ଶିବସେନା ନେତା ଏବଂ ମହାରାଷ୍ଟ୍ରର ଉପମୁଖ୍ୟମନ୍ତ୍ରୀ ଏକନାଥ ସିନ୍ଦେଙ୍କ ଉପରେ କଥିତ ମଜା ଯୋଗୁଁ ଷ୍ଟାଣ୍ଡ ଅପ୍ କମେଡିଆନ୍ କୁନାଲ କାମରା ନୂଆ ବିବାଦରେ ଛନ୍ଦି ହୋଇଯାଇଛନ୍ତି। ଦଳୀୟ ନେତାମାନେ ତାଙ୍କୁ ଗମ୍ଭୀର ପରିଣାମ ଭୋଗିବାକୁ ଧମକ ଦେଇଛନ୍ତି। ଏମିତିକି ଶୋ ଚାଲିଥିବା ହୋଟେଲରେ ଭଙ୍ଗାରୁଜା କରିଛନ୍ତି।
ମୁମ୍ବାଇର ଖାରର ହୋଟେଲ ୟୁନିକଣ୍ଟିନେଣ୍ଟାଲରେ ସୁଟିଂ ହୋଇଥିବା କୁନାଲ କାମରାଙ୍କ ଶୋ’ରେ ଏକନାଥ ସିନ୍ଦେଙ୍କ ଉପରେ ଗଦ୍ଦର (ଦେଶଦ୍ରୋହୀ) ଆକ୍ଷେପ କରାଯାଇଥିଲା। କୌଣସି ନାମ ନ ନେଇ, ସେ ‘ଦିଲ୍ ତୋ ପାଗଲ୍ ହେ’ ଚଳଚ୍ଚିତ୍ରର ଏକ ଗୀତକୁ ପରିବର୍ତ୍ତନ କରି ଉପମୁଖ୍ୟମନ୍ତ୍ରୀଙ୍କୁ ପରିହାସ କରିଥିବା ପରି ମନେ ହେଉଥିଲା।
ଶିବସେନା (UBT) ନେତା ସଞ୍ଜୟ ରାଉତ ଏକ୍ସ୍ ରେ କୁନାଲ କାମରାଙ୍କ ଭିଡିଓ ସେୟାର କରିଥିଲେ, ଯେଉଁଥିରେ ଏକ କ୍ୟାପସନ ଥିଲା, କୁନାଲ କା କମଲ।

କୁନାଲ କାମରାଙ୍କ ଏହି ମଜାକ ସେନା ନେତାମାନଙ୍କୁ ପସନ୍ଦ ଆସି ନ ଥିଲା, ଯେଉଁମାନେ କମେଡିଆନଙ୍କ ମନ୍ତବ୍ୟରେ ଆପତ୍ତି ଉଠାଇ ତାଙ୍କୁ ଚେତାବନୀ ଦେଇଥିଲେ। ଦଳୀୟ କର୍ମୀମାନେ ଶୋ’ର ସୁଟିଂ ହେଉଥିବା ଖାର ହୋଟେଲରେ ମଧ୍ୟ ଭଙ୍ଗାରୁଜା କରିଥିଲେ।

କେନ୍ଦ୍ରୀୟ ନେତାଙ୍କ ଚାପରେ ଓଡ଼ିଆ ଅସ୍ମିତା ଚେପା