ନେପାଳୀ ଛାତ୍ରୀଙ୍କ ଆତ୍ମହତ୍ୟା ଓ ଛାତ୍ରଛାତ୍ରୀଙ୍କୁ ମାଡ଼ ମରାଯିବା ଘଟଣାକୁ କଂଗ୍ରେସ ବିଧାୟକ ତାରା ପ୍ରସାଦ ବାହିନୀପତି ନିନ୍ଦା କରିବା ସହ କିଟ୍ ବିଶ୍ଵବିଦ୍ୟାଳୟର ପ୍ରତିଷ୍ଠାତା ଅଚ୍ୟୁତ ସାମନ୍ତଙ୍କ ଗିରଫ ଦାବି କରିଛନ୍ତି।
ସେ କହିଛନ୍ତି ଛାତ୍ରୀ ଦୁଇ ସାଇଡ କରିବା ଘଟଣାରେ ଛାତ୍ରଛାତ୍ରୀ ପ୍ରତିବାଦ କରିବାରୁ ସେମାନଙ୍କୁ ମାଡ଼ ମରାଯାଇଛି ଓ ସାଇନ୍ ଏ ଡାଏ ଘୋଷଣା କରାଯାଇଥିଲା। କିନ୍ତୁ କେବଳ ନେପାଳୀ ଛାତ୍ର ଛାତ୍ରୀଙ୍କ ପାଇଁ ସାଇନ୍ ଏ ଡାଏ କାହିଁକି ଘୋଷଣା କରା ବୋଲି ସେ ପ୍ରଶ୍ନ ଉଠାଇଛନ୍ତି। ସେଥିପାଇଁ କିଟ୍ ପ୍ରତିଷ୍ଠାତାଙ୍କ ଗିରଫ ଦାବି କରିଛନ୍ତି ଏବଂ ଘଟଣାର ନ୍ୟାୟିକ ତଦନ୍ତ ଦାବି କରିଛନ୍ତି। ନ୍ୟାୟିକ ତଦନ୍ତ ନିର୍ଦ୍ଦେଶ ନ ଦେଲେ ସେ ଧାରଣାରେ ବସିବେ ବୋଲି ଚେତାବନୀ ଦେଇଛନ୍ତି ବିଧାୟକ ତାରା ପ୍ରସାଦ ବାହିନୀପତି। ସେହିଭଳି କିଟରେ କେତେକ ଆଇଏଏସ୍ ଓ ଆଇପିଏସଙ୍କ ପତ୍ନୀ ଚାକିରି କରିଛନ୍ତି ବୋଲି କହିଛନ୍ତି ବିଧାୟକ ଶ୍ରୀ ବାହିନୀପତି।
ଅପରପକ୍ଷେ ଉଚ୍ଚଶିକ୍ଷା ମନ୍ତ୍ରୀ ସୂର୍ଯ୍ୟବଂଶୀ ସୁରଜ୍ ବିଧାନସଭାରେ ଉତ୍ତର ରଖି କହିଛନ୍ତି ଯେ କିଟ୍ ମାମଲାରେ ଏପର୍ଯ୍ୟନ୍ତ ୧୦ ଜଣଙ୍କୁ ଗିରଫ କରାଯାଇଛି। ସେପଟେ କିଟ୍ କାଣ୍ଡ ନେଇ ରାଜ୍ୟ ଅତିଥି ଭବନରେ ଉଚ୍ଚସ୍ତରୀୟ କମିଟିର ଶୁଣାଣି ଆରମ୍ଭ ହୋଇଛି।
