ସରକାରୀ ରିପୋର୍ଟ ଅନୁଯାୟୀ ୨୦୧୧ ମସିହାରେ ଓଡ଼ିଶାର ମୋଟ ଜନସଂଖ୍ୟାର ୯.୫% ବୟସ୍କ (୬୦ ବର୍ଷ ଓ ଊର୍ଦ୍ଧ୍ୱ) ଥିଲେ। ସେହିଭଳି ୨୦୨୪ ମସିହାରେ ଭୁବନେଶ୍ୱର ମହାନଗର ଅଞ୍ଚଳର ଆନୁମାନିକ ଜନସଂଖ୍ୟା ଥିଲା ୧୨ ଲକ୍ଷ ୫୭ ହଜାର। ରାଜ୍ୟର ମୋଟ ନାଗରିକଙ୍କ ମଧ୍ୟରୁ ବୟସ୍କଙ୍କ ହାର ୧୩ ପ୍ରତିଶତ ରହିଥିଲା। ଏହି ହିସାବରେ ଯଦି ବିଚାର କରାଯାଏ ତେବେ ଭୁବନେଶ୍ୱରରେ ବରିଷ୍ଠ ନାଗରିକଙ୍କ ସଂଖ୍ୟା ପ୍ରାୟ ୧ ଲକ୍ଷ ୬୩ ହଜାର ୪୨୩। ଅର୍ଥାତ୍‌ ରାଜ୍ୟ ତୁଳନାରେ ରାଜଧାନୀରେ ବୟସ୍କ ନାଗରିକଙ୍କ ସଂଖ୍ୟା ରହିଛି ଅଧିକ।
ଆଜିର ଯୁବଗୋଷ୍ଠୀ ରାଜ୍ୟ ବାହାର ତଥା ଦେଶ ବାହାରେ କର୍ମସଂସ୍ଥାନ ପାଇଁ ବେଶି ପସନ୍ଦ କରୁଥିବାରୁ ଏଭଳି ପରିସ୍ଥିତି ସୃଷ୍ଟି ହୋଇଛି। ଅର୍ଦ୍ଧ ଶିକ୍ଷିତ ଯୁବଗୋଷ୍ଠୀ ଗୁଜରାଟର ସୁରତ, ବେଙ୍ଗାଲୁରୁ, ମୁମ୍ବାଇ, ଦିଲ୍ଲୀ ଭଳି ସହରରେ ନିଜର କର୍ମ ପ୍ରତିଷ୍ଠାନକୁ ବାଛି ନେଇଥିବା ବେଳେ ଉଚ୍ଚଶିକ୍ଷିତ ବା ବୈଷୟିକ ଶିକ୍ଷା ହାସଲ କରିଥିବା ଶିକ୍ଷିତ ଯୁବଗୋଷ୍ଠୀ ବିଦେଶକୁ ପସନ୍ଦ କରୁଛନ୍ତି ବୋଲି କୁହନ୍ତି।

ପତିତା ଉଦ୍ଧାର ସମିତିିର ସମ୍ବାଦିକା ଅଭାରାଣୀ ଚୌଧୁରୀ। ଆଜିର ଯୁବଗୋଷ୍ଠୀ ରାଜ୍ୟ ବାହାର ତଥା ଦେଶ ବାହାରେ ଛୋଟମୋଟ ଉଦ୍ୟୋଗ କରି ଅନେକ ଯୁବକ ପ୍ରତିଷ୍ଠିତ ହୋଇପାରିଛନ୍ତି।

କିନ୍ତୁ ବୃଦ୍ଧ ବାପାମାଆଙ୍କୁ ଏଠାରେ ଛାଡ଼ି ଚାଲି ଯାଉଛନ୍ତି। ସେମାନଙ୍କ ମଧ୍ୟରୁ ଅନେକ ଆମେରିକା, ଇଂଲଣ୍ଡ ଭଳି ଦେଶର ନାଗରିକତା ଗ୍ରହଣ କରି ସେଠାରେ ସବୁଦିନ ପାଇଁ ରହି ଯାଉଛନ୍ତି। ଫଳରେ ଏଠାରେ ବୃଦ୍ଧ ବାପାମାଆଙ୍କୁ ଛାଡ଼ି ଯାଉଥିବାରୁ ସେମାନେ ଜୀବନର ଶେଷ ପର୍ଯ୍ୟାୟ ଏକୁଟିଆ ରହୁଛନ୍ତି ବୋଲି କହିଛନ୍ତି ଉଚ୍ଚଶିକ୍ଷା ବିଭାଗର ପୂର୍ବତନ ନିର୍ଦ୍ଦେଶକ ତଥା ବରିଷ୍ଠ ନାଗରିକ ପ୍ରଫେସର୍‌ ଡ. ନିହାର ରଞ୍ଜନ ପଟ୍ଟନାୟକ।