ଥିତି ଲାଗି ରହିଥିବା ବେଳେ ଆମେରିକା ମଧ୍ୟସ୍ଥତା କରିବା ନେଇ ଆଲୋଚନା ହେଉଥିଲା। ଏବେ କିନ୍ତୁ ଏହି ବିବାଦରେ ମଧ୍ୟସ୍ଥତା କରିବ ନାହିଁ ବୋଲି ଆମେରିକା ପକ୍ଷରୁ ସ୍ପଷ୍ଟ କରାଯାଇଛି।ଆମେରିକାର ଉପ-ରାଷ୍ଟ୍ରପତି ଜେଡି ଭାନ୍ସ କହିଛନ୍ତି ଯେ ଭାରତ ଏବଂ ପାକିସ୍ତାନ ମଧ୍ୟରେ ଚାଲିଥିବା ବିବାଦରେ ଆମର କୌଣସି କାମ ନାହିଁ।

ସେ ଆହୁରି ବି କହିଛନ୍ତି, ଆମେ କେବଳ ଦୁଇ ଦେଶର ଲୋକଙ୍କୁ ଉତ୍ତେଜନା ହ୍ରାସ କରିବା ପାଇଁ ଉତ୍ସାହିତ କରିପାରିବା। କିନ୍ତୁ ଆମେ ଯୁଦ୍ଧର ମଧ୍ୟଭାଗରେ ପଶିବାର ନାହିଁ। ଏଥିରେ ଆମର କୌଣସି କାମ ନାହିଁ।
ଏହାକୁ ନିୟନ୍ତ୍ରଣ କରିବାକୁ ଆମେରିକାର ତା’ର କ୍ଷମତା ପ୍ରୟୋଗ କରିବ ନାହିଁ।

ଆପଣ ଜାଣନ୍ତି ଯେ ଆମେରିକା ଭାରତୀୟମାନଙ୍କୁ ସେମାନଙ୍କର ଅସ୍ତ୍ର ରଖିବା ପାଇଁ କହିପାରିବ ନାହିଁ କିମ୍ବା ପାକିସ୍ତାନୀଙ୍କୁ ବି ସେମାନଙ୍କର ଅସ୍ତ୍ର ରଖିବା ପାଇଁ କହିପାରିବ ନାହିଁ। ତେଣୁ, ଆମେ କୂଟନୈତିକ ଚ୍ୟାନେଲ ମାଧ୍ୟମରେ ଏହି ଜିନିଷକୁ ଅନୁସରଣ କରିବା ଜାରି ରଖିବୁ ବୋଲି ଜେଡି ଭାନ୍ସ ଏକ ସାକ୍ଷାତକାରରେ କହିଛନ୍ତି। ଆମର ଆଶା ଯେ ଏହା ଏକ ପରମାଣୁ ସଂଘର୍ଷରେ ପରିଣତ ହେବ ନାହିଁ।