ଯଦିବା ଗତ ୨ ମାସ ହେଲାଣି ଚର୍ଚ୍ଚା ହେଉଛି କି, ନିତିଶ କୁମାର ଏନଡିଏ ମେଣ୍ଟ ଛାଡି ଇଣ୍ଡିଆ ମେଣ୍ଟରେ ଯୋଗ ଦେବେ। ପୂର୍ବତନ ପ୍ରଧାନମନ୍ତ୍ରୀ ମନମୋହନ ସିଂହଙ୍କ ଦେହାନ୍ତ ସମୟରେ ନୀତିଶ ଦିଲ୍ଲୀ ଯାଇଥିଲେ ହେଲେ ବିଜେପି ନେତାଙ୍କ କଥା ହୋଇନଥିଲେ। ଅପରପକ୍ଷେ କଂଗ୍ରେସ ନେତାଙ୍କ ସହ ଆଲୋଚନା କରିବା ବରେ ସେ ଇଣ୍ଡିଆ ମେଣ୍ଟରେ ସାମିଲ ହେବା ନେଇ ଚର୍ଚ୍ଚା ହୋଇଥିଲା। ଏପରିସ୍ଥଳେ ହଠାତ୍‌ ନଡ଼ା ଆସି ନିତିଶଙ୍କ ସହ ଆଲୋଚନା କରିବା ଭିନ୍ନ କଥା ସୂଚୀତ କରୁଛି। କେବଳ ସେତିକି ନୁହେଁ ସୋମବାର ପ୍ରଧାନମନ୍ତ୍ରୀ ବିହାର ଯାଇ ସେଠାରୁ ପିଏମ୍‌ କିଷାନ ନିଧି ଯୋଜନାରେ ଟଙ୍କା ପଠାଇବା ଘଟଣା ଆଲୋଚନାକୁ ଜୋର୍‌ କରିଛି। ଏଥିରୁ ସ୍ପଷ୍ଟ ହୋଇଛି ଯେ, ବିଜେପିର ଫୋକସରେ ଏବେ ବିହାର ରହିଛି। ଏବେ କେତେକ କେନ୍ଦ୍ରମନ୍ତ୍ରୀ ମଧ୍ୟ ବିହାର ଗସ୍ତରେ ଅଛନ୍ତି। କେନ୍ଦ୍ର ସ୍ୱାସ୍ଥ୍ୟମନ୍ତ୍ରୀ ତଥା ଅଧ୍ୟକ୍ଷ ଜେପି ନଡ଼ା ନିତିଶଙ୍କ ସମେତ ଅନ୍ୟ ମନ୍ତ୍ରୀମାନଙ୍କ ସହ ଆଲୋଚନା କରିଛନ୍ତି।
ଅପରପକ୍ଷେ ମିଳିଥିବା ସୂଚନା ଅନୁଯାୟୀ ବିହାରରେ ଆଗୁଆ ନିର୍ବାଚନ ହେବା ପାଇଁ ନିତିଶ ସରକାର ପ୍ରସ୍ତୁତ ହେଉଛନ୍ତି। କାରଣ ହରିଆଣା, ମହାରାଷ୍ଟ୍ର ଓ ଦିଲ୍ଲୀରେ ହୋଇଥିବା ନିର୍ବାଚନରେ ବିଜେପିକୁ ସଫଳତା ମିଳିବା ସହିତ ବଜେଟରେ ବିହାରକୁ ଫୋକସରେ ରଖିଥିଲେ କେନ୍ଦ୍ର ସରକାର। ଖାଲି ଏତିକି ନୁହେଁ ବିହାର ପାଇଁ ଅନେକ ଯୋଜନା ମଧ୍ୟ ଘୋଷଣା କରିଥିଲେ ପ୍ରଧାନମନ୍ତ୍ରୀ।