ଆଉ ଦୁଇଦିନ ପରେ ଦିଲ୍ଲୀରେ ନିର୍ବାଚନ ଅନୁଷ୍ଠିତ ହେବାକୁ ଯାଉଛି। ଏଥିପାଇଁ ପ୍ରଚାର ସରି ଥିବା ବେଳେ ବିଭିନ୍ନ ରାଜନୈତିକ ଦଳ ପକ୍ଷରୁ ସୋମବାର ପ୍ରଚାର ଜୋର୍ଦାର୍ କରାଯାଇଥିଲା। ପ୍ରମୁଖ ତିନି ଦଳ କଂଗ୍ରେସ, ବିଜେପି, ଆପ୍ର ପ୍ରଚାର ଶେଷ ପର୍ଯ୍ୟାୟରେ ପହଞ୍ଚିଥିଲା।
ଦିଲ୍ଲୀରେ ଶେଷ ଦିନର ପ୍ରଚାରରେ ମୋଦୀ, ଶାହା ପ୍ରଚାର ମୈଦାନକୁ ଓହ୍ଲାଇଥିବା ବେଳେ ମୋଦୀ ଏକ ଜନସଭାରେ ଯୋଗଦେଇ ଆମ୍ ଆଦମୀ ପାର୍ଟିକୁ ଟାର୍ଗେଟ କରି ଆପର ବିଭିନ୍ନ ଯୋଜନାକୁ ସମାଲୋଚନା କରିଛନ୍ତି। ଆମ୍ ଆଦ୍ମୀ ପାର୍ଟିକୁ ଦେଇଥିବା ୧୧ ବର୍ଷ ବର୍ବାଦ ହୋଇଛି ବୋଲି କହିଥିବା ବେଳେ ଏଥର ବିଜେପିକୁ ଭୋଟ ଦେବାକୁ ଅନୁରୋଧ କରିଛନ୍ତି।
ସେପଟେ କେଜ୍ରିୱାଲ୍ ନିର୍ବାଚନୀ ପ୍ରଚାରରେ ସରକାରଙ୍କ ବିଭିନ୍ନ ଜନହିତକାରୀ ଯୋଜନା ସମ୍ପର୍କରେ କହିଛନ୍ତି। ଦିଲ୍ଲୀ ସରକାର ଆମ୍ ଜନତାଙ୍କ ପାଇଁ କାମ କରିଛନ୍ତି ବୋଲି କହିଛନ୍ତି କେଜ୍ରିୱାଲ୍। ସେ କହିଛନ୍ତି ଯେ, ସାଧାରଣ ଓ ମଧ୍ୟବିତଙ୍କ ସରକାର ଆପ୍ ସରକାର। ଯେଉଁ ସରକାର ମଧ୍ୟବିତଙ୍କୁ ମାଗଣାରେ ୨ ଶହ ୟୁନିଟ୍ ପର୍ଯ୍ୟନ୍ତ ବିଦ୍ୟୁତ ସେବା ଯୋଗାଇ ଦେବା ଶିକ୍ଷା, ସ୍ୱାସ୍ଥ୍ୟ କ୍ଷେତ୍ରରେ ଯେଉଁ ବିପ୍ଲପ ଆସିଛି ତାହା ଆପ୍ ସରକାର ହିଁ କରିଛି ବୋଲି କହିଛନ୍ତି ସେ। ମହଲା କ୍ଲିନିକ୍ରେ ଲୋକେ ସ୍ୱାସ୍ଥ୍ୟ ସୁବିଧା ନେଉଥିବା ବେଳେ ବିଦ୍ୟାଳୟରେ ସବୁ ପିଲାଙ୍କ ପାଇଁ ସରକାର ଭାବେ ମାଗଣା ଓ ଉଚ୍ଚମାନର ଶିକ୍ଷା ଯୋଗାଇ ଦେଉଛନ୍ତି ବୋଲି କହିଛନ୍ତି କେଜ୍ରିୱାଲା। ଏଥି ସହିତ ଦିଲ୍ଲୀ ପୋଲିସକୁ ଟାର୍ଗେଟ୍ କରିଛନ୍ତି ତାସହ ଇସିଙ୍କୁ ମଧ୍ୟ ନିଶାନା ଲଗାଇଛନ୍ତି। ଇସି ବିଜେପି ପାଖରେ ଆତ୍ମସମର୍ପଣ କରିଦେଇଛି ଆଉ ଆପ୍ କର୍ମୀଙ୍କ ଉପରେ ଖୁଲମଖୁଲା ଆକ୍ରମଣ ହେଉଥିଲେ ବି ପୋଲିସ ଆଖି ବୁଜି ଦେଇଛି ବୋଲି କେଜ୍ରିୱାଲ୍ ଟାର୍ଗେଟ୍ କରିଛନ୍ତି।